Seçilmiş məqalə
|
|
Əbu-Simbel (ərəb. أبو سنبل və ya أبو سمبل) - Misir Ərəb Respublikasının cənubunda, Nil çayının qərb sahilində yerləşən və üzərində qədim dünyanın ən möhtəşəm abidələrindən biri, Misir fironu II Ramzesin (e.ə. təxm. 1298-1213) əmrilə yonulmuş 2 məşhur məbəd olan qaya. Asuan şəhərindən 280 km cənubda, Nubiyada yerləşir. Hündürlüyü 100 metr olan xırda dənəvər qumdaşından ibarət bu qaya heroqlif yazılarında "müqəddəs dağ", bu ərazi isə müdafiə qurğuları ilə əhatə olunduğu üçün yunan mənbələrində "Ramessopolis qalası" adlandırılır. Ərazinin indiki adı ərəb dilindəki əbu - "ata" və simbel - "sünbül" sözlərindən yaranmışdır. Tərcümədə "sünbül atası" mənasını verir ki, bunun da səbəbi ərəb dənizçilərinin Nil çayı ilə qayanın yaxınlığından keçərkən gördükləri kişi barelyefini sünbülə bənzətmələridir. Lakin adın yaranmasının digər bir versiyasına görə Əbu-Simbel bu qayanı 1810-cu illərdə qumların altından tapan İsveçrə tədqiqatçısı İohann Lüdviq Burkharta bu yeri göstərən gənc ərəb oğlanın adıdır. Məqaləni oxu |
Bilirsinizmi ki...
|
-
Qan damarlarını daraltmaq, qan təzyiqini yüksəltmək, mərkəzi sinir sistemini oyatmaq, bronxları genəltmək, karbohidrat mübadiləsini nizama salmaq üçün dərman kimi işlədilən adrenalin ("Epinefrin") heyvanın böyrəküstü vəzi toxumasından və ya sintetik yolla alınır.
-
2008-ci ildə Almaniyanın Frankfurt aeroportuna 485,783 təyyarə enib və havaya qalxıb, aeroportun xidmətlərindən 53,472,915 sərnişin istifadə edib.
-
Alkoqol ("Etanol") ilk dəfə fars həkimi, alimi, filosofu və yazıçısı Əbu Bəkr Məhəmməd ibn Zəkəriyyə əl-Razi tərəfindən şərabın destilə olunması yolu ilə əldə edilmişdir.
|
Seçilmiş şəkil
|
|
Vaşaq - Pişikkimilər cinsindən heyvan. Bədəninin uzunluğu 82-109 sm, quyruğunun uzunluğu 20-24 sm, çəkisi 8-19 kq olur. Ayaqları qüvvətli, nisbətən uzun, pəncələri çox enlidir. Qulaqlarında fırçayabənzər uzun tüklər var. Açıq-sarı, kürən və ya xallı olur. Avropada, Şimali, Orta və qismən Ön Asiyada, Şimali Amerikada, Azərbaycanda isə Naxçıvanda, Dağlıq Qarabağ, Quba-Xaçmaz, Şəki-Zaqatala və Lənkəran-Astara zonalarında yayılmışdır. Geniş sıx meşələrdə, düzənliklərdə və eləcə də dağlarda, bəzən meşə-çöldə yaşayır. Ağaca yaxşı dırmaşır. Boğazlıq dövrü 9-10 həftədir. 2-3 bala doğur. Əsasən, dovşan, gəmiricilər və quşları yeyir; bəzən dırnaqlı heyvanlara (cüyür və s.) hücum edir. Çox vaxt gecələr ova çıxır.
|
|
|
|
.svg){kind=small}
