Asif Ata
| Asif Ata | |
| Asif Qasım oğlu Əfəndiyev | |
 |
|
| Doğum tarixi: | 25 sentyabr 1935-ci il |
|---|---|
| Doğum yeri: | Çaykənd, Çəmbərək, Ermənistan SSR |
| Vəfatı: | 6 iyun 1997-ci il (61 yaşında) |
| Vəfat yeri: | Bakı |
| Sayt: | http://www.asifata.com |
Əfəndiyev Asif Qasım oğlu (Asif Ata) — ədəbiyyatşünas, tənqidçi, 1965-ci ildən Azərbaycan Yazıçılar Birliyinin üzvü, fəlsəfə elmləri namizədi (1965), dosent.
[redaktə] Həyatı
Asif Ata 1935-ci il sentyabrın 25-də Qərbi Azərbaycanın Çəmbərək (Krasnoselsk) rayonunun Çaykənd kəndində, müəllim ailəsində anadan olmuşdur. Əslən türkün Qaraqoyunlu soyundandır. Babaları ruhanı olmuşlar. İlk təhsilini doğulduğu kənddə almış, orta təhsilini Gəncə şəhərində davam etdirmiş, 1951-ci ildə Ağstafa şəhərində başa vurmuşdur. Mətbuatda ilk dəfə 1952-ci ildə "Azərbaycan pioneri" jurnalında dərc olunan "Məktəb xatirələri" şeri ilə çıxış etmişdir. Moskvada M.Qorki adına Ədəbiyyat İnstitutunun tənqid şöbəsini bitirmişdir (1957). M.F.Axundov adına Rus dili və Ədəbiyyatı İnstitutunda Qərb ədəbiyyatı, rus ədəbiyyatı, estetika, dialektik və tarixi materializm fənlərindən mühazirə oxumuşdur (1959-1969). Azərbaycan Milli Elmlər Akademiyasının Fəlsəfə və Hüquq İnstitutunda baş elmi işçi vəzifəsində işləmişdir (1969-1975). ADU-nun dosenti olmuşdur (1975-1981). Burada ikən "Etik və estetik mənəvi tərbiyə klubu" yaratmış (1976), üç ildən sonra qadağan olunsa, repressiyaya uğrasa da, sonra respublika "Bilik" cəmiyyətində "Ocaq" adı ilə fəaliyyət göstərmişdir. Asif Ata (ruhani ocaq atası) ləqəbini qəbul etmişdir (1981-ci ildən). Sovet dövləti tərəfındən verilən bütün diplomlardan imtina etmişdir (1990-cı ildən).
"Dairələr", "İnsan yolu", "Tarixə çatmaq" fəlsəfi-bədii tənqidində insan və müasir həyat problemi qoyulmuşdur. Bu əsərlər "Azərbaycan" və "Gənclik" jurnallarında çap olunmuşdur (1989-1990). Yetmişədək dərc edilməmiş fəlsəfi kitabın (kəlam, məqam, izhar, həqiqətlər) müəllifidir. Burada mütləqə inam, ruhaniyyat, mənalar, təzadlar və s. fəlsəfəsi şərhini tapır.
1997-ci il iyunun 6-da vəfat etmişdir.
[redaktə] Əsərləri
- Azərbaycan ədəbiyyatında sosializm realizminin ilk tarixi və təşəkkülü. Bakı: Azərnəşr, 1971, 52 səh.
- Müdriklik səlahiyyəti. Bakı: Azərnəşr, 1976, 192 səh.
- İnam və şübhə. Bakı: Yazıçı, 1988, 172 səh.
- Mütləqə inam. Bakı: Yazıçı, 1999, 300 səh.
- Yol. Ata sözü. Bakı: Örnək, 1994, 87 səh.
- Siyasətdən üstün. Bakı: Nərgiz, 1999, 26 səh.
- Təməl. Bakı: Örnək, 1999, 43 səh.
- Həqiqət azadlığı - Cəfəngiyyat əsarəti. Bakı: Örnək, 2000, 23 səh.
- İnsanilik imkanı. Bakı: Örnək, 2000, 28 səh.
- Mahiyyət. Bakı: Örnək, 2000, 23 səh.
- Mütləqilik. Bakı: Örnək, 1999, 78 səh.
