Asəf Zeynallı

Vikipediya, açıq ensiklopediya
Keçid et: naviqasiya, axtar
Asəf Zeynallı
A zeynally.jpg
Ümumi məlumatlar
Tam adı Asəf Zeynalabdin oğlu Zeynallı
Doğum tarixi 5 aprel 1909(1909-04-05)
Dərbənd, Dağıstan, Rusiya
Vəfatı 27 oktyabr 1932 (23 yaşında)
Peşəsi Bəstəkar

Zeynallı Asəf Zeynalabdin oğlu — Azərbaycan bəstəkarı.

Həyatı[redaktə]

Asəf Zeynallı 1909-cu ildə Dərbənddə doğulmuşdur. 1923-1926-cı illərdə Bakı musiqi texnikumunda, 1931-ci ildə Azərbaycan Dövlət Konservatoriyasının bəstəkarlıq şöbəsində, Üzeyir Hacıbəyovun sinfini bitirmişdi. 1929-1931 illərdə türk (Azərbaycan) fəhlə teatrında musiqi bölməsinin müdiri və Azərbaycan proletar musiqiçiləri birliyinin sədri işləmişdir. Tofiq Quliyev və Qara Qarayev bir müddət onun tələbələri olmuşlar. Azərbaycan musiqi tarixində ilk romanslar Asəf Zeynallının adı ilə bağlıdır.

O həmçinin türk (Azərbaycan) fəhlə teatrında oynanılan Cəfər Cabbarlının "Sevil", "Qayıdış", X. Nəzirli və S. Rüstəmin "Alov", A. Həmidin "Hind qızı", V. Kirşonun "Küləklər şəhəri" əsərlərinə musiqi bəstələmiş, "Uşaq süitası" əsəri ilə ilk dəfə Azərbaycan musiqi tarixində uşaq musiqisi repartuarının əsasını qoymuşdu. Asəf Zeynallı bir neçə Azərbaycan xalq mahnılarını nota almışdır.

Asəf Zeynallı 1932-ci ildə yaradıcılığının inkişaf etdiyi bir dövrdə, ağır xəstəlikdən vəfat etmişdir. Bakı musiqi kolleci və paytaxtın küçələrindən biri bəstəkarın adını daşıyır.

Filmoqrafiya[redaktə]

Xarici keçidlər[redaktə]