Avatar: Aanq haqqında əfsanə

Avatar: Aanq haqqında əfsanə
Avatar: The Last Airbender
Serial başlayanda çıxan loqo (降卋(世)神通 heroqliflərinin mənası: ölümlülərin dünyasına gələn tanrı elçisi)
Tip	anime elementləri ilə animasiya
Janr	fentezi, usya, macəra, komediya
Rejissor	Loren MakMalen (ing. Lauren MacMullan) və s.
Prodüser	Maykl Dante Dimartino və Brayan Konietsko
Yaradıcısı	Maykl Dante Dimartino və Brayan Konietsko
Ssenari müəllifi	Brayn Konietsko Maykl Dante Dimartino və Aaron Ehasz
Rolları səsləndirənlər	Sak Tayler Eysen (Aanq) Mey Uitmen (Katara) Cek Desena (Sokka) Cesi Flauer (Tof) Dante Basko (Zuko)
Bəstəkar	Ceremi Zukerman Benjamin Vinn
Studiya	Nickelodeon Animation Studios
İstehsalçı ölkə	ABŞ
Mövsüm sayı	3
Seriya sayı	61
Davametmə müddəti	24 dəq
Telekanal	Nickelodeon Nicktoons Network
TranslyasiyaAz	yoxdur
Əvvəlki	yoxdur
Sonrakı	Korra haqqında əfsanə
IMDb	ID 417299
Xarici keçidlər
Rəsmi sayt IMDb-də səhifəsi

"Avatar: Aanq haqqında əfsanə" (ing. Avatar: The Legend of Aang) və ya "Avatar: sonuncu hava maqı" (ing. Avatar: The Last Airbender) — ABŞ-da anime elementləri ilə yaradılmış cizgi serialı. Serialın üç sezonu Nickelodeon və Nicktoons Network kanallarında yayımlanmışdır. Onun yaradıcıları və prodüserləri - Maykl Dante Dimartino (ing. Michael Dante DiMartino) və Brayan Konietskodur (ing. Bryan Konietzko). Avatar kainatı Asiya mədəniyyəti əsasında yaradılmışdır. Serialda Şərqi və Cənubi Asiya, habelə Qərb mədəniyyətlərinin elementləri istifadə olunur. Bu da adətən ABŞ-da ayrı-ayrı kateqoriyalara aid edilən cizgi filmlərinin sintezini yaradır.

Serial televizorun qabağında 5,6 million adam toplayıb. Avatar Annual Annie Awards, Genesis Awards mükafatlarda nominasiyalarda göstərilşiş və Emmi mükafatı almış. Nickelodeon birinci mövsumun uğurunu görüb, 2-ci və 3-cünü yaratdılar. 2010-cu ildə serialın birinci sezonunun əsasında "Sonuncu hava maqı" adlı film çəkilmişdir. 2012-ci ildə serialın davamı - "Avatar: Korra haqqında əfsanə" cizgi serialının başlaması planlaşdırılır.

Süjet

Katara və Sokka aysberqdə 12 yaşında Aanq adlı oğlan tapırlar. Bu oğlan yüz illik müharibədə Od milləti tərəfindən məhv edilən Hava köçəriləri tayfasından olan hava maqıdır. Aanq aysberqdə yüz il donub qaldığı üçün müharibə haqqında heç nə bilmirdi. Bu onu şoka salır. O öz tayfasının axırıncı nümayəndəsi, axırıncı hava maqı və o cümlədən Avatardır. Avatarın bu dünyada missiyası - balansı saxlamaq və sülh gətirməkdir. Ona görə də hava magiyasını bilən Aanq qalan üç ünsürün idarəetmə sənətini öyrənmək və müharibəyə son qoymaq üçün dünya səyahətinə başlamaq və magiya müəllimləri tapmağa qərar verir.

Serial kitab adlandırılan üç sezondan ibarətdir. Hər bir kitabda Avatar Aanq bir ünsürün idarəetmə sənətini öyrənir. Su və Torpaq kitablarının hər ikisi 20, Od kitabı isə 21 seriyadan ibarətdir.

