Aşiq qadın (film, 2011)

Vikipediya, azad ensiklopediya
Naviqasiyaya keçin Axtarışa keçin
Aşiq qadın
Rubbeldiekatz
alm. Rubbeldiekatz‎
Janr komediya filmi
Rejissor Detlev Buk
Baş rollarda Mattias Şvayqhöfer
Aleksandra Maria Lara
Detlev Buk
Operator Mark Axenbax
Bəstəkar Enis Rotthoff
Rəssamlar Sebastian Soukup
Nina Hirşberq
Gido Maria Kretçmer
Distribütor Netflix
İlk baxış tarixi 15 dekabr 2011[3]
Filmin növü

Bədii film

  • Yaş reytinqi — FSK (12+)[1], JMK (10+)[2]
Müddət 113 dəq.
Büdcə 5 milyon €
Ölkələr Almaniya Almaniya
Dil Almanca
İl 2011
Rəng rəngli
IMDb ID1802810

«Aşiq qadın» (alm. Rubbeldiekatz‎) — Almaniyalı rejissor Detlev Bukun 2011-ci ildə travesti-komediya janrında çəkilmiş filmi. Baş rollarda Mattias Şvayqhöfer və Aleksandra Maria Lara oynayırlar. Film ssenari müəllifi Anika Dekker və rejissor Detlev Bukkun, bundan başqa Universal Pictures International, Film1 və Boje Buck şirkətlərin birgə istehsalı nəticəsində yaranmışdı. Bundan başqa ikincidərəcəli rolları Detlev Buk, Dennis Moşitto, Maks fon Tun, Maks Girman və Sunnyi Melles oynamışdılar. Filmin çəkilişləri Berlin, Babelsberq və Sankt Peter Ordinq şəhərlərində keçirilmişdi və dekabr ayının 15-də Almaniyada təntənəli şəkildə teatr reliz versiyası təqdim olunmuşdu, kinoçartlarda isə komediya 3 nömrə altında nümayiş edilmişdi. Filmin kassa yığımı 14,5 milyon avro təşkil etmişdi, ümumi seyircilərin sayı isə 1 milyonu keçmişdi. Bu səbəbdən də «Aşiq qadın» 2011-ci ilin on ən uğurlu Alman filmlər sırasına daxil olur. Tənqidçilər filmi 1982-ci ildə ekranlaşdırılmış və güclü məzmuna malik amerikan travesti-komediya janrında çəkilmiş Tutsi filmi ilə müqayisə edərək, ona ümumilikdə müsbət rəy verdilər.

Filmin xülasəsi[redaktə | mənbəni redaktə et]

Xəbərdarlıq Xəbərdarlıq: Yazının davamı əsərin məzmunu haqqında məlumat ehtiva edir.

Aktyor Aleksander Honk və ya sadəcə Aleks (Mattias Şvayqhöfer) yerli teatrda İngiltərəli dramaturq Brendon Tomasın "Çarleya xala" spektaklında qadın rolunu ifa edir. Nasist dövrü haqqında Hollivud filmində bir rol almaq üçün, o qadın paltarları geyinərək, kastinqdə Aleksandra adı altında daxil olur. Rejissor Aleksandranın "əsl alman qadınına" bənzədiyini deyib, onu filmdə iştirak etməsinə razı olur. Bu xəbərdən Aleks çox sevinir və kastinq şöbəsindən çıxdıqdan sonra, o qardaşları ilə birgə qarlı parkda müvəffəqiyyəti qeyd etməyi qərara alırlar; məhz elə burada Aleks aktrisa Sara Fossla görüşür. Sara onu xəyanət edən sevgilisindən ayrıldığına görə çox kədərlidir və buna görə də o spontan halda Aleksə onunla sevişməyi təklif edir. Səhəri Aleks oyanaraq, özünün oteldə olduğunu görür. Sara isə artıq çoxdan oyandığından, Aleksə dünənki seksin "orta səviyyədə olduğunu" bildirir və bütövlükdə baş vermiş hadisəyə görə üzr istəyərək otel nömrəsindən çıxıb gedir.

