Astraxanovka

Astraxanovka
Xəritə
Oğuz rayonu
Məlumatlar
Koordinatlar
İnzibati İdarə
Ölkə	Azərbaycan
Rayon	Oğuz

Astraxanovka — Azərbaycan Respublikasının Oğuz rayonunun inzibati ərazi vahidində kənd.

Tarixi

ASTRAXANOVKA Böyük Söyüdlü kənd İnzibati Ərazi Dairəsinə daxildir. Rayon mərkəzindən 45 kilometr cənubda, Acınohur alçaq ön dağlığı bölgəsində, Müqəddəsdağın (764 m) şərq tərəfində yerləşir. Dəniz səviyyəsindən yüksəkliyi 380 metrdir. Kəndi 1849-cu ildə Rusiyadan Azərbaycana köçürülmüş rus-malakanlar salmışlar. Zaman keçdikcə özləri ilə bu adı buraya gətirmiş ruslar kənddən köçüb getmiş, ad qalmışdır. “Astraxanovka”–Həştərxan sözünün rus dilində səslənmə formasıdır. “Həşt”–ast, “ər”–ra (astra) formasına düşmüşdür. “Ov–k–a” rus dilində yer, məkan bildirən şəkilçidir: Astraxanovka, Vladimirovka, İvanovka və s. “Həştərxan” sözü isə “Hacı Tərxan” olmuşdur. “Hacı” – Səudiyyə Ərəbistanındakı Məkkə şəhərini ziyarət etmiş müsəlmanlara verilən addır. “Həcc” də, “Hacı” da ulu maq–oğuz– Azərbaycanlının “xaç” sözündən yaranmışdır. “Xaç”-“od”, işıq” anlamını daşıyır, Günəşin simvoludur. “Xaç”–Günəşin çoxsaylı adlarından biri olub, “Avesta” dakı “yaxşı od, günəş, səhər şəfəqləri, güclü, hökmdar, yaxşı qəbilə başçısı, xaç, çarx” və s. mənaları verən “uşahra, xşatra, çaxra” sözlərindən formalaşmışdır (Baloğlan Şərifzadə). “Xaç” – Günəşin, odun bəlgəsi kimi xristianlıqdan çox-çox əvvəllər Azərbaycan xalqının mifik təfəkküründə mövcud olmuşdur (Mirəli Seyidov, Əjdər Fərzəli). “Tərxan”ın mənasını lüğətlər “hökmdar, sərkərdə, döyüşçü” kimi təqdim edirlər. Lakin adın tərkibindəki “tər” və “xan” müstəqil sözləri də ilk öncə Günəşin, odun işığın məna daşıyıcıları kimi yaranmışlar ( B. Şərifzadə, Ə.Fərzəli, M. Seyidov). Hacı Tərxan assmilyasiyaya uğrayaraq türk dilində “Həştərxan” olmuş, rus dilində “Astraxan” a çevrilmişdir. “Astraxanovka” antroponimik oykonimi “Hacı Tərxanın yeri, od oğlunun yurdu” anlamındadır (Yusif Rzayev). https://www.facebook.com/Welcome.to.Oguz.byINV NOVRUZOGUZ.TK oguz-ih.gov.az

Mədəniyyəti

Kənddə orta məktəb, klub, kitabxana, tibb məntəqəsi, 100 yerlik ATS, iaşə və ticarət obyektləri var. Kəndə rayon mərkəzindən Oğuz-Qarabulaq avtobusu ilə getmək olur.

Əhalisi

Əhalisi (485 nəfər) heyvandarlıq və əkinçiliklə məşğul olur.