Dörd millət

Dört millətin xəritəsi. Yuxarıdakı heroqliflərin (群雄四分) mənası: "qəhrəmanlar dördə bölürlər". Dörd millətin heroqlifləri: 水善 (Su Sülhsevər), 土強 (Torpaq Güclü), 火烈 (Od Qəddar) və 气和 (Hava Harmoniya). Aşağıdakı heroqliflərin (天下一匡) mənası: Səmanın altı (tyansya)

Avatar dünyasında yaşayan hər bir millətin bizim dünyada öz prototipi var. Cəmi dörd millət var: Su, Torpaq, Od və Hava.

Su Tayfası

Su tayfası iki yerə bölünür: şimal və cənub qütbünün tayfaları (Onlardan başqa bir bataqlıqda kənarı dünya tərəfdən unudulmuş su magiya sənətini işlədən bir tayfa yaşayır). Su tayfasının görünüşü Sibirin və Kanadanın yerli xalqlarından götürülmüşdür.

Torpaq Krallığı

Avatar kainatında ən böyük əraziyə sahib olan dövlət. Ölkənin görünüşü qədim Çindən yaradılmışdır.

Od Milləti

Od milləti qərb arxipelağında yerləşir. Millətin görünüşü samuraylar dövrünün Yaponiyasından götürülmüşdür. Od Ustadı Sozin torpaqlarını genişləndirmək üçün yüz ilə yaxın davam edən və Od Ölkəsində hakimiyyətdə olan sülalənin dörd nəslinin nümayəndələrinin dövrünə təsadüf edən müharibəni başlatdı.

Hava Köçəriləri

Hava köçəriləri, nəsilləri kəsilməzdən əvvəl 4 əsas məbəddə yaşayırdılar: Cənub Hava Məbədi, Şimal Hava Məbədi, Qərb Hava Məbədi, Şərq Hava Məbədi. Serialda bu məbədlər xarabalıqlar kimi göstərilir. Millətin görünüşü Tibet rahiblərinin görünüşü əsasında yaradılmışdır.

Avatar

Aanq keçmiş təcəssümlərinə baxır (Avatar dövrü)

"Avatar: Aanq haqqında əfsanə" serialında Avatar — insanda dörd ünsürün təcəssümüdür. Avatar öləndə o avatar dəyişmə dövrünə görə növbəti tayfada yenidən doğulur.

Avatar dəyişmə dövrünün ardıcıllığı belədir:

1. Su tayfası
2. Torpaq krallığı
3. Od milləti
4. Hava köçəriləri

Serialda avatar təcəssümü Aanqdır (sonuncu hava maqı).

Avatarın rolu

• Dörd millət arasında balansı saxlamaq. Müharibənin qarşısını almaq.
• Yaşayanların və ruhların dünyaları arasında birləşdirici bənd. O, meditasiya zamanı ruhların dünyasına keçə bilir və orada onlarla danışa, kömək və ya məsləhət istəyə bilir.

Avatar halı

Aanq Avatar halında

Avatar halı - indiki Avatara keçmiş Avatarların bilgiləri və bacarıqları vermək üçün qoruyucu mexanızmdir. Avatardan gələn işıq - bir bədəndə cəmləşmiş onun keçmiş təcəssümlərin enerjisinin əksidir. Avatar ruhunu çağırığdan sonra o daha güclü, lakin daha həssas da olur. Avatar bu halda ölsə, reinkarnasiya dairəsi kəsiləcək və o öz mövcudluğu qurtaracaq

— Avatar Roku (İkinci kitab: Torpaq, birinci seriya, "Avatar Halı")

Avatar halı — Avatarın qısa müddətə xüsusi hala girməsi. Avatar halında onun bütün keçmiş təcəssümlərinin gücü onun içində birləşir. Bu halda Avatar çox güclüdür və o, ünsürləri şüuraltı səviyyədə nəzarətə alır. Həmçinin, Avatar halında o, ruhları bizim dünyaya çağıra və onların gücünü balansı pozmağa çalışanları və ya Avatarın həyatına təhlükə yaradanları məhv etmək üçün istifadə edə bilər.