Aleks qadın paltarlarını geyinərək qardaşı ilə birlikdə çəkiliş meydanına gəlir. Və burada o dünən gecə sevişdiyi Sara ilə toqquşur. Sara onu tanımır, rejissor isə onların hər ikisinin birgə filmdə çəkiləcəyini deyərək, onların lesbiyan rol oynayacaqlarını bildirir. Sara Aleksandra ilə yaxından tanış olur və tezliklə onlar yaxın dosta çevrilirlər. Lakin əsl Aleksi Sara daha görmür və hesab edir ki, o artıq onu atıb. Bu zaman geyinib-soyunma otağında, Aleks (yəni Aleksandra) çətin bir vəziyyətlə üzləşir: geyim üzrə ekspert Aleksandranın döşlərinin həqiqi olmadığını anlayır və əvvəlcə elə bilir ki, Aleksandra transvestitdir. Ancaq Aleks ona başa salır ki, o kişidir, sadəcə pul qazanmaq məqsədilə qadın paltarlarını geyinərək, müxtəlif rolları oynamağa məcburdur. Çəkiliş meydanına Aleksin qardaşları Yürgen və onun dostu Yan, həmçinin onun eks-sevgilisi Maike gəlirlər və Aleksə əlavə stress hissi yaradırlar. Sara bu zaman filmdə iştirak edən Tomasla bir gecə keçirir, o yeni rəfiqəsinə Tomasa qarşı yaşadığı sevgi hisslərindən danışır. Aleks isə Saraya hələ də öz sevqi hisslərini qoruduğundan, qısqanclıq keçirir.

Hitler rolunu oynaya Yörg, Aleksandra, Sara və Tomas çəkilişdən sonra axşam bara gedirlər. Barda Yörg açıq şəkildə Aleksandraya öz "heyvani" ehtirası bildirərək, onu öpür və onun əllərini sığallayır, lakin Aleksandra Yörgü sevmir, onun yalnız bir istəyi var — bu da Saranı geri qaytarmaqdır. Bunun üçün də o barda Toması lağa qoyaraq, onun hər dediyini tənqid edir. Bardan onlar sərxoş halda çıxırlar və Aleks istədiyinə nail ola bilir; Saranın Tomasa qarşı sevqi hissləri təmamilə məhv olur. Rəfiqələr birlikdə Berlində gecə gəzintisinə çıxırlar. Sara halsız olduğundan gecələmək üçün Aleksandranın evinə gəlir. Və burada Aleksandra Saraya etiraf edir ki, o əslində kişidir, lakin bu vaxt Sara yuxuda olduğundan onun dediklərini eşitmir. Səhəri onlar birlikdə çəkiliş meydanına gəlirlər. Tomas dünənki insidentdən hələ də əsəbi olduğundan, Aleksandranın geyinib-soyunma otağına girərək onu hədələməyə başlayır. Aleksandra isə ona deyir ki, o kişidir və onun əsl adı Aleksdir. Oğlanlar arasında dava düşür və Tomas Aleksandranın başından pariki çıxararaq, onun qadın olmadığını hamıya göstərir, bunu Sara da daxil olmaqla bütün işçi heyəti şahid olur. Daha sonra isə Aleks rejissor otağında qadın olmadığına görə məxvilik müqaviləsi imzalayaraq çəkiliş meydanını həmişəlik tərk edir. Sara onun yalanını bağışlaya bilmir və Aleks yenidən teatra qayıdaraq öz köhnə rollarını yenidən oynamağa başlayır. Tezliklə Sara Hollivuda köçür və Şimal dənizində özünün növbəti filmində çəkilən zaman Aleks onun yanına gəlir və öz sevgi hisslərini ona etiraf edir. Lakin Sara onu yenidən rədd edir. Bir müddət sonra isə, Berlinə qayıdan Sara Aleksin teatrına gəlir. Və burada onlar öpüşərək yenidən birləşirlər və Sara onu öz evinə gətirərək, onunla birgə xoşbəxt həyata başlayır.

