Almaz Ülvi

Almaz Ülvi
Almaz Qasım qızı Binnətova
Doğum tarixi:	8 avqust 1960-cı il (1960-08-08)
Doğum yeri:	Kəsəmən, Göyçə
Ölkə:	Azərbaycan
Elmi dərəcəsi:	filologiya elmləri doktoru (2010)
Tanınır:	ədəbiyyatşünas, yazıçı-publisist
Mükafatları:	"Əsl Şərq qadını" (Özbəkistan)

Binnətova Almaz Qasım qızı (Almaz Ülvi) — ədəbiyyatşünas, yazıçı-publisist.

Həyatı

Almaz Ülvi (Almaz Qasım qızı Binnətova) Göyçə mahalının Kəsəmən kəndində 1960-cı il avqustun 8-də ziyalı-müəllim ailəsində doğulmuşdur. Həmin kənddə orta məktəbi fərqlənmə ilə tamamlamış (1967-1977) və Bakı Dövlət Universitetində ali təhsil almışdır (1978-1984).

1986-1988-ci illərdə Azərbaycan Dillər Universitetinin ikiillik fars dili şöbəsini bitirmişdir.

Almaz Ülvi AMEA Nizami adına Ədəbiyyat İnstitunun "Türk xalqları ədəbiyyatı" şöbəsində baş elmi işçi vəzifəsində çalışır.

1995-ci ildə "Demokratiya və milli müstəqillik uğrunda mübarizənin poeziyada əksi" mövzusunda namizədlik dessertasiyası müdafiə etmişdir.

2010-cu ildə Almaz Ülvi "XX əsr Azərbaycan ədəbiyyatşünaslığında özbək klassiklərinin yaradıcılığı" mövzusunda doktorluq dissertasiyası müdafiə etmişdir.

1984-1993-cü illərdə “Ədəbiyyat və incəsənət” qəzetində, 1993-1997-cü illərdə “Dövlət Əmlak Komitəsi”ndə mətbuat xidmətinin rəhbəri kimi və 1997-ci ildən hal-hazıra kimi "Xalq qəzeti"nin "Ədəbiyyat və incəsənət" şöbəsində çalışır. 25 ilə yaxındır ki, mütəmadi olaraq mətbuat orqanlarında elmi, ədəbi, tarixi publisistik məqalələri ilə çıxış edir. Müxtəlif qəzet və jurnallarda, kitab, almanax və elmi toplularda, dünyanın bir sıra tanınmış beynəlxalq jurnallarında türk, özbək, rus, ingilis, gürcü, tatar və s. dillərdə elmi məqalələri çıxıb. Ümumiyyətlə isə, Azərbaycanda və xaricdə 400-dən yuxarı məqaləsi işıq üzü görüb.

1990-cı ilin may ayında Ülvi Bünyadzadənin təhsil aldığı Xarici Dillər Universitetində "Ülvi Bünyadzadə Xatirə Muzeyi" yaratmışdır.

Gənc şəhid şair Ülvi Bünyadzadəyə həsr olunmuş "Ülviləşən Ülvim" və "Poeziyada milli-azadlıq duyğuları" kitablarının müəllifi, "Ülvi duyğularım" (55 səh.), "Bir ölümün acığına" (256 səh.), "Ömrüm sənin eşqindi" (256 səh.), "Sənin oxşarın bənövşədi" (495 səh.), “Omür yolu (poema 2 dildə), “Omür yolu (poema 5 dildə) kitabların, eləcə də bir sıra digər kitabların toplayanı, tərtib edəni, nəşrə hazırlayanı və ön sözünün müəllifidir. Bir çox gənc şairlərin ilk kitablarına ön söz yazıb.

Almaz Ülvinin Daşkənddə, İstanbulda, Ankarada, Bişkekdə, Tbilisidə, Quzey Kıbrısda və s. ölkələrdə dəfələrlə elmi simpozyum və elmi konfranslarda məruzələri dinlənilmişdir.

Atilla adlı jurnalın təsisçisi və baş redaktorudur.

Ailəlidir. Atilla adlı bir oğlu var.

