Arsenal (futbol klubu, London)

Arsenal
Klubun tam adı
Rəngləri	Qırmızı, ağ
Ləqəbi	The Gunners
Yaranma tarixi	1886
Stadionu	Emirates (stadion)
Tutumu	60.355
Prezidenti	Peter Hill-Wood
Baş məşqçisi	Arsen Venger
Liqa	İngiltərə Premyer Liqası
Mövsüm	2009-10
Sıra	3
Rəsmi vebsaytı
Ev 　 Səfər 　 Üçüncü

Arsenal Futbol Klubu (Arsenal, The Arsenal, The Gunners, The Red Army) — İngiltərə Premyer Liqasında iştirak edən bir futbol klubudur. Şimali Londondakı Holloway səmtində qurulmuşdur. İngiltərənin ən müvəffəqiyyətli klublarından biridir. 13 Premier Liqa çempionluğu və 10 FA Kuboku çempionluğu var. Arsenal, Premyer Liqada ən uzun müddət lider qalmış və bir mövsümdə heç məğlubiyyət üzü görmədən çempion olmuş bir klubdur.

Arsenal, 1886-cı ildə quruldu və 1893-cü ildə Futbol Liqasına qatıldı. 20-ci əsrin 30-cu illərində ilk böyük turnirini qazanan komanda, bu dövrdə 5 liqa çempionluğu ilə 2 kubok çempionluğu əldə etdi. Müharibə dövründən sonra, 1970-1971 mövsümündə həm İngiltərə Premyer Liqasını həm də FA Kubokunu qazanaraq, 20-ci əsrdə bunu bacaran ikinci komanda oldu. Sonrakı 20 il içində uğurlu oynayıb, yenə həm İngiltərə Premyer Liqasını, həm də FA Kubokunu eyni mövsümdə qazandılar. Sonradan bu müvəffəqiyyəti iki dəfə daha təkrarladılar və Çempionlar Liqasının finalına yüksələn ilk London klubu oldular.

Klubun rəngləri, ənənəvi olaraq qırmızı və ağ olub, tarixi müddət boyunca dəyişmədən günümüzə qədər gəlmişdir. Ancaq, klubun məskunlaşdığı yer bəzi dövrlərdə dəyişdirilmişdir. Qurulduğunda Cənub-şərq Londondakı Woolwich səmtində olan klub, 1913-cü ildə şəhərin şimalına, Arsenalın Stadionunun olduğu yerə, Highburye köçürülmüşdür. 2006-ci ildə isə Holloway yaxınlarındakı yeni stadionları olan, Emirates Stadionuna köçmüşdülər.

Arsenal, olduqca böyük tərəfdar kütləsinə malikdir. Digər klublarla davamlı olaraq rəqabət halındadırlar. Ən əhəmiyyətli rəqibləri isə Şimali Londondan olan qonşuları Tottenhem klubudur. Aralarında böyük bir rəqabət söz mövzusudur və aralarındakı oyunlara Şimali London Derbisi deyilməkdədir. Arsenal, ayrıca İngiltərənin ən zəngin klublarından biridir (2008-dəki büdcələri 600 milyon funtdur). Kluba bağlı olaraq mübarizə aparan Arsenal Qadın Futbol Komandası, İngiltərənin ən uğurlu qadın futbol komandasıdır.

Tarixi

Arsenal, 1886-ci ildə Dial Square adı altında, Woolwich səmtində yerləşən Royal Arsenalda, fəhlələr tərəfindən qurulmuşdur. Daha sonra adı Royal Arsenala dəyişdirilmişdir. 1891-ci ildə, adı təkrar dəyişdirilərək Woolwich Arsenal oldu və peşəkar bir klub oldu . 1883-cü ildə Futbol Liqasına daxil olan komanda, İkinci divizionda möhkəmləndi və 1904-cü ildə Birinci Diviziona vəsiqə qazandı. Klub tərəfdarlarının coğrafi olaraq yer dəyişdirilməsi nəticəsində, tərəfdar nisbəti bir xeyli azaldı və klub iqtisadi problemlərlə üzləşdi. 1910-cu ildə klub iflas olmağa yaxın olur. Klubu iflasdan Henry Norris xilas edir. O klubu satın alır. Norris klub üçün yeni bir məskən axtarmağa başlayır. 1913-cü ildə bu çətinliklərə görə İkinci Diviziona düşən Arsenal, Highburya, yeni Arsenal Stadionuna köçdü. Həmin vaxt komandanın adı Arsenala dəyişdirilmişdir. 1919-cu ildə mövsümü ancaq 5-ci yerdə bitirən Arsenal, yenidən, əzəli rəqibi Tottenham Hotspurun yanına, Birinci Diviziona qayıdır. Söz-söhbətlərə inansaq bu hadisə şübhəli bir şəkildə baş vermişdi.

Avropa kuboklarında iştirak

24 dəfə Avropa kuboklarında iştirak edib.

Uğurları

Ev

• Birinci Diviziya (1992-dən əvvəl) və FA Premyer Liqa (1992-dən sonra)

Qalib (13): 1930–31, 1932–33, 1933–34, 1934–35, 1937–38, 1947–48, 1952–53, 1970–71, 1988–89, 1990–91, 1997–98, 2001–02, 2003–04

İkinci (8): 1925–26, 1931–32, 1972–73, 1998–99, 1999–2000, 2000–01, 2002–03, 2004–05

• İkinci Divizyon

İkinci (1): 1903–04

• FA Kuboku

Qalib (10): 1929–30, 1935–36, 1949–50, 1970–71, 1978–79, 1992–93, 1997–98, 2001–02, 2002–03, 2004–05

İkinci (7): 1926–27, 1931–32, 1951–52, 1971–72, 1977–78, 1979–80, 2000–01

• Liqa Kuboku

Qalib (2): 1986–87, 1992–93

İkinci (4): 1967–68, 1968–69, 1987–88, 2006–07

• FA Community Shield (və ya FA Charity Shield 2002-dən əvvəl)

Qalib (12): 1930-31, 1931-32, 1933-34, 1934-35, 1938-39, 1948-49, 1953-54, 1991-92 (shared), 1998-99, 1999-00, 2002-03, 2004-05

İkinci (7): 1935-36, 1936-37, 1979-80, 1989-90, 1993-94, 2003-04, 2005-06

Avropa

• UEFA Çempionlar Liqası

İkinci (1): 2005–06

• UEFA Kuboklar Kuboku

Qalib (1): 1993–94

İkinci (2): 1979/80, 1994–95

• Inter-Cities Fairs Cup Kuboku

Qalib (1): 1969–70

• UEFA Kuboku

İkinci (1): 1999–2000

• UEFA Super Kuboku

İkinci (1): 1994

Xarici keçidlər

Rəsmi sayt

• Arsenal.com Klubun rəsmi saytı
• Arsenal
• Arsenal UEFA rəsmi saytında

Fan saytları

• Arseweb
• Arsenal-Mania
• Arsenal World
• Arsenal Land
• Arsenal News

Xəbər saytları

• Arsenal xəbərləri

Fanzines

• Up the Arse!
• The Gooner