Anuk Eme

Vikipediya, açıq ensiklopediya
Keçid et: naviqasiya, axtar
ANUK EME
fr. Anouk Aimée
Anouk Aimée Cannes.jpg
İlk adı: Fransuaza Soreyya Dreyfus
Doğum tarixi: 27 aprel 1932 (1932-04-27) (82 yaş)
Doğum yeri: Paris, Flag of France.svg Fransa
Vətəndaşlıq: Flag of France.svg Fransa
Peşəsi: aktrisa
Mükafatları: "Qızıl Qlobus" (1967)
IMDb: ID 0000733

Anuk Eme (fr. Anouk Aimée; 27 aprel 1932, Paris, Fransa) — Fransa aktrisası.

Həyatı[redaktə]

Anuk Eme 27 aprel 1932-ci ildə Parisdə anadan olmuşdur. Uşaqlıq illərində yəhudi[1] aktyor ailəsində tərbiyə almışdır.

O, "Bauer-Therond" dram məktəbində aktyorluğu və rəqsi öyrənmişdir. 14 yaşından kinoda çəkilmişdir. Lakin yalnız 12 ildən sonra tanınmağa başlamışdır. Bu, onun "Monparas 19" filmində Janna Ebütern roluna çəkiləndən sonra oldu. Bundan sonra Federiko Fellini bu ümidverici aktrisanı görür və onu "Şirin həyat", "Səkkiz yarım" kimi filmlərinə dəvət edir. 1961-ci ildə fransız kinorejissoru Jak Demi kinoda öz debütünü çəkir. "Lola" adlanan filmdə aktrisa baş rolu ifa edir.

Bütün dünya üzrə milyonlarla tamaşaçı Anuk Emeni ilk növbədə Klod Leluşun "Kişi və qadın" (1966) filmində ifa etdiyi qadın obrazı ilə tanıdı və sevdi. Bu rola görə o, "Qızıl qlobus" da daxil olmaqla bir çox mükafatlara layiq görülmüşdür.

1969-1975-ci illərdə heç bir filmə çəkilməmişdir.

1949-1978-ci illərdə 4 dəfə (Eduard Zemmermann, Nikos Papatakis, Pyerr Barux və ingilis aktyoru Albert Finni ilə) ərdə olmuşdur. Musiqiçi Saymon Finnin keçmiş ögey anasıdır.

1980-ci ildə Eme "Boşluğa tullanmaq" filmindəki roluna görə Kann kinofestivalının mükafatına layiq görülmüşdür.

"Empire" jurnalı onun adını "Kinematoqrafın tarixində 100 ən seksual ulduz" siyahısına daxil etmişdir.

Filmoqrafiya[redaktə]

  1. "Monparnas, 19" (film, 1958) / Montparnasse 19
  2. Şirin həyat (film, 1960) / La Dolce Vita
  3. Səkkiz yarım (film, 1963) / 8 ½
  4. Kişi və qadın (film, 1966) / Un homme et une femme

İstinadlar[redaktə]

  1. Anouk Aimee, encyclo.co.uk

Xarici keçidlər[redaktə]

VikiAnbarda Anuk Eme ilə əlaqəli mediafayllar var.