Arif Məlikov

ARİF MƏLİKOV
Ümumi məlumatlar
Doğum adı	Arif Cahangir oğlu Məlikov
Doğum tarixi	13 sentyabr 1933-cü il (1933-09-13) Bakı, Azərbaycan SSR
Peşəsi	Bəstəkar
IMDb səhifəsi

Arif Cahangir oğlu Məlikov – Azərbaycanlı bəstəkar, Azərbaycan Respublikasının əməkdar incəsənət xadimi (1965), Azərbaycan Respublikasının xalq artisti (1978), professor (1979), SSRİ xalq artisti (1986), Dövlət mükafatı laureatı (1986), Azərbaycan Milli Elmlər Akademiyasının müxbir üzvü (2001).

Həyatı

1933-cü il sentyabrın 13-də Bakıda anadan olub.

1958-ci ildə Ü.Hacıbəyov adına Azərbaycan Dövlət Konservatoriyasını bəstəkarlıq sinfi üzrə bitirmişdir.

Nailiyyətləri

1965-ci ildə Azərbaycan Respublikasının əməkdar incəsənət xadimi adına layiq görülüb.

1971-ci ildə «Şərəf Nişanı» Ordeni ilə təltif olunub.

1978-ci ildə isə Azərbaycan Respublikasının xalq artisti adına layiq görülüb. 1979-cu il – professor adına layiq görülmüşdür.

1982-ci ildən – Az. Dovlət Konservatoriyasında bəstəkarlıq kafedrasının müdiri işləyir.

1986-cı ildən Azərbaycan Respublikasının Dövlət mükafatı laureatı 1986-cı ildə SSRİ xalq artisti adına layiq görülüb. 1998-ci ildə İstiqlal Ordeni ilə təltif olunub.

2001-ci ildən Azərbaycan Milli Elmlər Akademiyasının müxbir üzvüdir.

Əsərləri

• Baletlər: Məhəbbət əfsanəsi (1961), "İki nəfər" (1969), "İki ürək dastanı" (1981), "Fövqelgözəl Yusif" (1999)
• BSO üçün: Səkkiz simfoniya (1958-2000), "Qağıl", "Metamorfozlar", "Axırıncı aşırım", "Qəhrəmani" simfonik poemaları; Kamera instrumental əsərlər (prelüdlər, süitalar); Nazim Hikmətin sözlərinə 2 vokal silsilə; Xalq Çalğı alətləri Orkestri üçün əsərlər. 7 saylı Simfoniya (1995); Ç.İldırımın söz. səs və simfonik orkestr üçün «Azərbaycan» balladası (1995); 8 saylı Simfoniya (2001).
• Teatr tamaşalarına və kinofilmlərə musiqi (1990 – 2001).

"Simfonik nağıl"

Filmoqrafiya

1. Sehrli xalat (film, 1964)
2. İyirmialtılar (film, 1966)
3. Axırıncı aşırım (film, 1971)
4. Ulduzlar sönmür (film, 1971)
5. Qərib cinlər diyarında (film, 1977)
6. Qız Qalası əfsanəsi (film, 1978)
7. İşarəni dənizdən gözləyin (film, 1986)
8. Arif Məlikov. "Məhəbbət əfsanəsi" (film, 1987)
9. Doğma sahillər (film, 1989)
10. Gecə qatarında qətl (film, 1990)
11. Kitabi Dədə Qorqud. Səkrəyin dastanı (film, 1990)
12. Göylər sonsuz bir dənizdir. II film. Züleyxa (film, 1995)
13. Tənha ruh (film, 1998)
14. Heydər Əliyev. Dördüncü film. Lider (film, 1999)
15. Tanrıya tapınan Kiş (film, 2001)
16. Hacı Qara (film, 2002)
17. Maestro (film, 2002)
18. Kitabi Dədə Qorqud. Basat və Təpəgöz (film, 2003)
19. Müstəqillik yollarında. Üçüncü film (film, 2004)
20. Nəfəs alətləri (film, 2004)
21. Oqtay Ağayev. Ötən günlər (film, 2004)
22. Mücadilə. Birinci hissə. İstiqlalın beşiyi (film, 2006)
23. Rəssam ömrünün palitrası (film, 2006)
24. Dağlı çörəyi (film, 2007)
25. Hədiyyələr, həyəcanlar... (film, 2007)
26. Maestro Niyazi (film, 2007)

Həmçinin bax

	Azərbaycan kino sənəti portalı

• Azərbaycan musiqisi
• Opera
• Balet