Asif Hacılı

Asif Hacılı
Asif Abbas oğlu Hacıyev
Doğum tarixi:	1960-cı il(1960-Şablondakı doğum və ya ölüm tarixində texniki yanlışlıq var!-00)
Doğum yeri:	Marneuli, Gürcüstan SSR
Ölkə:	Azərbaycan
Elm sahəsi:	filologiya, poetika, folklorşünaslıq
İş yeri:	Bakı Slavyan Universiteti
Elmi dərəcəsi:	filologiya elmləri doktoru
Elmi vəzifəsi:	professor

Hacıyev Asif Abbas oğlu (Asif Hacılı) — ədəbiyyatşünas, folklorçu, filologiya elmləri doktoru, professor, Bakı Slavyan Universitetinin tədris işləri üzrə prorektoru, Azərbaycan Yazıçılar Birliyinin üzvü.

Həyatı

Asif Hacılı 3 aprel 1960-cı ildə Gürcüstan SSR-nin Borçalı mahalının Sarvan şəhərində anadan olmuşdur. 1977-ci ildə Bakı şəhər 246 saylı orta məktəbi, 1982-ci ildə Bakı Dövlət Universitetinin filologiya fakültəsini fərqlənmə diplomu ilə bitirib.

1982-1986-cı illərdə Cəmşid Naxçıvanski adına hərbi litseydə taqım komandiri işləyib, Bakı şəhər Xətai rayon gənc müəllimlər şurasının sədri olub.

1986-cı ildən Mirzə Fətəli Axundov adına Azərbaycan Pedaqoji Rus Dili və Ədəbiyyatı İnstitutunda müəllim kimi fəaliyyətə başlayıb. Gənc alimlər şurasının, Tələbə Elmi Cəmiyyətinin sədri olub.

Rus ədəbiyyatı tarixi kafedrasında müəllim, dosent işləyib. 1992-ci ildən Ədəbiyyat nəzəriyyəsi kafedrasında çalışır, kafedranın professorudur. Ədəbiyyatşünaslığa giriş, ədəbiyyat nəzəriyyəsi, rus ədəbi tənqidi tarixi, poetika, ədəbiyyatşünasliğın tarixi və metodologiyası fənlərindən mühazirələr və xüsusi seminarlar aparır.

1987-ci ildə namizədlik, 1998-ci ildə doktorluq dissertasiyalarını müdafiə edib.

2000-ci ilin may ayından Bakı Slavyan Universitetinin tədris işləri üzrə prorektoru vəzifəsində çalışır.

Elmi fəaliyyəti

Asif Hacılı ədəbiyyat nəzəriyyəsi, türk folklorunun poetikası, tarixi poetika, müasir ədəbiyyat, mifologiya və folklorşünaslıq üzrə tədqiqatlar aparır, tərcüməçiliklə məşğul olur, mətbuatda ədəbi-tənqidi məqalələrlə çıxış edir.

Mifopoetik təfəkkürün fəlsəfi-estetik məsələlərinə, bayatıların struktur-semiotik təhlilinə, müasir Azərbaycan və rus nəsrinin poetkasına, mifologizm və folklorizm probleminə, Qurani-Kərimin rus ədəbiyyatında bədii-fəlsəfi dərkinə aid monoqrafiyaların müəllifidir. Türk epik ənənəsinin tarixi-poetik xüsusiyyətlərinə, milli şüurdakı etnopoetik konseptlərə, müasir ədəbi prosesə, avrasiyaçılığa dair məqalələri dərc olunmuşdur. Avrasiyaçılığa dair mətnlərin, XX əsr ədəbi manifestlərinin bir sıra nümunələrini tərcümə etmişdir.

Elmi yaradıcılığında Axısqa türklərinin folklorunun toplanması, tədqiqi və nəşri xüsusi yer tutur. 1986-cı ildən Axısqa türklərinin folklorunun toplanması ilə məşğuldur. Axısqa türklərinin mifologiyasına, folkloruna, etnik tarix və etnoqrafiyasına həsr olunmuş kitabları türkologiyanın bu sahəsinə aid ilk sanballı əsərlər kimi yüksək qiymətləndirilmişdir. Bu sahədə tədqiqatlarından və topladığı folklor-etnoqrafik materiallarından ibarət kitabları Azərbaycanda və Türkiyədə dərc olunub.