Rollarda[redaktə | mənbəni redaktə et]

Aktyor Rol
Mattias Şvayqhöfer Aleksandr Honk
Aleksandra Maria Lara Sara Foss
Detlev Bukk Yürgen Honk
Maksimilian Brükkner Basti Honk
Dennis Moşitto Yan
Maks fon Tun Tomas
Maks Girmann Yörg
Süzanna Bormann Maike
Milan Peşel Kostyum üzrə dizayner
Yoaxim Meyerhoff Rejissor
Katarina Maria Şubert Rejissor köməkçisi

İstehsalı[redaktə | mənbəni redaktə et]

Mattias Şvayqhöfer filmdə özünün Baş rolu — Aleks/Aleksandranı oynayır

Anika Dekker filmin ssenarisini xüsusi olaraq filmdə Baş rolda oynacaq aktyor, hələ 2007-ci ildə rejissor Til Şvayger tərəfindən çəkilmiş Qulaqsız dovşan və 2009-cu ildə çəkilmiş İki qulaqlı cücə filmlərində çəkilən Mattias Şvayqhöfer üçün yazmışdı[4]. Şvayqhöfer intervyuların birində bir gün hansısa yeni bir filmdə qadın obrazını oynamaq və bunu tamaşaçıya göstərmək istədiyini bildirmişdi və az keçmədən Andrea Vilson və Universal Pictures International ilə birgə əməkdaşlıqda aktyor öz arzusuna nail ola bilir[5]. 2008-ci ildə "Qırmızı baron" filmi nümayiş etdirildikdən sonra, Anika Dekker Şvayqhöferin incə qadın rollarını məharətlə ifa edə biləcəyini tam olaraq təsdiq edərək, onunla birgə çalışmağı qərara aldı[6]. Mattiasın da filmə marağı olduğunu nəzərə alan müəllif Film1 kinoşirkətinin yardımı ilə filmin ssenarisini yazır və daha sonra prodüser Markus Velkenin dəstəyi ilə tamamlanmış ssenari üzərində redaktələr və əlavələr etdi. Bundan sonra filmin çəkilişlərinə start verildi[5]. Bütövlükdə isə Dekker çəkilişlərdən öncə filmin 8 ayrı-ayrı versiyalarını yaratmışdı[5]. Əvvəlki layihələrdən fərqli olaraq, yeni filmin hazırlıq mərhələsi daha "çətin" bir janra malik idi. Film tamaşaçılara nümayiş etdirildikdən sonra, bir çoxları onun süjet xəttində 1982-ci ildə ekranlaşdırılmış Tutsi filminə çox bənzəyən elementlərin olduğunu bildirmişdilər[5].

Çəkiliş[redaktə | mənbəni redaktə et]

Filmin bir çox səhnələrin çəkildiyi yer: Hamburqda yerləşən "Yeniş haus"

