AFFA

Azərbaycan Futbol Federasiyaları Assosiasiyası

[[Şəkil:|150px]]
Yaranma tarixi	1992
Prezident	Rövnəq Abdullayev
Baş katib	Elxan Məmmədov
Hakimlər komitəsi	Xaqani Məmmədov
Rəsmi sayt	AFFA
Ünvan	Nobel prospekti, 2208 BAKI AZ 1025

AFFA — Azərbaycan Futbol Federasiyaları Assosiasiyası.

1997-2003-cü illərdə Azərbaycan futbolu dərin böhran içində olmuşdur. Futbol ictimaiyyətinin AFFA rəhbərliyi ilə ədalət uğrunda mübarizəsi nəticəsiz qaldığına görə klublar etiraz əlaməti olaraq 11-ci milli çempionatı dayandırmışlar. Sonradan çempionat xüsusi Təşkilat Komitəsinin nəzarəti altında davam etdirilsə də, AFFA rəhbərliyi nəticələri tanımamışdır. Klublarımız Avropa miqyaslı turnirlərdə iştirak etməkdən məhrum olmuşlar.

2003-cü ildə futbol klublarının, AFFA nümayəndələrinin, Gənclər, İdman və Turizm Nazirliyinin, Ədliyyə Nazirliyinin, FİFA-nın və UEFA-nın iştirakı ilə Sürix müqaviləsi imzalanmış, AFFA-nın yeni Nizamnaməsinin layihəsi hazırlanmışdır. Futbol klubları AFFA bayrağı altında oynamağa razılıq vermiş, XII ölkə çempionatı başlanmışdır.

2003-cü il dekabrın 29-da AFFA-nın növbəti VI hesabat-seçki konfransı keçirilmiş, yeni Nizamnaməyə əsasən demokratik yolla AFFA-nın rəhbər orqanları seçilmişdir. Həmin gündən Azərbaycan futbolunun inkişafında yeni mərhələ başlanmışdır.

AFFA İcraiyyə Komitəsinin 4 dekabr 2007-ci il tarixli qərarına əsasən AFFA prezidenti səlahiyyətlərinin icrası vitse-prezident Elşad Nəsirova həvalə olunub.

AFFA-nın 14 mart 2008-ci il tarixdə keçirilmiş növbədənkənar Konfransında Rövnəq İbrahim oğlu Abdullayev Azərbaycan Futbol Federasiyaları Assosiasiyasının prezidenti seçilmişdir.

İcraiyyə Komitəsi

AFFA İcraiyyə Komitəsinin üzvləri

Peşəkar Futbol Liqası – 4 yer

1. Rauf Əliyev – Neftçi PFK
2. Hafiz Məmmədov – Bakı FK
3. Ələkbər Məmmədov – İnter PİK
4. Kazbek Tuayev – Simurq FK

Regional Futbol Federasiyaları – 2 yer

1. Cahangir Hacıyev – Bakı FF
2. Elmar Qasımov – Mərkəz RFF

Sahə Futbol Təşkilatları – 2 yer

1. Mahir Məmmədov – Çimərlik FF
2. Mirkamil Rəhimov – Uşaq və Gənclər FF

İctimai təşkilatlar – 2 yer

1. Elşad Nəsirov – Futbolsevərlər Birliyi
2. İskəndər Cavadov – Futbolçular Birliyi

Xarici keçidlər

• AFFA