AEGEE
| Avropa Tələbələri Forumu | |
| Association des États Généraux des Étudiants de l'Europe | |
| AEGEE | |
 |
|
| Növü | Avropa tələbləri üçün şəbəkə |
| Yaranma tarixi | 1985 |
| Rəsmi dili | ingilis, fransız |
| Mərkəzi | Brüssel, Belçika |
| Üzvləri | 15 000 |
| Rəsmi saytı | www.aegee.org |
AEGEE (fr. Association des Etats Generaux des Etudiants de l'Europe, yəni Avropa Tələbələri Forumu) Avropada ən böyük tələbə assosiasiyasıdır; təşkilat Avropanın 43 ölkəsinin 240 şəhərindən olan 15.000-dək müxtəlif füsunkar mədəniyyətlərə malik tələbəni özündə birləşdirir. AEGEE dünyəvi, gəlir güdməyən, heç bir siyasi partiyaya aid olmayan bir təşkilatdır. Onun həyata keçirdiyi bütün layihə və fəaliyyətləri təşkilat üzvlərinin könüllülük prinsipləri əsasındadır.[1]
Mündəricat |
[redaktə] Tarixi
AEGEE ilk dəfə "Vahid Avropa" ideyası altında 1985-ci ildə Parisdə yaranmışdır. Strukturu 2 hissədən ibarətdir:
- Avropa səviyyəsində AEGEE-Europe idarə Heyyəti, 11 işçi qrupu və 9 çoxmillətli Layihə komandalarından ibarətdir.
- Yerli səviyyədə isə 200-dən artıq antennalardan və formal qruplardan ibarətdir.[2]
[redaktə] AEGEE Azərbaycanda
2004-cü ildə bir neçə Avropa inteqrasiyası ideyalı azərbaycanlı tələbə yerli antennanın açılması təşəbbüsü ilə çıxış etmiş və artıq həmin ildə Avropa komandası ilə birgə bir neçə kiçik həcmli tədbir həyata keçirmişlər. Fəaliyyətinin 6 ili ərzində AEGEE-Bakı təşkilatı Azərbaycan gənclərinin Avropaya inteqrasiyasına əsaslı töhvə vermiş bir çox gənclər mübadiləsi proqramı həyata keçirmişdir.
[redaktə] Məqsədlər
- Vahid Avropa Məkanı ideyasını təşviq etmək;
- Bu gün və gələcəyin tolerant cəmiyyətini formalaşdırmağa töhvə vermək;
- Demokratiya, insan hüquqları, tolerantlıq, təhsildə sərhədlərarası əməkdaşlıq, mobillik və Avropaya İnteqrasiyanı dəstəkləmək.[3]
[redaktə] Fəaliyyət sahələri
- Mədəni mübadilə;
- Aktiv vətəndaşlıq;
- Ali təhsil;
- Sülh və stabillik.
