Atəşböcəklərinin məzarı (film, 1988)

Vikipediya, açıq ensiklopediya
Keçid et: naviqasiya, axtar
Atəşböcəklərinin məzarı
Grave of the Fireflies.jpg
Orijinal ad: yap. 火垂るの墓
yap. Hotaru no haka
Rejissor: Isao Takahata
Əsərin müəllifi: Akiyuki Nosaka "Grave of the Fireflies"
Ssenari müəllifi: Isao Takahata
Prodüser: Toru Hara
Bəstəkar: Michio Mamiya
Rollarda: Tsutomu Tatsumi
Ayano Shiraishi
Janr: Dram
Dil: yapon dili
Ölkə: Yaponiya
Filmin növü: animasiya
Vaxt: 89 dəqiqə
İl: 1988
IMDb səhifəsi
Rəsmi vebsayt

Atəşböcəklərinin məzarı(yap. 火垂るの墓 ) - Isao Takahatanın yazıb yaratdığı 1988-ci il yapon animasiya filmidir.Film yapon animasiya studiyası Studio Ghiblinin məhsuludur.Animasiya Akiyuki Nosakanın eyni adlı romanının motivləri əsasında çəkilmişdir.Belə ki ,Akiyuki Nosaka bu romanı İkinci dünya müharibəsi zamanı aclıqdan ölmüş bacısının həyat hekayəsini ondan üzr istəmək niyyəti ilə qələmə almışdır.
Animasiya kinotənqidçilər tərəfindən müsbət rəy almışdır və müharibə mövzusunda çəkilmiş ən təsiredici filmlərdən sayılır.Rocer Ebert filmi indiyə kimi ən güclü anti-müharibə mövzusunda çəkilmiş dram filmlərindən biri olduğunu bildirib və 2000-ci ildə özünün "Great Movies" adlı film listinə daxil etmişdir.

Məzmun[redaktə]

Hadisələr İkinci dünya müharibəsinin sonlarına yaxın Yaponiyada baş verir.Film iki uşağın - 14 yaşlı Seita və 4 yaşlı Setsukonun həyatından bəhs edir.
Film Seitanın 21 sentyabr 1945-ci ildə Sannomiya stansiyasında, qaranlıqda bir küncdə ölməsi ilə başlayır.Cəsədin ölüb-ölməməsini yoxlayan xidmətçilərdən biri onun cibindən Sakuma drops qutusu tapır və qutunun nə olduğunu anlamadan onu stansiyadan kənara atır.Bu an qutudan atəşböcəkləri çıxır və körpə Setsukonun ruhu peyda olur.Setsuko qardaşının stansiyada yerdə hərəkətsiz uzandığını görüb yaxına getmək istəsə də ,çiynindən bir əl onu tutaraq saxlayır.Bu Seitanın ruhu idi və onlar bir-birinə baxaraq gülümsəyirlər.

Film haqqında[redaktə]

Filmin adının "Atəşböcəklərinin məzarı" olması uşaqların sakuma drops qutusuna atəşböcəkləri yığması ilə bağlıdır.Ümumiyyətlə yaponların sevdikləri məşğuliyyətdən biri iyun ayında atəşböcəyi tutmaqdır. Atəşböcəyi tutmaq istəyənlər gölün, yaxud çayın sahilinə gedirlər. Yaponlar tutduqları atəşböcəkləri gətirib öz bağlarına buraxırlar, ya da onları kiçik qəfəsə salıb evlərinin tavanından asırlar.Filmdə Seita və Setsuko atəşböcəklərini yığıb yaşadıqları mağaranı işıqlandırmaq üçün istifadə edirlər.Səhərsi gün Setsuko böcəklərin öldüyünü görüb onlara məzar qazır.Seita ona nə etdiyini soruşanda,Setsuko qəbir qazdığını və analarının da artıq qəbirdə olduğunu deyir.Əlavə edir ki ,bunu ona xalası deyib.Seita bacısının xəbərdar olduğuna anlayıb onu analarının qəbrini ziyarət etməyə aparacağını söz verir.Setsuko isə qardaşından atəşböcəklərinin niyə belə tez ölmələrini soruşur.

Rollarda[redaktə]

Tsutomu Tatsumi – Seita
Ayano Shiraishi – Setsuko
Yoshiko Shinohara – Seita və Setsukonun anası
Akemi Yamaguchi – Seita və Setsukonun xalası

Maraqlı faktlar[redaktə]

  • Film İMDBnin hazırladığı Top 250 film siyahısında 81-ci mövqedə qərarlaşıb.İMDB xalı 8,5-dir.
  • Hekayədən fərqli olaraq filmdə əsas qəhrəman sonda ölür.