Adi apollon
Vikipediya, açıq ensiklopediya
| Adi apollon | |||||||||||||||||||
 |
|||||||||||||||||||
| Elmi təsnifat | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||
| Latınca adı | |||||||||||||||||||
| Parnassius apollo L., 1758 | |||||||||||||||||||
| Mühafizə statusu | |||||||||||||||||||
|
|||||||||||||||||||
Adi apollon (lat. Parnassius apollo) — parnassius cinsinə aid heyvan növü.
- Status. Yoxa çıxmaqda olan, təbiəti zinətləndirən növdür.
- Yayıldığı yer. Kiçik və Böyük Qafqazın dağ və dağətəyində (Göygöl, Zəngəzur dağ silsiləsinin cənub yamaclarında, Topxana meşəsinin kənarlarında və Zaqatala dövlət qoruğunun subalp zonasında) rast gəlir.
- Yaşadığı yer. Az-çox sıldırımlı açıq yamaclarda bitən kserofil, yaxud hemikserofil ot və yarımkol bitkiləri yetişən sahələr.
- Təbiətdə sayı. Tamamilə nadir hallarda rast gəlir.
- Ekologiyası. Kəpənəklər iyulun ikinci yarısından avqustun sonuna qədər uçuşur. Uçuş həzin və sərbəstdir. Qanadların açıq vəiyyətdə eni 90-100 mm-ə çatır. Kəpənəklər ağ rənglidir, üzərində qırmızı və qara ləkələr var. Uçuşda onlar yaşıl otlar üzərində qəşəng görünür. Cütləşmə və yumurtaqoyma prosesi avqustun birinci yarısında olur. Tırtıllar sentyabrda üzə çıxır. Qışlamadan sonra isə may-iyun aylarında, dovşan kələmi - Sedum album L. bitkisinin yarpaqları ilə qidalanır. Bədənin üzəri qara, yanlardan isə iki cərgə qırmızı ləkə keçir. Onun təbii düşmən və xəstəlikləri məlum deyildir.
- Sayının dəyişilmə səbəbləri. Həvəskar kolleksiyaçılar tərəfindən kütləvi surətdə tutulmasının tənzim edilməməsi, kəpənəklərin yem sahələrinin biçin nəticəsində məhv olması.
- Zəruri qorunma tədbirləri. Kəpənəklərin və onların tırtıllarının toplanmasını qadağan etmək lazımdır.
[redaktə] Mənbə