"Aşiq qadın" filminin çəkilişləri 2011-ci ildə, 3 yanvardan 28 fevral ayları müddəti ərzində, Berlin, Babelsberq, həmçinin Hamburq və Sankt Peter Ordinq şəhərlərində keçirilmişdi[7]. Çəkiliş yerlərinin bir çoxu Berlinin müxtəlif yerlərində düzənlənmişdi, məsələn: Tirqarten, O2 World Arena, RAW-Tempel, Revalerştrasse, Adlon oteli və Babelsberqdə yerləşən Berlin küçəsində. Həmçinin filmin bəzi səhnələri kostyum üzrə dizayner Gido Maria Kretçmerin Berlin moda həftəsinin keçirildiyi yerlərdə də çəkilmişdi[8]. Filmin çəkilişləri paytaxtdan kənarda, Hamburq şəhəri yaxınlığında yerləşən Yeniş Haus və Sankt-Paulidə çəkilişlər davam etdirilmişdi. Filmin çəkilişləri zamanı nəqliyyatın mane olmaması üçün, həmin ərazi qismən bağlanmışdı[9]. Hamburqun Fulsbüttel rayonunda filmin hava limanı səhnələri çəkilmişdi, Saranın istifadə etdiyi təyyarə isə Cessna şirkətinə məxsus Cessna 560XL Citation Excel təyyarə modelindən istifadə edilmişdi[10]. Əlavə çəkilişlər həmçinin Sankt Peter Ordinqin çimərlik və sahil ətrafında da edilmişdi[11]. Filmin bəzi qış səhnələri İtaliyanın Toskana vilayətində düzənlənməli idi, lakin sonradan rejissor Bukun tövsiyəsi ilə çəkilişlər Şlezviq-Holşteyn bundeslandında davam etdirilmişdi[12]. Həm Universal Pictures, həm də Şlezviq-Holşteyn film şirkəti bu ideyanı dəstəklədi və işçi heyəti müvəqqəti olaraq bədii filmə Woman in Love adını verərək[13] bütövlükdə istehsal və maliyyələşdirilməsi üçün ayrılmış 500.000 avro məbləğini öz aralarında bölüşdürmüşdülər[13]. Berlin-Brandenburq Mediya birliyi isə öz növbəsində filmin istehsalının işkişafı üçün əlavə olaraq 720.000 avro pul ayırdı[13]. Bundan başqa filmdə Kinorejissor Mixael Qlavogger, Moderator Klaas Heufer-Umlauf, Model üzrə dizayner Gido Maria Kretçmer, Model Yeva Padberq, aktyor Deyan Buçin, Kristof Marti, İzabell Polak, Karolin Peiter, Hans Löv və Ezio Toffolutti kimi məşhurlar da kiçik eizodik və ya kameo rolları almışdırlar[14].

Qəbuletmə[redaktə | mənbəni redaktə et]

Ölkə Seyirci sayı
Almaniya Almaniya 2.100.738[15]
İsveçrə İsveçrə 37.373[16]

Filmin ilkin nümayişləri 30 noyabr 2011-ci ildə, Berlinin Potsdam meydanında yerləşən Cinemaxx və 1 dekabr 2011-ci ildə Hamburqun Cinemaxx-Kino am Dammtor kinoteatrlarında təqdim olunmuşdu[17][18]. Film 15 dekabr 2011-ci il tarixində ictimai nümayiş məqsədilə Almaniyada azad versiya üzrə buraxılmışdı[13]. İlk nümayiş həftə ərzində filmi Almaniyanın 468 kinoteatrında 256.103 nəfər seyirci izləyir və məhz bu səbəbdən də Alman çartlarında film "10 Ən baxımlı filmlər" sırasında 3-cü yerdə gərarlaşır[19]. Artıq 3-cü həftə ərzində filmi 1 milyondan artıq seyirci izləyir[20]. Noyabr ayının sonunda, ümumi seyirci sayı 1.059.197 olmaqla film 2011-ci ilin ən baxımlı filmlər sırasında 7 nömrə altında internet saytlarında yerləşdirilir[21]. Öz növbəsində daha 1.041.541 seyirci filmin artıq dördüncü yerə yüksəlməsinə yardım etdi[15]. Və 2012-ci ilin əvvəllərində tamaşaçıların ümumi sayı artıq 2,1 milyon nəfərə qədər yüksəldi[22].

Avstriyada filmin nümayişi xüsusi bir gün kimi qeyd edilərək, 16 dekabr 2011-ci ildə, İsveçrədə isə 22 dekabr 2011-ci il tarixində seyircilərə təqdim olunmuşdu[13]. Alman İsveçrəsində 6 həftə ərzində keçirilən səsvermə nəticəsində, 2011-ci ilin 25 ən yaxşı film sırasında "Aşiq qadın" 7-ci yerə sahib olur[16] Insgesamt lockte der Film 37.373 Zuschauer in die Kinos.[16].

