Afiyəddin Cəlilov
| Afiyəddin Cəlilov | ||||
|
||||
|---|---|---|---|---|
| 1992 — 1994 | ||||
|
||||
| noyabr 1990 — aprel 1991 | ||||
| Sələfi: | vəzifə təsis olunub | |||
| Xələfi: | Əkbər Əliyev | |||
|
||||
| aprel 1990 — noyabr 1991 | ||||
| Sələfi: | Səkinə Əliyeva | |||
| Xələfi: | vəzifə ləğv olunub | |||
|
||||
| yanvar 1990 — aprel 1991 | ||||
| Sələfi: | Heydər İsayev | |||
| Xələfi: | Əkbər Əliyev | |||
|
||||
| 1989 — yanvar 1990 | ||||
| Sələfi: | Heydər İsayev | |||
| Xələfi: | Mir İsmayıl Əliyev | |||
| Təvəllüdü: | 8 yanvar 1946-cı il Naxçıvan şəhəri |
|||
| Vəfatı: | 29 sentyabr 1994-cü il (48 yaşında) Bakı |
|||
| Atası: | Cəlil | |||
| Uşaqları: | Nihad Cəlilov | |||
Cəlilov Afiyəddin Cəlil oğlu (1 avqust 1946 - 29 sentyabr 1994) — Azərbaycanın dövlət və siyasi xadimi. Bir sıra yüksək dövlət vəzifələrində, o cümlədən Naxçıvan Muxtar Respublikasının Ali Məclisinin sədri, Azərbaycan Respublikası Ali Sovetinin sədr müavini, Azərbaycan Respublikası Prezidentinin müşaviri vəzifələrində çalışmışdır.
[redaktə] Həyatı
1946-cı il yanvarın 8-də Naxçıvan şəhərində anadan olmuşdur. 1969-cu ildə Leninqrad Dağ-Mədən İnstitutunu və 1981-ci ildə Moskvada İKP MK yanında İctimai EA-nı bitirmişdir.
1969-1973-cü illərdə Naxçıvan duz mədənlərində mühəndis-mexanik işləmişdir. Sonralar 1973-1979-cu illərdə məsul komsomol, partiya və dövlət işində çaklşmlş, Naxçıvan Vilayət Komsomol Komitəsinin 1-ci katibi və Azərbaycan LKGİ MK katibi işləmişdir. Afiyəddin Cəlilov 1979-1981-ci illərdə AKP MK-nın təlimatçısı işləmişdir. 1981-1989-cu illərdə Bakı şəhəri Nəsimi rayon partiya komitəsinin 1-ci katibi işləmişdir.
1989-1992-ci illərdə Naxçıvan MR Nazirlər Sovetinin sədri, Partiya Komitəsinin 1-ci katibi, Naxçıvan MR Ali Məclisinin sədri, Azərbaycan Respublikası Prezidentinin müşaviri olmuşdur.
Naxçıvanda işlədiyi dövrdə Ermənistanın təcavüzü nəticəsində blokada şəraitində yaşayan Naxçıvan MR-in iqtisadi-sosial problemlərinin həlli, muxtar respublikada vətandaş həmrəyliyinin yaranması və sabitliyinin qoruyub saxlanması sahəsində önəmli fəaliyyət göstərmişdi.
Afiyəddin Cəlilov 1992-ci ildən Azərbaycan Respublikası Milli Məclisi Sədrinin müavini olmuş, ölkənin dövlət müstəqilliyinin möhkəmləndirilməsində və onun daxili və xarici siyasətinin formalaşmasında fəal iştirak etmişdir.
1994-cü ildə Qara dəniz İqtisadi Əməkdaşlıq Təşkilatı Parlament Assambleyasının vitse-prezidenti şeçilmişdi. Azərbaycan SSR və Naxçıvan MSSR Ali Sovetinin (bir neçə çağırış), Naxçıvan MR Ali Məclisinin deputatı olmuşdur.
2 Şərəf nişanı ordeni və medallarla təltif olunmuşdur.
Afiyəddin Cəlilov Ermənistanla 1994-cü ilin mayında imzalanan təslimçi Bişkek razılaşmasına etiraz edir. Bundan sonra Afiyəddin Cəlilov 1994-cü il sentyabrın 29-da müəmmalı şəkildə qətlə yetirilmişdir. Onun qətlinin günahı XTPD zabitləri Mahir Cavadov və Rövşən Cavadovun üstünə atılır.
[redaktə] Haqqında yazılan kitablar
"Gecə yarısı Qətl" - İsa Nəcəfovun Ali Sovetin sədr müavini Afiyəddin Cəlilovun və Prezidentin yanında Xüsusi İdarənin rəisi Şəmsi Rəhimovun qətlinə və 1994, 1995-ci il dövlət çevrilişinə həsr olunub.
