Ağa Sultanov

Vikipediya, azad ensiklopediya
Naviqasiyaya keçin Axtarışa keçin
Ağa Sultanov
bayraq
Gürcüstan Kommunist Partiyası Axalsıx Rayon Komitəsinin birinci katibi
bayraq2
1933 – 1936
bayraq
Azərbaycan Kommunist Partiyası Mərkəzi Komitəsinin ikinci katibi
bayraq2
1933 – 1933
bayraq
Azərbaycan Kommunist Partiyası Mərkəzi Komitəsinin katibi
bayraq2
1930 – 1933
Birinci katibVladimir Polonski
1929 – 1930
ƏvvəlkiRuhulla Axundov
SonrakıMaqsud Məmmədov
Şəxsi məlumatlar
Doğum tarixi 1901
Doğum yeri
Vəfat tarixi 12 iyun 1936(1936-06-12)
Vəfat yeri

Ağa İsmayıl oğlu Sultanov (1901, Bakı12 iyun 1936, Axalsıx) — Azərbaycan inqilabçısı və dövlət xadimi, Azərbaycan SSR xalq maarif komissarı, Azərbaycan Kommunist Partiyası Mərkəzi Komitəsinin katibi, Gürcüstan Kommunist Partiyası Axalsıx Rayon Komitəsinin birinci katibi.

Həyatı[redaktə | mənbəni redaktə et]

Ağa İsmayıl oğlu Sultanov 1901-ci ildə Bakı şəhərində neftçi fəhlə ailəsində anadan olmuşdur. İbtidai təhsil almış, maddi səbəblərə görə dəmirçi emalatxanasında işləməyə başlamış, dəmirçi şagirdi olmuşdur. 1917-ci ildə inqilabi hərəkata qoşulmuş, Qriqori Petrovun döyüş dəstəsində xidmət etmişdir.[1] 1919-cu ildə bolşeviklər partiyası sıralarına qəbul olunmuş və həmin ildən Azərbaycan dəmir yolunda işləyərək Bakı dəmiryolçularının həmkarlar ittifaqına başçılıq etmişdir. O, Bakı Partiya Komitəsinin tapşığı ilə dəmiryolçular arasında gizli təbliğat və təşviqat işi aparmışdır.[2]

1920-ci ilin fevral ayında Ağa Sultanov Bakı partiya təşkilatı tərəfindən Hacıqabula göndərilmiş və burada, eləcə də KürdəmirdəYevlaxda həmkarlar ittifaqı təşkilatlarına başçılıq etmişdir. Azərbaycanda Sovet hakimiyyətinin qurulmasından sonra ilk vaxtlar o, Hacıqabul və Şamxor qəza inqilab komitələrinin sədri, sonralar isə Azərbaycan SSR Xalq Daxili İşlər Komissarlığı Baş Milis İdarəsində komissar vəzifəsində və digər məsul işlərdə çalışmışdır. 1922–1924-cü Azərbaycan diviziyasında rəhbər partiya-siyasi vəzifədə çalışarkən Ağa Sultanov[2]

Azərbaycanda sovet hakimiyyəti qurulduqdan sonra Hacıqabul və Şamxor qəza inqilab komitələrinin sədri (1920–1933), Azərbaycan diviziyasında şobə rəisi və partiya komissiyasının katibi, Stalin rayon Partiya Komitəsi təşkilat şobəsinin müdiri, Gəncə mahal Partiya Komitəsinin katibi, AK(b)P MK-nın ikinci katibi vəzifələrində çalışıb.

1933-cü ildə Gürcüstana göndərilmiş və həyatının sonunadək burada Axalsıx Rayon Partiya Komitəsinin katibi (birinci katib) vəzifəsində çalışmışdır.[3]

Gürcüstan K(b)P MK və UİK(b)P Zaqafqaziya Ölkə Komitəsinin üzvü olub, Gürcüstan SSR və ZSFSR Mərkəzi İcraiyyə Komitəsinin üzvü seçilib.

Ağa Sultanov 12 iyun 1936-cı ildə Axalsıx şəhərində vəfat etmişdir.[4]

Ailəsi[redaktə | mənbəni redaktə et]

Ağa Sultanov əslən İsmayıllının Lahıc kəndindəndir. O, inqilabçı Qasım İsmayılovun, Hökumə Sultanovanın və Azərbaycanın ilk təyyarəçilərindən olan Yaqub Sultanovun qardaşıdır.

İstinadlar[redaktə | mənbəni redaktə et]

  1. А. И. Султанов // Азәрбайҹанда Совет һакимиййәти уғрунда фәал мүбаризләр. Бакы: Азәрбайҹан Дөвләт Нәшрийяты. 1958. səh. 263–264.
  2. 2,0 2,1 Х. Вәзиров. Халгын вә партијанын сәдагәтли оғлу: [А. И. Султановун анадан олмасынын 80 иллији] // Коммунист. 7 ијун 1981-ҹи ил. С. 2.
  3. Bolşeviq və joldaşьn xatirəsi // Qommunist. № 136 (4762). 14 ijun 1936. S. 4.
  4. Султанов Аға Исмајыл оғлу // Азәрбајҹан Совет Енсиклопедијасы: [10 ҹилддә]. IX ҹилд: СпутникФронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 70.