Akif Hacıyev

Vikipediya, açıq ensiklopediya
Keçid et: naviqasiya, axtar
Akif Hacıyev
Akif Hacıyev (Əşrəf Hüseynov. Yaşamaq Yanmaqdır... (2007)).JPG
Doğum tarixi: 8 dekabr 1937 (1937-12-08) (76 yaş)
Doğum yeri: Bakı
Elmi dərəcəsi: Fizika-riyaziyyat elmləri doktoru
Elmi vəzifəsi: professor, AMEA-nın fizika-riyaziyyat və texnika elmləri bölməsinin akademik-katibi
Sayt: http://w3.gazi.edu.tr/web/bibrahim/AkifHaciyev.htm

Akif Hacıyev — fizika-riyaziyyat elmləri doktoru, professor, akademik, AMEA-nın fizika-riyaziyyat və texnika elmləri bölməsinin akademik-katibi, AMEA-nın Riyaziyyat və Mexanika İnstitutunun direktoru.

Həyatı[redaktə]

Akif Hacıyev Azərbaycan Dövlət Universitetinin riyaziyyat fakültəsinin bitirib. 1965-1992-ci illərdə Azərbaycan Dövlət Universitetində, Azərbaycan İnşaat Mühəndisləri İnstitutunda, Azərbaycan Xalq Təsərrüfatı İnstitutunda elmi-pedaqoji fəaliyyətlə məşğul olub. 1992-1998-ci illərdə Türkiyənin Ankara Universitetinin riyaziyyat üzrə professoru kimi çalıçıb.Hal-hazırda Milli Aviasiya Akademiyasının kafedra müdiridir.

1989-cu ildə Azərbaycan Milli Elmlər Akademiyasının riyaziyyat bölməsinin müxbir, 2001-ci ildə həqiqi üzvi seçilib.

Elmi nailiyyətləri[redaktə]

İndiyə qədər 93 çapdan çıxmış elmi əsərləri var. Onlardan 45-i xaricdə tanınmış elmi jurnallarda nəşr edilib.

Əsas elmi nailiyyətləri:Qeyri-məhdud kəsilməz funksiyaların çəkli fəzalarda xətti müsbət operatorlar ardıcıllığı ilə yaxınlaşması probleminin həlli; çoxdəyişənli tam funksiyaların indikator diaqramlarının dayaq funksiyaları terminlərində ifadə olan yeni Bernştein tipli bərabərsizliklərin isbatı; çoxölçülü sinqulyar inteqralların simvollarının hamarlıq xassələrinin araşdırılması; sferik funksiyalara görə Furye sıralarının ossillə edən multiplikatorlarının tapılması; nüvələri ümumiləşmiş sürüşmədən asılı olan çoxölçülü sinqulyar inteqrallar üçün ikiçəkili bərabərsizliklərin alınması; nüvəsi ümumiləşmiş sürüşməyə bağlı olan Riss və Bessel potensiallarının və parabolik potensialların araşdırılması.

Akademik Akif Hacıyev milli kadr hazırlığına həmişə diqqət göstərib. İndiyə qədər onun rəhbərliyi altında 25 nəfər şəxs elmlər namizədi, 1 nəfər elmlər doktoru elmi dərəcəsini alıb.

Təltif və mükafatlar[redaktə]

  • "Əməkdə ərqlənməyə görə" medalı
  • "Əmək veteranı" medalı
  • Azərbaycan Respublikasının "Şöhrət" ordeni
  • Əmədar elm xadimi
  • Azərbaycan Milli Elmlər Akademiyası Rəyasət Heyətinin Fəxri Fərmanı

Xarici keçidlər[redaktə]