AK-47
| | AK-47 | |
|---|---|
 avtomat rejimli döyüş silahı |
|
| Növü | Avtomat |
| Mənşəyi | SSRİ |
| İstismar tarixçəsi | |
| İstismar | 1949-Davam edir |
| İstifadə edən ölkə(lər) | Keçmiş Varşava Paktı dövlətləri və bir sıra digər dövlətlər |
| İstehsal tarixçəsi | |
| Konstruktor | Mixail Kalaşnikov |
| Konstruksiya tarixi | 1944-1946 |
| İstehsalçı | İjmaş |
| Variantları | AKM, AK-74 |
| Xüsusiyyətləri | |
| 4,3 kg (boş maqazinlə) | |
| Uzunluğu | 870 mm (taxta qundaqla) |
| Lülə uzunluğu | 415 mm |
|
|
|
| Giliz | 7,62x39 mm M43 |
| Atış tipi | Qaz dövriyyəsi |
| Atəş tezliyi | 600 atəş/dəqiqə |
| Güllənin başlanğıc sürəti | 715 m/s |
| Effektiv məsafə | 100-800 m, nişangahın nizamlamasına bağlı olaraq |
| Güllə ötürmə sistemi | 30 və ya 40 gülləlik xəzinə |
| Nişangahı | Nizamlanabilən adi nişangah, nişangah radiusu- 378 mm |
Kalaşnikov avtomatı- AK-47 (rus. Автомат Калашникова образца 1947 года) - avtomatik rejimli döyüş silahı. Dünyada ən geniş yayılmış odlu silahdır. Həm tək, həm də avtomat rejimdə ardıcıl atəşaçma qabiliyyətinə malikdir. Yüksək etibartlığı və sadə qulluq olunması ilə fərqlənir.
Tarixi haqqında [redaktə]
1943-cü ildə Elizarov və Seminanın işlədikləri 7,62 mm patrona uyğun olaraq yeni silah hazırlanmağa başlayır.Pistolet-pulemyotları əvəz etmək üçün yeni fərdi avtomatik silaha ehtiyac var idi. Bu avtomat dəyişiləbilən maqazin və rejimləri çevirən mexanzimə malik, karabin maqazinli, yəni özü gülləni verən, yüngül pulemyot xassələri özündə cəmləməli idi. Avtomat üzərində ilk işi 1944-cü ildə bir çox orijinal konstruksiyalar layihələndirmiş Sudayev aparır. Sonralar bu avtomatın üzərində Kalaşnikov işləməyə başlayır. 1946-cı ildə ö öz konstruksiyasını nümayiş etdirir. Bu avtomat sınaqlardan keçərək yaxşı nəticələr göstərir. 1947-ci ildə orduda tətbiqi təklif olunur. Nəticədə Kalaşnikovun avtomatı Deqtyarev, Simonov, Rukavişnikov, Barışev tərəfindən hazırlanmış bütün avtomatlardan üstün sayılır. Orduda sınaqdan keçdikdən sonra Kalaşnikov avtomatı 1948-ci ildə Silahlı Qüvvələrə götürülür.
AK-46
Kalaşnikov avtomatının ilk prototipi AK-46 1946-cı ildə nümayiş etdirilsə də, o orduya qəbul edilmir. İlk nümunələrə AK-1 və AK-2 adı verilir. 1946-cı ildə bu avtomatlar sınaq zamanı yaxşı nəticə göstərirlər. Xarici görünüşünə görə AK-46 avtomatı alman avtomatı olan StG 44 dən fərqlənmirdi. Sonralar işlənmiş AK-47 avtomatı da alman avtomatı StG 44-də heç də çox fərqlənməmişdir. Sınaqdan sonra avtomat yenidən təkmilləşdirməyə göndərilir.
Kalaşnikov avtomatı və alman avtomatı StG 44 arasındakı oxşarlıq uzun müddət SSRİ və xarici ölkələr arasında olan mübahisəyə səbəb olmuşdur. Almanlar bunun StG 44-ün sürəti olduğunu təkid etsələr də , ruslar bu fikri tamamilə təkzib edirdilər. Əslində Kalaşnikov avtomatının hazırlanmasının əsasında məhz StG 44 silahının konstruksiyası durur və bunu adi gözlə də görmək olur.
İkinci dünya müharibəsi bitdikdən sonra "StG 44" avtomatının istehsalı ilə məşğul olan Henel firmasının yerləşdiyi ərazi rusların nəzarətinə keçir. 1945-ci ildə Henel firması mülki malların istehsalı ilə məşğul olmasına baxmayaraq, onlar SSRİ-nin sifarişi əsasında 50 ədəd StG 44 avtomatını yığıb SSRİ-yə göndərirlər. Eyni zamanda 10785 vərəqdən ibarət hazırlama cizgisi də rusların əlinə keçir.