• Qasım Binnətovun qızıdır.
• Ülvi Bünyadzadənin və Könül Bünyadzadənin bibisidir.

Əsərləri

1. "Poeziyada milli-azadlıq duyğuları" Bakı, 1998, 115 səh.
2. "Ülviləşən Ülvim" Bakı, 1998, 256 səh.
3. "Ədəbiyyat ömrü yaşayan əbədiyyat memarı" (Bakı, 80 səh.),
4. "Müharibə ağrılarım. Sənədli publisistik düşüncələr, ədəbi qeydlər" (546 səh.),
5. "Ədəbi duyğularım. Portretlər, düşüncələr, qeydlər" (Bakı, 426 səh),
6. "Azərbaycan - özbək (cığatay) ədəbi əlaqələri (dövrlər, simalar, janrlar, təmayüllər)" (Bakı, 326 səh.),
7. "Əlişir Nəvai Azərbaycan ədəbiyyatşünaslığında" (Bakı, 326 səh.),
8. "Müdriklik işığında" (2009, 137 səh.)
9. "Göyçə mahalı Kəsəmən" I kitab. Bakı, "CBS", 2011. 592 səh., tiraj 1000.

Məqalələri

• "Heç demirsən, Ələsgərim hardadı?", "Yeni Avropa" qəzeti, 24 fevral 2011-ci il, № 08(45) səh.12.
• “Əfsanə ulduzlu Daşkənd”, Qərbi Azərbaycan press qəzeti, səh.13, №02(45), 3 mart 2011-ci il.

Kitabları

Poeziyada milli azadlıq duyğuları

Ülviləşən Ülvim

Ədəbiyyat ömrü yaşayan əbədiyyat memarı

Müharibə ağrılarım

Ədəbi duyğularım

Azərbaycan - özbək (cığatay) ədəbi əlaqələri

Əlişir Nəvai Azərbaycan ədəbiyyatşünaslığında

Müdriklik işığında

Şəkilləri

Özbəkistan Elmlər Akademiyasında

Almaz Ülvi professor Suyuma Qəniyeva ilə. Daşkənd

Almaz Ülvi mühazirə zamanı

Almaz Ülvi Kazan şəhərində. (öndə soldan 4-cü)

Toplayıb çap etdirdiyi kitablar

1. Ülvi Bünyadzadə, "Ülvi duyğularım" (toplayanı, tərtib edəni, nəşrə hazırlayanı, redaktoru və ön sözünün müəllifi Almaz Ülvidir), Bakı, “Gənclik”, 1990, 55 səh.
2. Ülvi Bünyadzadə, "Bir ölümün acığına" (toplayanı, tərtib edəni, nəşrə hazırlayanı, redaktoru və ön sözünün müəllifi Almaz Ülvidir), Bakı, “Gənclik”, 1993, 256 səh.
3. Ülvi Bünyadzadə, "Ömrüm sənin eşqindi" (toplayanı, tərtib edəni, nəşrə hazırlayanı, redaktoru və ön sözünün müəllifi Almaz Ülvidir), Bakı, “Mütərcim”, 1998, 256 səh.
4. Ülvi Bünyadzadə, "Sənin oxşarın bənövşədi" (toplayanı, tərtib edəni, nəşrə hazırlayanı, redaktoru və ön sözünün müəllifi Almaz Ülvidir), Bakı, “CBS” 2005, 495 səh.
5. Ülvi Bünyadzadə, "Omür yolu" (poema), 2 dildə - (toplayanı, redaktoru və ön sözünün müəllifi Almaz Ülvidir), Azərbaycan və gürcü dillərində. Tbilisi. 2009-cu il.
6. Ülvi Bünyadzadə, "Omür yolu" (poema). 5 dildə - Azərbaycan, türk, ingilis, rus və gürcü dillərində. (toplayanı, redaktoru və son sözünün müəllifi Almaz Ülvi. Ön sözünün müəllifi Qənirə Paşayevadır.), Bakı, “Mütərcim”, 2009.

Xarici keçidlər

• http://qarapapaqlar.borchali.net/index.php?cat=oxu&id=224

Həmçinin bax

• http://www.facebook.com/profile.php?id=100000648127272