Əsərləri Rusiya, Türkiyə, Bolqarıstan, Özbəkistan, Tacikistan və Gürcüstanda çap edilib. 200-ə qədər elmi əsərin, o cümlədən monoqrafiyaların və dərs vəsaitlərinin müəllifidir. 50-dən çox monoqrafiya, elmi məcmuə, dərslik və s. elmi redaktoru, məsləhətçisi, rəyçisidir. 30-a qədər dissertasiya işinə opponentlik edib, bir-neçə doktorantın elmi rəhbəridir.

Moskva, Kiyev, Ankara, İstanbul, Astana, Daşkənd, Düşənbə, Tbilisi, Minsk, Sankt-Peterburq, Qroznı, Varna, Şumen və b. şəhərlərdə beynəlxalq elmi konfranslarda iştirak edib.

Türk Dövlət və Cəmiyyətlərinin X və XI Dostluq, Qardaşlıq və Əməkdaşlıq Qurultaylarının iştirakçısı, XI Qurultayın "Beynəlxalq əlaqələr, Media və İnformasiya Texnologiyaları" komissiyasının katibi olmuşdur. Həmin qurultaylarda Borçalı və Axısqa türklərinin problemləri, xüsusən, milli maarif və mədəniyyət, repatriasiya məsələləri üzrə məruzələr etmiş, məruzələrin müddəaları qurultayların qərarlarında əks olunmuşdur. "Borçalı" və "Qaraçöp" cəmiyyətlərinin idarə heyətinin üzvü, I Uluslararası Ahıska türkləri qurultayının, Ahısqa türkləri "Vətən" cəmiyyəti qurultaylarının iştirakçısı olub. Azərbaycan və Türk Diaspor Təşkilatları Rəhbərlərinin I Forumunun iştirakçısı, Dünya Azərbaycanlıları Xartiyasını hazırlayan işçi qrupunun üzvü olub.

Orta məktəblər və universitetlər üçün bir sıra proqram və dərsliklərin müəllifidir. Təlim rus dilində olan ümumtəhsil məktəbləri ücün "Ədəbiyyat" fənni üzrə kurrikulumun hazırlanması üzrə Azərbaycan Respublikası Təhsil Nazirliyi işçi qrupunun sədri, həmin məktəblərin 5-11-ci sinifləri üçün "Ədəbiyyat" fənni üzrə proqram və dərsliklərin hazırlanması üzrə Təhsil Nazirliyi müəlliflər qrupunun rəhbəri və dərsliklər kompleksinin elmi redaktorudur. Azərbaycan Respublikası Təhsil Nazirliyi Elmi-metodik Şurasının Azərbaycan dili və ədəbiyyatı bölməsinin, Təhsil Nazirliyinin Fasiləsiz Pedaqoji Təhsil üzrə Koordinasiya Şurasının üzvüdür. AMEA Folklorşünaslıq üzrə problem şuranın üzvüdür.

AMEA Folklor İnstitutu elmi-nəzəri seminarın sədri, AMEA-nın Nizami adına Ədəbiyyat İnstitutu nəzdində və BSU nəzdində dissertasiya şuralarının üzvü, Azərbaycan Respublikası Prezidenti yanında Ali Attestasiya Komissiyası Filologiya üzrə Ekspert Şurasının üzvü (2007-2011) olub, 2011-ci ilin noyabrından Bakı Slavyan Universiteti nəzdində elmlər doktoru və fəlsəfə doktoru elmi dərəcəsi almaq üçün təqdim olunan dissertasiyalarının müdafiəsini keçirən D.02.071 Dissertasiya Şurasının sədridir.

"Heydər Əliyev irsi" Beynəlxalq Elektron Kitabxanasının Redaksiya Şurasının üzvüdür.

Rus dilinə dəstək Beynəlxalq Pedaqoji Cəmiyyətinin (Moskva) təsisçilərindən biri və üzvüdür (2004). Bu cəmiyyətin Ekspert-konsultativ şurasının üzvüdür (2008). Moskva Humanitar Pedaqoji İnstitutunun fəxri professorudur (2006).