Film musiqisi[redaktə | mənbəni redaktə et]

Aşiq qadın
Yayımlanma tarixi 2011
Yazılma tarixi 2011
Janr Score
Müddət 1 saat 10 dəq.[23]
Prodüser Enis Rotthoff22
Albom xronologiyası
"N/A" "Aşiq qadın"
()
  1. Enis Rotthoff – „Opening (Score)“
  2. The BossHoss & Nena – „L-O-V-E“
  3. Caro Emerald – „That Man“
  4. LMFAO – „Sexy and I Know It“
  5. Enis Rotthoff – „Jung und anspruchsvoll (Score)“
  6. Jonathan Jeremiah – „Heart of Stone“
  7. Miss Li – „Oh Boy“
  8. Enis Rotthoff – „Am Baum (Score)“
  9. Pigeon John – „The Bomb“
  10. Fyfe Dangerfield – „She's Always a Woman“
  11. Enis Rotthoff – „Am Strand (Score)“
  12. April Stevens – „Teach Me Tiger“
  13. Norman Greenbaum – „Spirit in the Sky“
  14. Enis Rotthoff – „Gute Freundinnen (Score)“
  15. Monta – „I'm Sorry“
  16. Caro Emerald – „You Don't Love Me“
  17. Enis Rotthoff – „Teambesprechung (Score)“
  18. Zarah Leander – „Er heißt Waldemar“
  19. Maxwell – „Lifetime“
  20. Enis Rotthoff – „Kuschelsex (Score)“
  21. Rea Garvey – „Strangers in the Night“
  22. Enis Rotthoff – „Finale (Score)“

Tənqidçilərin mövqeyi[redaktə | mənbəni redaktə et]

Mükafatlar[redaktə | mənbəni redaktə et]

Alman Film və Media Birliyi filmi "xüsusi tövsiyə" reytinqi üzrə mükafatlandırmışdı. Münsiflər heyəti film istehsalının müxtəlif səviyyələrdə "mükəmməl yazılmış və oynanılmış komediya" olduğunu qeyd etmişdi. Onlar həmçinin filmin artıq happy-end sonluğunda da belə M.Şvayqhöferin baş rolda ifa etdiyi Aleksandrın orjinal "Çarley xalanı" oynaması seyircilər tərəfindən daha da sevildi[24]. Bundan başqa, film 2012-ci ildə ən yaxşı ssenari kateqoriyası üzrə Romi TV mükafatına (ing. Romy) layiq görülmüşdü[25]

İstinadlar[redaktə | mənbəni redaktə et]

