Ancela Lensberi

Vikipediya, açıq ensiklopediya
Keçid et: naviqasiya, axtar
Ancela Lensberi
ing. Angela Lansbury
Angela Lansbury (8356239174).jpg
Ancela Lensberi 2013-cü ildə
Doğum tarixi: 16 oktyabr 1925 (1925-10-16) (89 yaş)
Doğum yeri: London, Flag of the United Kingdom.svg Böyük Britaniya
Peşələri: aktrisa, müğənni
Karyera: 1944-bu günə qədər
IMDb: ID 0001450

Ancela Lensberi (ing. Angela Lansbury) — Amerika-İngiltərə aktrisası və müğənnisi.

Həyatı[redaktə]

Ancela Bricit Lensberi aktrisa Moyna MakQill və biznesmen Edqar Lensberinin ailəsində anadan olmuşdur. Gələcək aktrisanın babası leyborist partiyasının lideri Corc Lensberi idi. İkinci dünya müharibəsi vaxtı anası və iki kiçik qardaşı ilə Kanadaya köçürlər. Çox keçmədən isə ABŞ-a gedirlər.

Ancela Lensberinin kinoda ilk rolu rejissor Corc Kyukorun 1944-cü ildə çəkdiyi "Qaz işığı" filmində olmuşdur. Həmin ekran əsərində onun tərəf-müqabilləri tanınmış aktyorlar Şarl Buaye və İnqrid Berqman idi. Gənc aktrisa elə o zaman ikinci planda ən yaxşı qadın roluna görə "Oskar"a namizəd göstərilmişdi. Lakin buna baxmayaraq mükafatı qazana bilməmişdi. İkinci filmi olan "Dorian Qreyin portreti"nə görə Ancela Lensberi Amerika Kino Akademiyasının mükafatına namizəd olmuşdur.

Aktrisanın sözlərinə görə o, baş qəhrəmanlardan birini ifa etmək istəyirdi. Amma "Metro-Goldwyn-Mayer" kino şirkətinin rəhbərləri Lensberini xarakterik rollara və xüsusilə də bacı, sevgili, ana rollarını təklif edirdilər. Ancelanın 22-23 yaşı olanda studiya ona Frenk Kapranın "Nikahda olmaq" filmində Spenser Treysinin 45 yaşlı sevgilisi rolunu verdi[1].

Ancela Lensberi qızı Deydri və oğlu Endrü ilə

1962-ci ildə Ancela Lensberinin çəkildiyi ən tanınmış film olan "Mancur namizəd" ekranlara çıxır. Bu politik trillerdə Lensberi xanım Ayslin rolunu ifa edirdi. O, bu rola görə "Qızıl qlobus" və ABŞ Kinotənqidçilərinin Milli Şurasının mükafatına layiq görülmüşdür. Lensberi həm də "Oskar"ın ən real qalibi hesab olunurdu. Lakin son anada heykəlcik "Möcüzə yaratmaq" filmindəki roluna görə aktrisa Patti Dükə verildi.

1984-cü ildə aktrisa "Qətli o yazdı" serialındakı Cessika Fletçer roluna razılaşdı. Serial 12 il göstərilərək çox məşhur oldu. Bu müddət ərzində serialın 33 rejissoru olımuşdu. Cessiki Fletçer roluna görə aktrisa 12 dəfə "Emmi" mükafatına layiq görülmüş, ancaq qalib ola bilməmişdi.

Şəxsi həyatı[redaktə]

Şəxsi həyatına gəldikdə isə Ancela hələ 19 yaşı olanda aktyor Riçard Kromuell ilə ailə qurmuşdu. Amma bu nikah çox sürmədi və cəmi 1 ildən sonra onlar boşandılar. 1946-cı ildə aktyor Hard Heffildin gecəsində Lensberi irland aktyoru Piter Şou ilə tanış olur. 3 ildən sonra onlar ailə qururlar. Bu nikahdan onların 2 övladı dünyaya gəlir. Onları bağladığı nikah şou-biznes tarixində ən uzun sürən nikahlardan hesab olunurdu. Belə ki, onların ailəsi 2003-cü ildə Piterin ölümünə qədər davam etdi.

Filmoqrafiya[redaktə]

  1. Qaz işığı (film, 1944) / Gaslight
  2. Nildə ölüm (film, 1978) / Death on the Nile
  3. Gözəl və Bədheybət (cizgi filmi, 1991) / Beauty and the Beast

İstinadlar[redaktə]

  1. http://www.tcm.com/thismonth/article/?cid=138937&mainArticleId=138936 TCM «Turner Classic Movies»

Xarici keçidlər[redaktə]

VikiAnbarda Ancela Lensberi ilə əlaqəli mediafayllar var.