Aleksandr Mişon

Vikipediya, açıq ensiklopediya
Keçid et: naviqasiya, axtar
Aleksandr Mişon
Aleksandr Mixayloviç Mişon
Aleksandr Mishon.jpg
Doğum tarixi: 5 iyul 1858(1858-07-05)
Doğum yeri: Xarkov, Romanov Flag.svg Rusiya İmperiyası
Vəfatı: 5 iyul 1921 (63 yaşında)
Vəfat yeri: Samara, Flag of the Soviet Union.svg SSRİ
Peşələri: Fotoqraf, Rejissor, ssenarist, operator
Fotoşəklin əks tərəfi - Aleksandr Mişon - 1891-ci il

Aleksandr Mixayloviç Mişon (1858-5 iyul 1921, Xarkov, Rusiya) — fotoqraf, rejissor, ssenarist, operator, redaktor, naşir. Bakı fotoqrafiya dərnəyinin yaradıcısı, Paris milli akademiyasının fotoqraf üzvüdür.

Həyatı[redaktə]

Aleksandr Mişon Xarkov şəhərində anadan olub. Karyerasını 1883-cü ildə doğma şəhərində, Moskovskaya küçəsində və Slesarnıy dalanında yerləşən əsasını qoyduğu fotostudiyadan başlayıb. 1884-cü ildə Bakıya gələrək fotoqrafiya işləri ilə məşğul olmaq üçün razılıq almasını gözləyir. 28 iyun 1887-ci ildə Bakı Quberniyası Tarqovoy küçəsində yerləşən fotoemalatxananın açılışına icazə verir. Növbəti ilin mart ayında emalatxana "İmperial" mehmanxanasına köçürülür. Foto incəsənətin öyrənilməsi, elmə, arexeologiyaya, etnoqrafik materiallarda tətbiqi məqsədiylə ilk dəfə olaraq foto həvəskarlarının Bakı dərnəyinin yaradılmasının təşəbbüskarıdır. Ustava görə, orta və aşağı sinif təhsil ocaqlarında təhsil alanlar, hərbi xidmətdə olanlardan başqa hər iki cinsin nümayəndəsi fotodərnəyin üzvü ola bilərdi.

Aleksandr Mişon 1893-cü ildə çıxan Bakının illik hesabat materiallarının müəllifi, redaktoru, fotoqrafı, naşiri olub. Elə bu ildə Mişon Tarqovoyda yerləşən nəşriyyatında oxuzalının açılmasına icazə alır.

1890-cı ildə Paris Milli Akademiyasının fotoqraf-üzvü seçilən professional fotoqraf Parisə səfərlərinin birində aldığı kinokamera ilə 1898-ci ildə ilk dəfə Azərbaycanda kinosüjetlər çəkməyə başladı və Azərbaycan kinematoqrafının əsasını qoydu. 1898-ci ildə Aleksandr Mişon terəfindən yerli mövzuda "Bibiheybətdə neft fontanı yanğını", "İlişdin", "Qafqaz rəqsi", "Balaxanıda neft fontanı", "Şəhər bağında xalq gəzintisi" kimi bir-neçə sənədli film çəkir. Həmən ildə, 2 avqustda xüsusi təşkil olunmuş kinoseansda tamaşaçılara bu filmlər göstərilir. Azərbaycan Respublikasının prezidentinin 2000-ci ildə verdiyi fərmana əsasən 2 avqust milli kinematoqrafiyanın yarandığı gün və "Milli kino günü" kimi qeyd edilir.

1908-ci ildə Slavyansk şəhərinə köçdükdən sonra əvəllər anasına məxsus olan fotoidarədə çalışmağa başlayır. Üç ildən sonra "Şimali Donetsk Əyaləti" qəzetini çıxarmağa icasə alır. 1912-ci ilin iyulunda bu qəzetin buraxılması dayanır. 1913-cü ildən Xarkovda fotoqrafiya və sinkoqrafiya ilə məşğul olmağa başladı və ömrünün sonunadək öz sevimli işi olan fotoqafiya ilə məşğul olmağa davam etdi. 1918-1921-ci illərdə Voronejdə işləyən və yaşayan Mişon 1921-ci il iyulun 5-i burada vəfat etdi. Bu barədə o vaxtlar "Voronej Kommunası" qəzeti "Cənab Mişonun ölümü" başlığı altında məlumat dərc etmişdi.

Fotoşəkilləri[redaktə]

Filmoqrafiya[redaktə]

Rejissor olduğu filmlər[redaktə]

Bibiheybətdə neft fontanı yanğını (film, 1898)-filmindən kadr. Rejissor-operator: Aleksandr Mişon
  1. 1898-ci il avqustun 4-də Balaxanıda neft fontanı (film, 1898) (qısametrajlı sənədli film)
  2. Balaxanı-Sabunçu Polis İdarəsi süvari qorodovoylarının at oynatmaları (film, 1898)
  3. Bazar küçəsi sübh çağı (film, 1898) (qısametrajlı sənədli film)
  4. Bibiheybətdə neft fontanı yanğını (film, 1898) (qısametrajlı sənədli film)
  5. Əlahəzrət Buxara əmirinin "Veliki knyaz Aleksey" paroxodunda yolasalma mərasimi (film, 1898) (qısametrajlı sənədli film)
  6. İlişdin (film, 1898) (qısametrajlı bədii film)
  7. Qafqaz rəqsi (film, 1898) (qısametrajlı sənədli film)
  8. "Qafqaz və Merkuri" Cəmiyyətinə məxsus paroxodun limandan yola düşməsi (film, 1898) (qısametrajlı sənədli film)
  9. Qatarın dəmiryol stansiyasına daxil olması (film, 1898) (qısametrajlı sənədli film)
  10. Şəhər bağında xalq gəzintisi (film, 1898) (qısametrajlı sənədli film)

Ssenari müəllifi olduğu filmlər[redaktə]

  1. İlişdin (film, 1898) (qısametrajlı Bədii Film)
  2. Qafqaz rəqsi (film, 1898) (qısametrajlı sənədli film)

Operator olduğu filmlər[redaktə]

1898-ci il avqustun 4-də Balaxanıda neft fontanı-filmindən kadr. Rejissor-operator: Aleksandr Mişon
  1. 1898-ci il avqustun 4-də Balaxanıda neft fontanı (film, 1898) (qısametrajlı sənədli film)
  2. Balaxanı-Sabunçu Polis İdarəsi süvari qorodovoylarının at oynatmaları (film, 1898)
  3. Bazar küçəsi sübh çağı (film, 1898) (qısametrajlı sənədli film)
  4. Bibiheybətdə neft fontanı yanğını (film, 1898) (qısametrajlı sənədli film)
  5. Əlahəzrət Buxara əmirinin "Veliki knyaz Aleksey" paroxodunda yolasalma mərasimi (film, 1898) (qısametrajlı sənədli film)
  6. İlişdin (film, 1898) (qısametrajlı bədii film)
  7. Qafqaz rəqsi (film, 1898) (qısametrajlı sənədli film)
  8. "Qafqaz və Merkuri" Cəmiyyətinə məxsus paroxodun limandan yola düşməsi (film, 1898) (qısametrajlı sənədli film)
  9. Qatarın dəmiryol stansiyasına daxil olması (film, 1898) (qısametrajlı sənədli film)
  10. Şəhər bağında xalq gəzintisi (film, 1898) (qısametrajlı sənədli film)

Xarici keçidlər[redaktə]