Avatar halına keçmə hər hansı emosional sarsıntılar — qorxu, qəzəb, kədər zamanı baş verə bilir və bu an idarəolunmaz olur. Bu hala və ona keçməyə nəzarət etmək üçün Avatar bir neçə özünüdərk və özünütəmizləmə mərhələləri keçməlidir. O öz təəssüratları, qorxuları, şübhələri, emosiyaları, ehtirasları, onun içindəki harmoniyaya təsir edə bilən hər şeyi rədd etməlidir. Avatar halı Avatar ideyasının kvintessensiyasıdır, çünki bu zaman Avatarda onun bütün keçmiş təcəssümlərinin bilik və bacarıqları birləşir. Avatar halında Avatarın keçmiş təcəssümləri önə çıxa bilir. Məsələn, Aanq Avatar Roku məbəddə onunla danışarkən Rokuya, Avatar Kioşinin geyimini geyinərək Kioşiyə dönmüşdü.

Avatar halında Avatarın çox güclü olmasına baxmayaraq, eyni zamanda bu hal onun ən böyük zəifliyidir. Əgər o, Avatar halında ölsə, Avatar dövrü bitəcək və daha yeni Avatar olmayacaq. Avatar hər zamankı halında ölsə, Avatar dövrünə görə yeni Avatar doğulacaq. Buna görə də Avatar halına keçmək çox çətindir və bunu edən riski və dünyanın qarşısındakı məsuliyyətini dərk etməlidir.

Avatar kainatının magiyası

"Sozin Kometası: Sonuncu Döyüş" (ing. Sozin's Comet: The Final Battle) seriyanın afişası. Avatar Aanq dörd magiyanı eyni vaxtda istifadə edir

Avatar kainatı magiya, ruhlar və enerji ilə doludur. Hər tayfanın onun özünə aid ünsürünü idarə etmək bacarıqlarına sahib olan xüsusi nümayəndələri var. Onlar həyatları boyunca bu qabiliyyətlərini inkişaf etdirir, gücləndirir, bacarıqlarını təkmilləşdirirlər. Magiyanın dörd əsas növü var: Su, Torpaq, Od və Hava.

Su magiyası

Su Magiyası ruhları təbiətdə tarazlığı simvolizə edən Okean və Ayın qarşılıqlı əlaqəsinin nəticəsidir.

Hər bir canlı məxluqda Çi enerjisi var, Su maqları məhz onu istifadə edirlər. Əfsanələrə görə Su maqları Su magiyasını Aydan, onun qabarma və çəkilmələrə təsirinə baxa-baxa öyrəniblər. Ay Su maqlarının enerjisini çoxaldır. Ona görə Su maqları gecə daha güclüdürlər, tam ay vaxtı isə demək olar ki, məğlubedilməzdirlər. Su magiyasının bir tipi də Qan magiyasıdır. Bu magiya demək olar ki, işlənmir. Serialda bu magiyanı işlədən ancaq iki adam göstərilib və ikisi də onu ancaq tam ay olanda istifadə edə bilirdilər. Bu magiya insan bədəninin əsasən mayedən təşkil olunması və buna görə də Su mqlarının onları marionet kukla kimi idarə etməsinə əsaslanır.

Torpaq magiyası

Torpaq Magiyasının enerjisi məhz yerdən gəldiyinə görə, Torpaq Krallığının əhalisinin çoxu enerjisini daha yaxşı qorumaq üçün ayaqqabı geyinmir. İlk Torpaq maqları torpağı və onun dəyişilməsini idarə edə bilən köstəbəkporsuqlardan öyrənmişdilər. Torpaq magiyasının bir növü Qum magiyasıdır. O əsasən səhralarda istifadə edilir. O biri növü isə Metal magiyasıdır (serialda bu magiyanı işlədən ancaq bir nəfər göstərilmişdir — Tof Bei Fong).

