Alfred Eyzenştadt

Vikipediya, açıq ensiklopediya
Keçid et: naviqasiya, axtar
Alfred Eyzenştadt
Alfred Eisenstaedt
London, 1932
London, 1932
Doğum tarixi: 6 dekabr 1898(1898-12-06)
Doğum yeri: Dirschau, Qərbi Prussiya, Almaniya imperiyası
Vəfatı: 24 avqust 1995 (96 yaşında)
Vəfat yeri: Oak Blufs Massaçusets, ABŞ
Janr: Fotojurnalistika

Alfed Eyzenştadt (d. 6 dekabr 1898 - ö. 24 avqust 1995) — alman əsilli amerikalı fotojurnalist. Daha çox Yaponiya üzərində qələbə (V-J Day) fotosuna məşhurdur. Fotoqraf ən çox 35 mm Leica kamerasından istifadə etmişdir.

Həyatı[redaktə]

Alfred Eyzenştadt 1898-ci ildə Almaniya İmperiyasının Qərbi Prussiya vilayətinin Dirşau şəhərində anadan olub. Onun ailəsi 1906-cı ildə Berlinə köçür. Hələ yeniyetmə ikən fotoqrafiyaya vurulur və 14 yaşından foto çəkməyə başlayır. İlk kamerası isə Eastman Kodak Folding Camera şirkətindən olur. A.Eyzenştadt Birinci Dünya müharibəsində Almaniya artilleriyasının tərkibində xidmət edir və 1918-ci ildə yaralanır. 1920-ci illərdə Veymarda kəmər və düymə satıcısı işləyərkən, Eyzenştadt, eyni zamanda, 1928-ci ildə Sakit və Atlantikin Fotoları jurnalının Berlin ofisi üçün də fotolar çəkməyə başladı. Ofis 1931-ci ildə Associated Press tərəfindən alınır.

Professional fotoqraf[redaktə]

A.Eyzenştadt 1929-cu ildə full-time işləyən fotoqraf oldu. Dörd il sonra o, Adolf HitlerBenito Mussolininin İtaliyadakı görüşünün fotosunu çəkmişdi. Bundan əvvəl onun məşhur 1923-cü ildə çəkilmiş fotosunda Grand Otelin ofisiantının buz üstündə sürüşdüyünü görürük. 1933-cu ildə Cenevrədə Millətlər liqasında Jozef Göbbelsin fotosunu çəkmişdir. Əvvəlki xoş münasibətə baxmayaraq, Göbbels Eyzenştadtın yəhudi olduğunu bildikdən sonra qaşqabağını tökmüşdür. 1935-ci ildə Hitlerin Nasist Almaniyasında təzyiqlərə məruz qaldığına görə ABŞ-a müharicət etmiş və ömrünün qalan hissəsini Nyu-Yorkda keçirmişdir. O, 1936-cı ildən 1972-ci ilə qədər Life jurnalının fotoqraf ştatında işlədi. Tədbir və mərasimlərdən reportajlar hazırlamış, Dagmar (amerikalı aktrisa), Sofi LorenErnest Heminquey kimi şəxslərin fotolarını çəkmiş və Life jurnalında 90-dan artıq reportajla dərc olunmuşdur. A.Eyzenştadt 1989-cu ildə Ağ evdə keçirilən tədbirdə Corc Buş tərəfindən Milli İncəsənət Mükafatı ilə təltif olunur.

Seçilmiş fotoları[redaktə]

V-J günü Tayms meydanında[redaktə]

Eyzenştadtın ən məşhur fotosunda gənc qadını öpən amerikalı dənizçini görürük. Foto 1945-ci ilin 14 avqustunda Tayms meydanında Leica IIIa kamerası ilə çəkilib. Amerikanın Yaponiya üzərində qələbə qazandığı vaxt Eyzenştadt, demək olar ki, heç bir tədbiri qaçırmayıb.

Sofi Lorenin portretləri[redaktə]

Sofi Lorenin portretləri formal rəngli şəkillərdən daha çox foto müəllifinə və fotoda çəkilənə böyük şöhrət və sevgi qazandırdı.

Kitabları[redaktə]

  1. "Eyzenştadtın gözü" (1969; The eye of Eisenstaedt)
  2. "İnsanlar" (1973; People)
  3. "Eyzenştadt: Almaniya" (1981; Eisenstaedt: Germany)

Xarici keçidlər[redaktə]

Vineyard Time with Eisie Uilyam E. Marks