"BSU Elmi əsərləri"nin, "Rus dili və ədəbiyyatı Azərbaycanda", "Literaturnıy Azerbaydjan", "Qarapapaqlar" (Gürcüstan) jurnallarının, "Filoloqun kitabxanası" seriyasının, "Humanitar elmlərin öyrənilməsinin aktual problemləri" məcmuələrinin redaksiya heyətlərinin, Yakov Qoqebaşvili adına Milli Pedaqoji Elmlər İnstitutunun "SAZRİSİ" ("Fikir") Elmi əsərlərinin (Tbilisi) Elmi-konsultativ Şurasının üzvüdür.

Azərbaycan Yazıçılar Birliyinin üzvüdür.

Email: asif.hacili@mail.ru

Kitabları

1. Epik ənənə və müasir bədii nəsr. Bakı: 1984
2. Qəribəm bu vətəndə. Axısqa türklərinin etnik mədəniyyəti. Bakı: 1992
3. Мифологизм и фольклоризм современной прозы. Б., 1993
4. Поэтика современной прозы. Вопросы мифологического и фольклорного генезиса. Б., 1997
5. Axısqa türk folkloru. B., 1998
6. Bayatı poetikası. B., 2000
7. Ahıska türk folkloru. Ankara, 2001
8. Mifopoetik təfəkkür fəlsəfəsi. B., 2002
9. Русская проза. Вторая половина XX века. Опыт мифопоэтического толкования. Б. , 2003
10. Литература. Учебник для 8 класса азербайджанских школ с русским языком обучения. Б., 2006
11. Литература. Учебник для 9 класса азербайджанских школ с русским языком обучения. Б., 2007
12. Qurani Kərim rus ədəbiyyatında. B., 2009
13. Axısqa türkləri: Vətən bilgisi. İstanbul, 2009
14. Kamal Abdulla: seçimin morfologiyası. B., 2010
15. Ədəbiyyatşünaslığın tarixi və metodologiyası. B., 2011
16. Rus Edebiyatında Kur'an-ı Kerim. İstanbul, Doğu Kütüphanesi, 2012

Tərcümələri

1. İ.Erenburq. İnsanlar, illər, həyat // "Ruh", 03-05.2003, № 1-10
2. Futurizm manifestləri // "Ruh", 05-06.2003, № 11-12
3. Dadaizm manifestləri // " Ruh", 06,2003, № 13
4. N.Trubetskoy. Rus mədəniyyətində Turan elementi haqqında // "Mütərcim", 1-2, 2004
5. Sürrealizm manifestləri // "Səhifələr", №1, 15-22.05.2004
6. Ekspressionizm manifestləri // "Səhifələr", №3, 1-07.06.2004
7. Akmeizm manifestləri // "Səhifələr", №4, 08-15-06.2004
8. Ədəbiyyatın ilahi mahiyyəti // "Səhifələr", №5, 05-22.06.2004
9. Bu da bir həyatdı oynadıq onu // Səhifələr, № 7, 29-06.07.2004
10. Modernizm manifestləri // Səhifələr, № 8, 6-13.07.2004
11. Postmodernizm manifestləri // Səhifələr№ 10, 20-27.07.2004
12. Avrasiyaçılar və Turan psixoloji siması // Səhifələr, № 11 , 27iyul-3 avqust, 2004
13. N.S.Trubetskoy. Rus mədəniyyətində Turan elementi haqqında // "Səhifələr", №№ 12, 13, 14, 2004
14. Ədəbiyyatda sosiallıq // "Səhifələr", 24-31 avqust, 2004
15. Simvolizm // "Səhifələr", 31 avqust-sentyabr, 2004
16. Məşriqdən məğribə // "Səhifələr", 7-14 sentyabr, 2004
17. O sizə ansızın gələcəkdir // Səhifələr, 14-21 sentyabr, 2004
18. Dahilik və dəlilik // "Səhifələr", 21-28 sentyabr, 2004
19. Ernst Kreçmer. Demoniklik // "Səhifələr", 24 noyabr, 2004
20. U.Eko. Postmodernizm, kinayə, həzz // "Tənqid.net" 2007, 7

