Aleksandr Alexin

Vikipediya, açıq ensiklopediya
Keçid et: naviqasiya, axtar
Aleksandr Alexin
rus. Алекса́ндр Алекса́ндрович Але́хин
Alexandre Alekhine Color.jpg
Doğum tarixi: 31 oktyabr 1892(1892-10-31)
Doğum yeri: Moskva, Rusiya İmperiyası
Vəfat tarixi: 24 mart 1946 (53 yaşında)
Vəfat yeri: Eştoril, Portuqaliya
Mükafatları: Dünya çempionu: 1927-1935; 1937-1946

Aleksandr Aleksandroviç Alexin (rus. Алекса́ндр Алекса́ндрович Але́хин; 31 oktyabr 1892 - 24 mart 1946) — rus şahmatçısı, şahmat üzrə 4-cü dünya çempionu (1927-1935; 1937-1946).

Həyatı[redaktə]

Müxtəlif dövrlərdə Rusiya İmperiyası, Sovet İttifaqıFransa adından çıxış etmişdir.

Tarixdə ən güclü şahmatçılarından biri hesab olunur.

1921-ci ildə Sovet hakimiyyətinin qurulmasından sonra Rusiyanı tərk edərək Fransaya köçmüş, 1925-ci ildə bu ölkənin vətəndaşlığını almışdır.

1927-ci ildə dünya çempionu adı uğrunda keçirilən görüşdə məğlubedilməz hesab edilən Xose Raul Kapablankanı məğlub edərək dünya çempionu tituluna yiyələnmiş və sonrakı illərdə iştirak etdiyi bütün turnirləri rəqibləri üzərində böyük üstünlüklə, birinci başa vurmuşdur.

19291933-cü illərdə Almaniyanı təmsil edən rus şahmatçısı Yefim Boqolyubov qarşısında öz titulunu qorumuşdur. 1935-ci ildə Maks Eyveyə məğlub olsa da, 2 il sonra matç-revanşda qalib gələrək dünya çempionu titulunu geri qaytardı və 1946-cı ildə qəfil ölümünədək titulunu saxladı. Aleksandr Alyoxin məğlub edilmədən dünyasını dəyişən yeganə dünya çempionudur.

Alyoxin hərtərəfli şahmatçı idi. O, daha çox özünün hücum xarakterli oyun tərzi və effektli, dərin düşünülmüş kombinasiyaları ilə məşhurdur. Bununla yanaşı, o, debütlərdə çox sayda nəzəri yeniliklərin müəllifi olmuş və yüksək endşpil texnikası ilə seçilmişdir.

Alyoxin 92 yarışda iştirak etmiş (5 olimpiada, 87 turnir), 49 turnirdə qalib olmuş, 13-ndə birinci yeri bölüşmüşdür. Keçirdiyi 24 matçdan 17-sini qazanmış, dördü heç-heçə başa çatmış, üçündə məğlub olmuşdur. Məğlubiyyətlərindən biri karyerasının başlanğıcında, qalan ikisi isə Maks Eyveyə qarşı olmuşdur. 1946-cı il martın 26-da böyük rus şahmatçısı Alyoxin vəfat edir.

Xarici keçidlər[redaktə]

Həmçinin bax[redaktə]