Adsorbsiya

Adsorbsiya – qaz və ya məhluldan hər hansı maddənin maye və ya bərk cismin (adsor-bentlərin) səth təbəqəsi ilə udulması prosesi.

Havaya qarışmış xlor qazını aktiv kömürün udması Adsorbsiyaya misal ola bilər. Adsorbsiya dərəcəsi götürülən adsorbentin xassələrindən, Adsorbsiya edilən maddənin təbiətindən və temperaturundan asılıdır. Tempratur yüksəldikcə Adsorbsiya zəifləyir.

Adsorbsiya hava və qazların təmizlənməsində (məs. əleyhqazda), tez uçan məhsulların (benzin, efir, ətriyyat) udulmasında, bioloji aktiv maddələrin (vitamin, ferment, antibiotik və s.) alınması və təmizlənməsində, poliqrafiya, radioelektronika və s-də tətbiq olunur. Adsorbsiya hadisəsi təbiətdə geniş yayılmışdır.