Afaq Məsud

Vikipediya, açıq ensiklopediya
Keçid et: naviqasiya, axtar
Afaq Məsud
Afaq Məsud qızı Vəliyeva
Afaq Məsud.jpg
Doğum tarixi 3 iyun 1957 (1957-06-03) (57 yaş)
Doğum yeri Bakı, Flag of Azerbaijan SSR.svg Azərbaycan SSR
Milliyyəti azərbaycanlı
http://afagmasud.blogspot.com

Afaq Məsud qızı Vəliyeva (Afaq Məsud) — Azərbaycan Respublikasının Nazirlər Kabineti yanında Tərcümə Mərkəzinin direktoru[1], yazıçı, dramaturq, əməkdar incəsənət xadimi (2003), Azərbaycan Yazıçılar Birliyinin üzvü (1981), 1991-ci ildən Respublika Tərcümə və Ədəbi Əlaqələr Mərkəzinin sədri, "Xəzər" dünya ədəbiyyatı jurnalının baş redaktoru.

Həyatı[redaktə]

Afaq Məsud 1957-ci ilin 3 iyununda Bakıda anadan olub. 1979-cu ildə BDU-nun jurnalistika fakültəsini bitirib. 1979-1986-cı illərdə "Azərbaycanfilm" kinostudiyasında redaktor, redkollegiyanın üzvü, 1986-1988-cu illərdə "Azərbaycantelefilm"də direktor vəzifələrində çalışıb.

Əsasən romanlar və hekayələr müəllifi kimi tanınır. Əsərləri rus, ingilis, fransız, alman, özbək dillərinə tərcümə və nəşr edilib.

Q.Q.Markesin "Patriarxın payızı", T.Vulfun "Dünyanın hörümçək toru" romanlarını, qədim sufi əlyazmalarını – M.Nəsifinin "Mövcudluq haqqında həqiqət", Ə.Qəzalinin "Səadət iksiri", "Oğluma məktub", "İlahi bilik", İbn Ərəbinin "Məkkə açıqlamaları" və sair əsərləri azərbaycan dilinə tərcümə edib.

"Can üstə", "O məni sevir", "Yol üstə" pyeslərinin müəllifidir. Əsərləri əsasında "Sərçələr", "Qonaqlıq", "Gecə", "Cəza" televiziya filmləri çəkilib.

2000-ci ildə Vyana Universitetində A.Məsud yaradıcılığını tədqiq edən doktorluq işi müdafiə edilib (S.Dohan "Avropa şərqşünaslığında qadın yazarlar").

"Humay" Milli Akademiyası mükafatı laureatıdır. Afaq Məsud 16 may 2014-cü ildə Azərbaycan Respublikasının Nazirlər Kabineti yanında Tərcümə Mərkəzinin direktoru təyin edilmişdir.[2]

Kitabları[redaktə]

  1. Üçüncü mərtəbədə. Bakı: Gənclik, 1971, 104 səh.
  2. Şənbə gecəsi. Bakı: Yazıçı, 1984, 192 səh.
  3. Субботний вечер. Москва: 1984.
  4. Keçid (povest və hekayələr). Bakı: Yazıçı, 1988, 229 səh.
  5. Tək. Bakı: Gənclik, 1992, 365 səh.
  6. İzdiham. Bakı: Azərbaycan Tərcümə Mərkəzi, 210 səh.
  7. Azadlıq (roman, esse, hekayə). Bakı: Azərbaycan Tərcümə Mərkəzi, 1997, 500 səh.
  8. Yazı. Bakı: Qanun, 2004, 350 səh.

Xarici keçidlər[redaktə]

İstinadlar[redaktə]

  1. http://www.president.az/articles/11752
  2. İlham Əliyev tanınmış yazıçıya vəzifə verdi