Redaktə və tərtib

1. М.К.Коджаев. Методическая разработка темы "История и теория литературного характера" – Б., 1991
2. С.Ш.Нуриев. Творчество Ф.М.Достоевского 1940-х годов (системно структурный анализ). – Б., 1991
3. "Деде-Коркут" – 1300. Материалы научной конференции, посвященной 1300-летию эпоса "Деде -Коркут" – Б., 1999
4. Пушкин – 200. Сб. статей – Б., 1999
5. A.Piriyev, S.Piriyeva. Ata yurdum – Ahıska. – B., 2001
6. M. Восток и Запад: Типология и диалог культур. Материалы научной конференции "Восток – Запад" – Б., 2001
7. "Bədii tərcümə: nəzəriyyə, təcrübə, tədris". Elmi-metodik konfransın tezisləri. – B., 2002
8. M.Qocayev. Bədii ədəbiyyatda insan fəlsəfəsi. – B., 2001
9. Живая душа русского мира. Сборник материалов по итогам международного совещания директоров школ с преподаванием на русском языке (Москва, 23-27 март 2004 г.). Москва, Издательский дом "Этносфера", 2004 (консультант сборника).
10. H.Cavid. Əsərləri. 3 cilddə. – B., AMF, 2003 (redaksiya heyətinin üzvü)
11. Б.Мусаев. Азербайджанская литература XIX вв. Б., Мутарджим, 2004
12. А.Кязимова. Архетипы в поэтике прозы (па материале творчества А.П.Чехова). Б., 2005
13. Гулиев Г.М. Азербайджанская литература. Учебники для 9, 10, 11 классов общеобразовательных школ с русским языком обучения. Б., 2005
14. И.Агаева. Публицистика. В.Гоголя и Ф.М. Достоевского (Выбранные места из переписки с друзями" и "Дневник писателя") Б., 2006
15. С. Таривердиева. Трагическое в современной прозе (на материале русской и азербайджанской прозы 1970-1980-х годов хх века) Б., 2005
16. S.Piriyeva. Ahıska türkləri Azərbaycanda. B, 2005
17. Литература. 5 – 11 классы. Учебники для общеобразовательных школ с русским языком обучения. Рекомендованы МО АР. Б., ХХI. УНЕ, 2006 – 2008
18. Н.Мамедханова. Зарубежная проза II половины XX века. Б., 2006
19. Fərəh Cəlil. Türk və skandinav folklorunda şamanizm. B., 2006
20. З.Велиева. Поэтической феномен русской и азербайджанской прозы 60-80-х годов ХХ века. Б., 2006
21. Э.Магеррамов. Поэзия Гусейна Арифа в русских переводах. Б., 2006
22. S.Qafarova. Azərbaycan xalq şeirində bədii üslub. B., 2006
23. Cəlal Bəydili (Məmmədov). Türk mifoloji obrazlar sistemi: struktur və funksiya. B., 2007
24. Ф.С.Наджиева. Писательская критика XIX века (Пушкин – критик). Б., 2007
25. L.Şimşəkov. Sürgün xatirələri. B., 2008
26. Axısqa türk folkloru. B., 2008
27. R.Əliyev. Riyazi mifologiya. B., 2008
28. T.Şevçenko. Seçilmiş əsərləri. B., 2008
29. S.Sayq. Seçlmiş əsərləri. B., 2010
30. Məmmədhüseyn Təhmasib. Seçilmiş əsərləri. 2 cilddə. B., 2010 – 2011 (tərtibçi və redaksiya heyətiin üzvü)
31. Məhərrəm Cəfərli. Azərbaycan dastanlarının struktur poetikası. Bakı, 2010

Xarici keçidlər

• http://www.bsu-edu.org/Xabar.aspx?kkk=113
• http://www.famous-scientists.ru/4746/
• http://www.biblus.ru/Default.aspx?auth=1b0775f4
• http://az.efactory.pl/Azərbaycan_şair_və_yazıçıları
• А. А. Гаджиев Ахалцихские турки. История. Этнография. Фольклор.
• http://www.ottomanstore.com/switch.php?file=ProductInfo&cat_id=82&product_id=1122