Aşağı Kartli mxaresi

Vikipediya, açıq ensiklopediya
(Aşağı Kartli səhifəsindən istiqamətləndirilmişdir)
Keçid et: naviqasiya, axtar
Aşağı Kartli mxaresi

ქვემო ქართლის მხარე

Location of Kvemo Kartli within Georgia

İxtisarı: GE-KK
Sahəsi: 6 527.6[1][2] km²
Əhalisi: 511 100[3][4] (2013)
Mərkəz şəhəri: Rustavi
Qubernator: Zurab Melikişvili

Aşağı Kartli, Aşağı Kartli mxaresi (gür.: g.ə. ქვემო ქართლის მხარე, l.ə. kvemo kartlis mxare) — tarixi Borçalı bölgəsinin Gürcüstana qalan hissəsinin indiki adı. 1995-ci ildə həyata keçirilmiş və hazırda da qüvvədə olan yeni inzibati-ərazi bölgüsünə görə "Aşağı Kartli" Gürcüstan Respublikasının 9 "mxare (gürcücə: მხარე)" sindən biridir. Aşağı Kartli ölkəsi inzibati cəhətdən respublika tabeli Rustavi şəhərindən və altı rayondan (Başkeçid, Bolnisi, Marneuli, Qarayazı, Tsalka, Tetri Tskaro) ibarətdir. Aşağı Kartlinin inzibati mərkəzi Rustavi şəhəridir. Ətraflı olaraq bax: Borçalı


Əhalisi[redaktə]

17-24 yanvar 2002-ci il ümumrespublika əhali siyahıyaalınmasının yekunlarına əsasən mxarenin ümumi əhalisi 497.530 nəfər olmuşdur. Onlardan 186.505 nəfəri şəhərlərdə, 311.025 nəfəri isə kəndlərdə yaşayırdı. Kənd əhalisinin 152.456 nəfəri kişilərdən, 158.569 nəfəri isə qadınlar təşkil edirdi. Sayımın yekunlarına əsasən kənd əhalisinin 62.50%-i azərbaycanlılardan, 28.40%-i gürcülərdən, 6.70%-i ermənilərdən, 1.50%-i urumlardan, 0.40%-i ruslardan və 0.50%-i digərlərindən ibarət idi. Siyahıyaalınma vaxtı mxarenin tərkibinə 6 rayon (2006-cı ildən sonra "bələdiyyə"), 7 şəhər, 8 qəsəbə, 104 sakrebulo və 348 kənd daxil idi. 348 kənddən 147-sində azərbaycanlılar, 128-ində gürcülər, 31-ində ermənilər, 25-ində urumlar, 2-sində isə osetinlər əksəriyyət təşkil edirdi, qalan 15 kənddə isə əhali yaşamırdı.

Gürcüstan əhalisinin 2013-ci il rəsmi təxmininə əsasən regionun əhalisi 511 100 nəfər təşkil edib və bu göstəriciyə görə Kvemo Kartli Gürcüstanda 3-cü yeri tutur. Əhalinin 45%-ni azərbaycanlılar, 44%-ni isə gürcülər təşkil edir. Regionun qubernatoru David Kirkitadzedir. Gürcüstanın daxili işlər nazirinin verdiyi məlumata görə 2012-ci ildə Kvemo-Kartli bölgəsində baş verən cinayətin 35%-i azərbaycanlılarla bağlı olub. [5]

İstinadlar[redaktə]

  1. National Statistics Office of Georgia: ტომი I - საქართველოს მოსახლეობის 2002 წლის პირველი ეროვნული საყოველთაო აღწერის შედეგები
  2. About Georgia: Home: Regions and Cities: Divisions: Kvemo Kartli
  3. National Statistics Office of Georgia: Number of Population as of January 1, 2013
  4. National Statistics Office of Georgia: Number of Population is Increasing. Published on 31 May, 2012
  5. Gürcüstanın daxili işlər naziri: “Kvemo-Kartli bölgəsində baş verən cinayətin 35%-i azərbaycanlılarla bağlı olub”