Alfa Romeo

Vikipediya, açıq ensiklopediya
Keçid et: naviqasiya, axtar
Şirkətin logosu

Alfa Romeo, 1910-cu ildə İtalyanın Milan şəhərində, Milanlı aristokrat bir ailə tərəfindən qurulmuş olan bir avtomobil istehsalçısıdır. Xüsusilə 1960-cı illərdə Avropada məşhur bir marka halına gələn Alfa Romeo, 1986-cı ildə Fiata qatılmışdır. Çıxardığı idman model avtomobillərlə diqqət çəkən Alfa Romeo, ilk zamanlar yük maşını, mikroavtobus və trolleybus kimi müxtəlif vasitələri də çıxarsa da daha sonra yalnız minik avtomobil çıxarmağa qərar vermişdir.

Hələ də İstehsal Olunan Modellər[redaktə]

Alfa Romeo 147[redaktə]

Alfa 147, Alfa Romeo tərəfindən ilk olaraq 2000-ci ildə çıxarılmağa başlanan kiçik ailə tipli avtomobildir. Alfa 147, 3 qapılı və 5 qapılı hatchback olmaq üzrə 2 fərqli gövdə stilinə malikdir. Ayrıca Alfa 147, 2001-ci ildə Avropada ilin avtomobili seçilmişdir. 1,6 lt benzinli 105 və 120 a.g., 2,0 lt benzinli 150 a.g.,1,9 lt dizel 150 a.g. və 3,2 lt v6 260 a.g. gta modelləri mövcuddur.

Alfa Romeo 156[redaktə]

Alfa 156, 1997-ci ilin sonunda 1998-ci il modeli olaraq bazara çıxmışdır. Dəyişik dizaynı və əvvəlki modellərə görə yüksələn keyfiyyəti ilə markanın yenidən dönüşünü təmin etmişdir. 1.6, 2.0 və 2.5 lt benzinli mühərriklər ilə çıxarılmışdır. 2.0 mühərrik 155 a.g. gücə sahib və 100 km/s 8.6 saniyəyə çıxırdı. Bu sinifdən olan bir avtomobil üçün bu gün belə çox yaxşı bir seriyadır. 156 2005-ci ildə yerini 159-a buraxmışdır.

Alfa Romeo 159[redaktə]

Alfa 159, Alfa Romeo tərəfindən 2005-ci ildə çıxarılmağa başlanan geniş ailə tipli avtomobildir. Alfa 159, 4-qapılı sedan və 5-qapılı vaqon olmaq üzrə 2 fərqli gövdə stilinə malikdir. 2006-cı ildə Auto Bild ən yaxşı dizayn mükafatını alan Alfa 159, GM/Fiat Premium platformasını istifadə edir.

Alfa Romeo GT[redaktə]

Alfa GT, Alfa Romeo tərəfindən Alfa Romeo Stil Mərkəzi ilə Bertone Stil Mərkəzi tərəfindən hazırlanaraq ilk olaraq 2003 Geneva Motor Sərgisində izləyicilərə göstərilən və 2004-cü ildə istehsal olunmağa başlayan idman avtomobil modelidir. Alfa GT, kupe gövdə stilinə malikdir və 2.0 benzin mühərriki ilə 3.2 V6 benzin mühərriki arasında dəyişən mühərrik variantlarına malikdir. Bu mühərrik tipləri arasında 1.9 MultiJet Turbodiesel mühərriki diqqət çəkir.

Alfa Romeo Brera[redaktə]

Alfa Brera, Alfa Romeo tərəfindən 2005-ci ildə istehsal olunmağa başlayan idman avtomobil modelidir. Alfa Brera, ilk olaraq 2002 Geneva Motor Sərgisində konseptual bir model olaraq tanıdılmışdı. Eynilə Alfa 159-da olduğu kimi GM/Fiat Premium platformasını istifadə edən Alfa Brera, kupe və kabriolet 2 fərqli gövdə stilinə malikdir. 2006 və 2007-ci illərdə müxtəlif mükafatlar alan Alfa Brera, sahib olduğu gözəl dizaynı və yüksək performansıyla diqqət çəkən bir idman avtomobildir.

Alfa Romeo Spider[redaktə]

Alfa Spider, ilk olaraq 1966-cı ildə Spider Duetto adı altında Battista Pininfarina tərəfindən hazırlanaraq eyni il Jenevrə Sərgisində sərgilənərək avtomobil tutqunlarına tanıdıldı. Daha Sonra 1995-ci ildə yalnız Spider adı altında əsl şəxsiyyətinə bürünərək indiki halını almışdır. Alfa Spider, iki kreslolu üstü açıq dizaynıyla idman avtomobil sinifinin bütün xüsusiyyətlərini əks etdirməkdədir.

Alfa Romeo 8C Competizione[redaktə]

Alfa 8C Competizione, ilk olaraq 2003 Frankfurt Motor Sərgisində konseptual idman avtomobil olaraq göstərilmiş və 2007-ci ildə Alfa Romeo tərəfindən istehsal olunmağa başlanmışdır. Alfa 8C Competizione, variant olaraq yalnız 2 qapılı kupe gövdə stilinə malikdir. 6 pilləli mexaniki sürət qutusuna sahib olan 8C Competizione, maksimum 292 km/saatda sürətə çata bilər və 0-100 km/saatda 4.2 saniyəyə kimi çox qısa bir müddətdə çıxa bilir.

Xarici keçidlər[redaktə]

VikiAnbarda Alfa Romeo ilə əlaqəli mediafayllar var.