Akutaqava Rünoske

Vikipediya, açıq ensiklopediya
Keçid et: naviqasiya, axtar
AKUTAQAVA RÜNOSKE
Akutagawa Ryunosuke photo.jpg
Doğum tarixi 1 mart 1892(1892-03-01)
Doğum yeri Tokio, Yaponiya
Vəfatı 24 iyul 1927 (35 yaşında)
Vəfat yeri Tokio, Yaponiya

Akutaqava Rünoske (1892-1927) – 1892-ci il iyuldə Yaponiyanın paytaxtı Tokio şəhərində anadan olmuşdur. 1915-ci ildə "Rasyamon darvazası" və "Burun" hekayələri işıq üzü görüb. 1920-1923-cü illərdə "Magiya möcüzələri", "Bisey necə inanırdı", "Bir qisasın tarixçəsi", "Susanoo-no-mikoto, "Susanoo-no-mikoto ahıl çağlarında", "Tanrı Aqni", "Qəribə hekayət", "Xanım Rokunomiya", 1924-1927-ci illərdə "Sanemonun cinayəti", "Məktub parçası", "Momotaro", "At ayaqları", "Ölümdən sonra", "Karmen", "Suadamları ölkəsində", "Tanekonun kədəri", "Yuxu" və s. novellalar yazıb. Yazıçının 1927-ci ildə yazdığı "İlğım" və "Dişli çarxlar" hekayələrində və "Səfehin həyatı" povestində özünə qəsd etmək meylləri aydın duyulur. Bu əsərlər müəllifin o vaxtkı psixi vəziyyətini hər şeydən yaxşı əks etdirir.

A.Rünoske 1927-ci il iyul ayının 24-də yüksək dozada yuxu dərmanı içərək özünə qəsd edib. 1935-ci ildə ədəbiyyat sahəsində Akutaqava Rünoske mükafatı yaradılmışdır.

Yaradıcılığı[redaktə]

Ən məşhur hekayələri: "Rasyomon darvazası" (1915), "Burun" (1916), "Cəhənnəm əzabları" (1918) və "Sıx meşədə" (1922).

1950-ci ildə Rünoskenin "Rasyomon darvazası" (1915) və "Sıx meşədə" (1922) hekayələri əsasında Akira Kurosavanın "Rasyomon" filmi ekrana çıxmışdır.

Maraqlı fakt[redaktə]

Akutaqava Rünoske əjdaha ilində, əjdaha ayında və əjdaha saatında anadan olmuşdur. Rünoske sözündə ilk ieroqlif də əjdaha mənasını verir.

Filmoqrafiya[redaktə]

  1. Rasyomon (film, 1950) / 羅生門

Xarici keçidlər[redaktə]