Aqil Abbas

Aqil Abbas
{{{orijinal}}}
Doğum tarixi:	1 aprel 1953-cü il (1953-04-01)
Doğum yeri:	Kolalı, Ağcabədi
Milliyyəti:	azərbaycanlı

Abbasov Aqil Məhəmməd oğlu - Azərbaycan Respublikası Milli Məclisinin deputatı, Azərbaycanın əməkdar jurnalisti. 1986-cı ildən Azərbaycan Yazıçılar İttifaqının üzvü, Azərbaycan komsomolu mükafatı laureatı (1987) ("Ən yaxşı adam" kitabına görə), Azərbaycan Jurnalistlər Birliyinin "Qızıl qələm" mükafatı laureatı (1993), "Məmməd Araz" adına ədəbi mükafat laureatı (1994), "Dan ulduzu" (1993), "Yaddaş" və "Zeynalabdin Tağıyev" mükafatları laureatı.

Həyatı

Aqil Abbas 1953-cü il aprelin 1-də Ağcabədi rayonunun Kolalı kəndində doğulub. Burada orta məktəbi bitirdikdən sonra ADU-nun filologiya fakültəsində təhsilini davam etdirmişdir (1970-1976). Əmək fəaliyyətinə Ağsu rayonundakı internat məktəbində müəllim (1976-1977) kimi başlamış, "Elm və həyat" jurnalında fotomüxbir, şöbə müdiri (1977-1987), "Sovet kəndi" qəzetinin xüsusi müxbiri (1987-1990) işləmişdir. Hazırda "Ədalət" (1990-cı ildən), "Boz qurd" (1993-cü ildən) qəzetlərinin baş redaktorudur. Bədii yaradıcıhğa 1970-ci ildən başlasa da, ilk mətbu hekayəsi "Şirinlik" 1976-cı ildə "Ədəbiyyat və incəsənət" qəzetində dərc olunmuşdur. Bunun ardınca 1977-ci ildə "Şəbədə Nazim" hekayəsi "Ulduz" və "Azərbaycan" jurnallarında işıq üzü görmüşdür. Həmin dövrdən mətbuatda müntəzəm çıxış etmişdir. "Qiyamət gecəsi" və "Qapqara uzun saçlar" povestlərini qələmə almışdır (2003).

2005-ci ildə Azərbaycan Milli Məclisinin deputatı seçilmişdir.

Əsərləri

• 1.Evləri köndələn yar. Bakı: Yazıçı, 1983, 104 səh.
• 2.Ən xoşbəxt adam (povestlər və hekayələr). Bakı: Yazıçı, 1987, 115 səh.
• 3.Batmanqılınc (roman). Bakı: Gənclik, 1994, 300 səh.
• 4.Qapqara uzun saçlar. Bakı:
• 5.Qiyamət gecəsi. Bakı:
• 6.Çadırda Üzeyir Hacıbəyov doğula bilməz (roman və publisistika). Bakı: Şuşa, 2001, 255 səh.
• 7.Bir yol ki, Şuşaya getmir... Bakı:

Mənbə

• Azərbaycanın Milli Məclisi