Anton van Levenhuk

Vikipediya, açıq ensiklopediya
Keçid et: naviqasiya, axtar
Anton van Levenhuk
nid. Antoni van Leeuwenhoek
Jan Verkolje - Antonie van Leeuwenhoek.jpg
Doğum tarixi: 24 oktyabr 1632(1632-10-24)
Doğum yeri: Delft, Niderland
Vəfatı: 26 avqust 1723 (90 yaşında)
Vəfat yeri: Delft, Niderland
Vətəndaşlıq: Niderlandlı
Elm sahəsi: Mikrobiologiya
Tanınır: İbtidailərin, eritrositlərinbakteriyaların mövcudluğunu ilk dəfə təsvir etmişdir.
Delft nid. Johannes Vermeer, 1661 (Museum Mauritshuis)
Coğrafiyaçı, Johannes Vermeer, 1669.
Levenhuk mikroskopunun sxemi
Levenhuk mikroskopu
Levenhukun tədqiqat obyekti – birənin görnüşü
Göyrüş ağacının mikroskopik qurluşu

Anton van Levenhuk (nid. Antoni van Leeuwenhoek; 24 oktyabr 1632, Delft – 26 avqust 1723, Delft) — mikroskop konstruktoru, elmi mikroskopiyanın – mikrobiologiyanın əsasını qoymuş, London kral cəmiyyətinin 1680-ci ildən üzvü, öz mikroskopu vasitəsi ilə bir çox canlı materiyaların müxtəlif strukturlarını öyrənmiş holland təbiətşünası.

Həyatı[redaktə]

Anton van Levenhuk 1632-ci ildə Niderlandın Delft şəhərində orta sinifə aid səbət ustası Filips Toniszonun (nid. Philips Thoniszoon) ailəsində anadan olmuşdur. Anton özünə evinin yaxınlığındakı yerləşmiş "Şir darvazası"nın nid. Leeuwenpoort adına "huk" (nid. hoek mənası künc, bucaq, tin deməkdir) hissəciyi əlavə etməklə soyadı götürmüşdür.

Anton 6 yaşında olarkən atası vəfat edir. Anası Marqaret van Berç nid. (Grietje van den Berch) onu Leyden ətrafındakı gimnaziyaya oxumaıa göndərir. Əmisi ona riyaziyyat və fizikadan dərs vermişdir. 1648-ci ildə Anton mühasibatçılıq oxumaq məqsədi ilə Amsterdama gələrək oxumaq əvəzinə qalanteriya dükanında işə düzəlir. İlk sadə mikroskopla da tanışlıq burada baş verir.

1654 cü ildə Delftə dönür, dükan alaraq ticarətlə məşğul olmağa başlayır. Levenhuk iki evlilikdən 6 uşaq atası olmuşdur. Ömrünün axırına qədər Delftdə yaşamış olur və Anton van Levenhuk 26 avqust 1723 cü ildə 90 yaşında vəfat edir. O, Delfin qədim kilsəsində dəfn edilmişdir.

Mikroskopun icadı və təkmilləşdirilməsi[redaktə]

1665-ci ildə dərc olunmuş Robert Hukun "Mikroqrafiya" (ing. Micrographia) əsərini oxuduqdan sonra, onda ətraf mühitin linza vasitəsilə öyrənilməsinə maraq yaranmış, italyan bioloq-həkimi Marçello Malpigi ilə birlikdə zooloji tədqiqatlarda mikroskodan istifadə etməyə başlamışlar.

Cilalayıcı sənətinə yiyələnərək Levenhuk linzalar düzəltməyə başlayır. Həyatı boyu o, 300 dəfə böyüdücülük qabiliyyətinə malik 250 linza hazırlamışdır. Levenhuk öz hazırladığı linzaları metal eynəkliklərə quraşdıraraq dövrünün ən müasir mikroskopunu yaratmış və onun köməyi ilə bir sıra kəşflər etmiş olur.

