Akif Hüseynov

AKİF HÜSEYNOV
Akif Məmməd oğlu Hüseynov
Doğum tarixi:	26 may 1941-ci il (1941-05-26)
Doğum yeri:	Tbilisi, Gürcüstan
Elm sahəsi:	Ədəbiyyatşünas, tənqidçi
İş yeri:	Azərbaycan EA Nizami adına Ədəbiyyat İnstitutunun ədəbiyyat nəzəriyyəsi şöbəsinin müdiri
Elmi dərəcəsi:	Filologiya elmləri doktoru (1989)
Elmi vəzifəsi:	Böyük elmi işçi

Hüseynov Akif Məmməd oğlu - ədəbiyyatşünas, tənqidçi, 1972-ci ıldən Azərbaycan Yazıçılar Birliyinin üzvü, filologiya elmləri doktoru (1989).

Həyatı

Akif Hüseynov 1941-ci il mayın 26-da Gürcüstanın Tbilisi şəhərində doğulmuşdur. Burada 31 saylı şəhər məktəbində, sonra Bakıda 132 saylı orta məktəbdə oxumuşdur (1948-1958).

ADU-nun filologiya fakültəsini bitirmişdir (1964). Azərbaycan EA Nizami adına Ədəbiyyat İnstitutunun aspiranturasında təhsil almışdır (1965-1968). "Azərbaycan" jurnalı redaksiyasında tənqid ədəbiyyatşünaslıq şöbəsinin müdiri (1967-1971), Ulduz jurnalı nın baş redaktoru (1971-1973), Azərbaycan EA Nizami adına Ədəbiyyat İnstitutunun ədəbiyyat nəzəriyyəsi şöbəsinin kiçik elmi işçisi (1973-1976), orada müasir ədəbi proses şöbəsində böyük elmi işçi (1976-1992) olmuşdur.

Hazırda institutda şöbə müdiri vəzifəsində çalışır (1992-ci ildən).

Ədəbi fəaliyyətə 1966-cı ildə "Ədəbiyyat və incəsənət" qəzetində çıxan "Ədəbiyyatda milli xüsusiyyətlər" məqaləsi ilə başlamışdır. Dövri mətbuatda vaxtaşırı çıxış edir.

Əsərləri

• 1.Nəsr və zaman. Bakı: Yazıçı, 1980, 185 səh.
• 2.Müxtəlifliyin birliyi. Bakı: Yazıçı, 1983, 216 səh.
• 3.Sənət meyarı. Bakı: Yazıçı, 1966, 315 səh.
• 4.Həyat və sənət həqiqəti. Bakı: "TS" Nəşriyyat Poliqrafiya Mərkəzi, 2001, 204 səh.
• 5.Sevgi nəğmələri. Bakı: "TS" firması mətbəəsi, 2002, 80 səh.

Filmoqrafiya

1. Cəfər Cabbarlı. Səhnə əsərləri (film, 1973)

Həmçinin bax

• AMEA
• Ədəbiyyat İnstitutu

	Azərbaycan kino sənəti portalı