Albert Aqarunov
| ALBERT AQARUNOV | |
| Albert Aqarunoviç Aqarunov | |
 |
|
| Doğum tarixi: | 25 aprel 1969-cu il. |
|---|---|
| Doğum yeri: | Bakı şəhəri, Azərbaycan Respublikası |
| Vəfatı: |
8 may 1992-ci il (23 yaşında) . |
| Vəfat yeri: | Şuşa, Azərbaycan Respublikası |
| Vəfat səbəbi: | şəhid olmuşdur. |
| Mükafatları: |  |
Albert Aqarunoviç Aqarunov(1969-1992) - Azərbaycan Milli Qəhrəmanı. Tank komandiri.
Mündəricat |
[redaktə] Həyatı
Albert Aqarunov 25 aprel 1969-cu il Bakı şəhərində anadan olmuşdur. Suraxanı rayonundakı 154 saylı məktəbin səkkizinci sinfini bitirərək peşə məktəbində sürücü-mexanik vəzifəsinə yiyələnir. 1987-ci ildə hərbi xidmətə çağrılan Albert xidməti vəzifəsini Gürcüstanda yerinə yetirir və tank komandiri olur. Daha sonra Bakıya dönərək Suraxanıda Maşınqayırma zavodunda işləyir.
[redaktə] Döyüşlərdə iştirakı
Qarabağ müharibəsi başlayarkən Albert Aqarunov könüllü olaraq cəbhəyə yollanır. Albert tank komandiri təyin edilir və Şuşa cəbhəsinə yollanır. O Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini və zirehli texnikasını məhv edir. 8 may 1992-cu ildə Şuşa uğrunda gedən döyüşlərdə Albert snayper gülləsinə tuş gəlir və döyüş meydanında həlak olur.
Albert Qarabağ müharibəsində əfsanəyə çevirilmişdi. O dövrdə tankçılar tanklarını Albert adlandırırdılar. Ermənilər onun başına pul mükafatı qoymuşdular.
[redaktə] Ailəsi
Subay idi.
[redaktə] Milli Qəhrəman
Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Aqarunov Albert Aqarunoviç ölümündən sonra "Azərbaycan Milli Qəhrəmanı" adına layiq görülmüşdür.
Bakıda Şəhidlər xiyabanında dəfn edilmişdir.
[redaktə] Mənbə
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh.29.