  1. ↑ Freigabebescheinigung (PDF; 36 kB) der FSK
  2. ↑ Freigabe[ölü keçid] der Jugendmedienkommission
  3. ↑ filmportal.de. 2005.
  4. ↑ "Presseheft zu Rubbeldiekatz" (PDF). Mickey07.de. İstifadə tarixi: 2011-11-26.[ölü keçid]
  5. ↑ 5,0 5,1 5,2 5,3 "Podcast, Rubbeldiekatz, Anika Decker". StichwortDrehbuch.de. 2012-01-10 tarixində orijinalından arxivləşdirilib. İstifadə tarixi: 2011-11-26.
  6. ↑ "Rubbeldiekatz, Komödie, D 2011". TV Spielfilm. TVSpielfilm.de. 2021-12-16 tarixində arxivləşdirilib. İstifadə tarixi: 2011-12-26.
  7. ↑ "Rubbeldiekatz, Deutschland 2011, Spielfilm". 2021-12-08 tarixində arxivləşdirilib. İstifadə tarixi: 2012-06-17.
  8. ↑ "Matthias Schweighöfer macht die "Tootsie"". stern. stern.de. 2012-01-20. 2015-06-14 tarixində arxivləşdirilib. İstifadə tarixi: 2011-12-29.
  9. ↑ "Rubbeldiekatz in Dreh". Blickpunkt:Film. Mediabiz.de. 2011-11-01. 2022-02-18 tarixində arxivləşdirilib. İstifadə tarixi: 2011-12-25.
  10. ↑ Brauer, Laura Sophie. "Buck dreht mitten auf der Landebahn". Hamburger Morgenpost. MoPo.de. 2011-02-21. İstifadə tarixi: 2011-12-29.[ölü keçid]
  11. ↑ Strebos, Oleg. "Frostige Füße und gebratene Eier". Schleswig-Holsteinischer Zeitungsverlag. Shz.de. 2012-02-21. İstifadə tarixi: 2011-12-29.[ölü keçid]
  12. ↑ Müller, Kay. ""Rubbeldiekatz"-Dreh in St. Peter-Ording". Schleswig-Holsteinischer Zeitungsverlag. Shz.de. 2012-02-10. İstifadə tarixi: 2011-12-29.[ölü keçid]
  13. ↑ 13,0 13,1 13,2 13,3 13,4 "Rubbeldiekatz". Blickpunkt:Film. Mediabiz.de. 2021-09-20 tarixində arxivləşdirilib. İstifadə tarixi: 2011-11-18.
  14. ↑ "Detelev Bucks "Rubbeldiekatz"". Kleine Zeitung. KleineZeitung.at. 2011-12-14. 2014-01-02 tarixində orijinalından arxivləşdirilib. İstifadə tarixi: 2012-12-29.
  15. ↑ 15,0 15,1 "Filmhitliste: Jahresliste (deutsch) 2012". Filmförderungsanstalt. FFA.de. 2023-07-01 tarixində arxivləşdirilib. İstifadə tarixi: 2012-02-10.
  16. ↑ 16,0 16,1 16,2 "Rubbeldiekatz @ Hung Medien". Hitparade.ch. 2016-12-22 tarixində arxivləşdirilib. İstifadə tarixi: 2012-02-10.
  17. ↑ Kurtz, Andreas. "Voll auf Risiko". Berliner Zeitung. Berliner-Zeitung.de. 2011-12-01. 2015-09-24 tarixində arxivləşdirilib. İstifadə tarixi: 2011-12-31.
  18. ↑ Ochoa Lamiño, Elena. "Kinopremiere von Detlev Bucks neuem Film". Die Welt. Welt.de. 2011-12-03. 2018-06-17 tarixində arxivləşdirilib. İstifadə tarixi: 2011-12-31.
  19. ↑ Klausnitzer, Christopher. "Deutsche Charts: "Der gestiefelte Kater" behauptet sich gegen "Mission: Impossible 4"". Filmstarts. 2011-12-20. 2021-07-29 tarixində arxivləşdirilib. İstifadə tarixi: 2011-12-25.
  20. ↑ ""Rubbeldiekatz"-Team feiert Besuchermillion". Blickpunkt:Film. Mediabiz.de. 2012-01-02. 2020-11-24 tarixində arxivləşdirilib. İstifadə tarixi: 2012-01-02.
  21. ↑ "Filmhitliste: Jahresliste (deutsch) 2011". Filmförderungsanstalt. FFA.de. 2023-07-01 tarixində arxivləşdirilib. İstifadə tarixi: 2012-02-10.
  22. ↑ "Rubbeldiekatz: Wochenendcharts — Deutschland". Media Control. Mediabiz.de. İstifadə tarixi: 2012-12-30.[ölü keçid]
  23. ↑ "The Bosshoss & Nena feat. RubbelDieKatz, L.O.V.E." 2013-10-17 tarixində arxivləşdirilib. İstifadə tarixi: 2014-01-24.
  24. ↑ "Rubbeldiekatz". Deutsche Film- und Medienbewertung (FBW). fbw-filmbewertung.com. 2021-10-25 tarixində arxivləşdirilib. İstifadə tarixi: 2011-12-31.
  25. ↑ "Romy 2012". 2022-07-12 tarixində arxivləşdirilib. İstifadə tarixi: 2014-01-24.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Aşiq_qadın_(film,_2011)&oldid=7361786"