Kəşflər[redaktə]

Anton van Levenhuk nəzəri savada malik olmasa da böyük praktik təcrübəyə malik olmuşdur. Latın dilini bilməməsi ucbatından öz təcrübə və tədqiqatlarını elmi şəkildə təbliğ edə bilməmişdir. Buna görə də 1673 cü ilə kimi dünya onun işlərindən tam xəbərsiz olmuşdur. 1673 cü ilin aprel ayında London Kral Cəmiyyətinin üzvü Delftli Reyner De Graaf Levenhukun yaratmış olduğu mikroskop haqqında ilk məlumat vermişdir. Bu vaxtan etibarən Levenhuk öz işlərini London Kral Cəmiyyətinə göndərmək imkanı əldə edir. O, Britaniya kraliçası Anna, rus çarı I Pyotr ilə görüşmək imkanı əldə edir.

Anton van Levenhuk həddən ziyadə səbrli və səliqəli müşahidə qabiliyyətinə malik olmuşdur. O, öz mikroskopu vasitəsi ilə insan tükündən tutmuş it spermasına kimi materiyalları; yağış damcısı və kişik həşəratları; əzələ liflərini, dəri fraqmentlərini belə müşahidə etmişdir. Levenhuk bütün müşahidələrini ardıcıllıqla yazıya köçürmüş və onların səliqəli təsvirlərini çəkərək göstərmişdir. O, bu müşahidələrini məktub vasitəsi ilə London kral cəmiyyətinə və bir çox alimlərə göndərmişdir. 1673 cü ildə Levenhuk tam təhsilinin olmamağına və holland dilindən başqa heç bir dil (xüsusən də ingilis) bilməməsinə baxmayaraq inadkarlıqla London kral cəmiyyətinə öz tədqiqatları haqqında məktubla məlumatlar göndərmişdir. Lakin onun bu tədqiqatlarına şübhə ilə yanaşıldığından Qrü Neemiyanın başçılığı altında bir qrup alim Delftə gələrək işlərlə yerində tanış olurlar. Nəhayət Levenhuk 8 fevral 1680 cı ildə "London Kral Cəmiyyətinə" üzv və sonradan "Paris Elmlər Akademiyasının" müxbir üzvü seçilmiş olur.

O, ilk olaraq spermatozoid (1677) və eritrositləri aşkar etmiş və onların təsvirini vermişdir. O özözünə törəmə nəzəriyyəsini saysız sübutlarla inkar etmişdir. O, göstərmişdir ki, bitlər də digər həşəratlar kimi çoxalma qabiliyyətlidirlər. Levenhuk bəşər tarixində ilk konstruktiv kəşf sayılan bakteriyanı (1674) aşkar etmiş sadə su damcısından o kiçik canlıların böyük bir aləmini üzə çıxartmışdır. O, ilk dəfə olaraq üç bakteriya formasını: basill, kokk və spiraxetaları müəyyən etmişdir.

İşləri[redaktə]

  • nid. Sendbrieven ontleedingen en ontkellingen etc., (16851718)
  • lat. Opera omnia s. arcana naturae, (1722)

Mənbələr[redaktə]

  • M. Leewenhoeck and Regnerus de Graaf: A Specimen of Some Observations Made by a Microscope, Contrived by M. Leewenhoeck in Holland, Lately Communicated by Dr. Regnerus de Graaf. Phil. Trans. January 1, 1673 8:6037-6038; DOI:10.1098/rstl.1673.0017 (Tam mətni)
  • Antony van Leewenhoeck: Observations, Communicated to the Publisher by Mr. Antony van Leewenhoeck, in a Dutch Letter of the 9th of Octob. 1676. Here English'd: concerning Little Animals by Him Observed in Rain-Well-Sea. and Snow Water; as Also in Water Wherein Pepper Had Lain Infused. Phil. Trans. 1677 12:821-831; DOI:10.1098/rstl.1677.0003 (Tam mətni)
  • Mr. Leewenhoecks: Mr. Leewenhoecks Letter Written to the Publisher from Delff the 14th of May 1677, Concerning the Observations by him Made of the Carneous Fibres of a Muscle, and the Cortical and Medullar Part of the Brain; as Also of Moxa and Cotton. Phil. Trans. 1677 12:899-895; DOI:10.1098/rstl.1677.0027 (Tam mətni)


Xarici keçidlər[redaktə]