Ağarəhim Rəhimov
| AĞARƏHİM RƏHİMOV | |
 |
|
| Doğum tarixi: | 26 oktyabr 1948-ci il |
|---|---|
| Doğum yeri: | Boyat, Ucar, Azərbaycan SSR |
Rəhimov Ağarəhim Nüsrət oğlu - nasir, publisist, dramaturq, ssenarist, 1998-ci ildən Azərbaycan Yazıçılar İttifaqının üzvü, pedaqoji elmlər doktoru (1993), professor (1993).
Mündəricat |
[redaktə] Həyatı
Ağarəhim Rəhimov 1948-ci il oktyabrın 26-da Azərbaycanda Ucar rayonunun Boyat kəndində anadan olmuşdur. Burada kənd orta məktəbini bitirdikdən sonra Həsənbəy Zərdabi adına Gəncə Dövlət Pedaqoji İnstitutunun ibtidai təhsilin pedaqogikası və metodikası fakültəsində təhsil almışdır (1967-1972).
Əmək fəaliyyətinə təyinatla göndərildiyi Ucar rayonu Boyat kənd orta məktəbində müəllim kimi başlamışdır. Sonra dərs hissə müdiri işləmişdir (1972-1976). Bakı şəhərində Azərbaycan Elmi-Tədqiqat Pedaqoji Elmlər İnstitutunda elmi işçi, şöbə müdiri olmuşdur (1976-1992). Pedaqogika sahəsində elmi tədqiqatlarına görə namizəd (1985) və doktor (1993) elmi dərəcəsinə layiq görülmüşdür. Hazırda özünün yaratdığı Bakı Ali Pedaqoji Qızlar Seminariyasının rektorudur (1992-ci ildən).
Dövri mətbuatda elmi-pedaqoji məqalələri və nəsr əsərləri vaxtaşırı dərc olunur. Əlliyə yaxın kitab və kitabçaları vardır: "Azərbaycan dili dərslərində şagirdlərin şifahi monoloji nitqinin inkişafı", "Azərbaycan dilində sintaksisin tədrisinin nəzəri və praktik əsasları", "İbtidai siniflərdə ana dilinin tədrisi metodikası" və digər elmi-pedaqoji əsərləri, "Yaddaşda yaşar xatirələr" (1997), "Gəmiqayada qoşa məzar" (1997), "Canavar balası" (1998), "Qoşa qanad" (1998), "Ovlaq keçidi" (1999), "Mənim ikili dünyam" (1999) kitablarında hekayə, povest, pyes və romanları toplanmışdır.
Yaradıcılığında etik fəlsəfə sahəsində tədqiqat xüsusi yer tutur. "Allahla ünsiyyət" (1997), "Ölüm və ölməzlik" (1998), "Zəka simfoniyası" (1999) və s. əsərləri buna sübutdur. "Əsgər anası", "Məhəbbət və cinayət" pyesləri tamaşaya qoyulmuşdur. "Canavar balası", "Qırmızı qar" kinossenariləri əsasında bədii film çəkilmişdir.
[redaktə] Əsərləri
[redaktə] Filmoqrafiya
[redaktə] Həmçinin bax
 |
Azərbaycan kino sənəti portalı |
|---|