Od magiyası

Od Magiyası nəfəsdən gəlir. Od maqı olmaq istəyən şəxs əvvəlcə düzgün nəfəs almağı öyrənməlidir. Od maqlarının müəllimləri əjdahalar idilər. Od maqları magiya üçün enerjini Günəşdən alırlar. Günəş tutulması olanda güclərini itirirlər. Maraqlı odur ki, Od Ustadı Sozin yüz ildə bir dəfə gələn kometadan enerji alıb müharibəyə başladı.

Hava magiyası

Hava maqları rahiblər idilər. Onlar Hava Magiyasının köməyi ilə uça bilirdilər. Birinci hava maqları uçan bizonlar idilər.

Enerji magiyası

Enerji magiyası: Aanq Sozinın magiyasını alır

Enerji Magiyası ünsürlər magiyaları bölünəndən və Avatardan əvvəl mövcud idi. Onun texnikaları barədə heç nə bilinmir. Aanqa Enerji Magiyasını şirtısbağa öyrətdi. Aanq Enerji Magiyasını Od Lordu Ozaya qarşı istifadə edti və onun magiyasını aldı.

Bu magiyanın səmərəliliyi onu istifadə edən maqın ruhunun gücündən aslıdır. Enerji Magiyası istifadə edən maq onu ruhu daha güclü olan şəxsə qarşı istifadə etsə, o öz magiya praktikasının qurbanı ola bilər.

Yalnız doğurlu ağıl yalan və illüziyaların öhdəsindən gələ bilər. Yalnız doğurlu ürək nifrət zəhərinə dözə bilər. Zamanın əvvəlindən zülmət boşluqda çiçəklənirdi, lakin o həmişə təmiz işığın qarşısında geri çəkilir. Bu işığı gözlə və o gələcək.

— Şirtısbağa (Üçüncü kitab: Od. "Sozin Kometası, 2 hissə: Qədim Müəllimlər")

Ruhların magiyası

Avatar kainatında yalnız Ruhlara aid olan Ruh Magiyası var. Bu magiya həm real dünyada, həm də digər magiyaların heç birinin işləmədiyi ruh dünyasında istifadə edilə bilər. Müxtəlif ruhlar müxtəlif cür magiyadan istifadə edirlər. Məsələn, Hey Bay - Torpaq Krallığında bir meşənin ruhudur və o bu meşəni qoruyur, Kou ruhu isə "üzlərin oğrusu" adlandırılır. Bəzən ruhlar digər magiyaları da istifadə edə bilirlər. Məsələn, Van Şi Tonq (biliklər kitabxanasındakı böyük bayquş) deyir ki, Su Magiyasının bütün növlərini bilir, Tui və La isə (Okeanın və Ayın ruhları) Su Magiyasını yaradıblar, lakin Ruh Magiyası yalnız ruhlara aiddir və insanlar onu istifadə edə bilməz. Avatar real və ruhlar dünyası arasında "körpü" olduğuna görə o da bu magiyadan istifadə edə bilər.

Maraqlı faktlar

• Serialda göstərilən Ruhlar dünyasında bizim dünyada yaşayanlar xeyvanlar var, Real dünyasında isə əsasən hibrit heyvanlar yaşayırlar. Məsələn : ördəkburunlu ayı, ördəktısbağa, şirtısbağa, qılıncdişli sığır. Bizim dünyada yaşayanlar heyvanlar Avatar kainatdakı real dünyada nadirdilər, bəzən yerlərin adlarda olurlar (Buqələmun körfəzi, Kenquru adası), rituallarda (dovşana oxşayan bulud) və s..
• Avatar kainatda istifadə edilən magiya texnikaları bizim dünyadan alınmış. Hava magiyası - Bugacjan, Yer magiyası - Hung Ga, Su magiyası - Tai Çi Çuan, Od magiyası - Şaolin Kunq Fu.
• Ola bilər ki, Ba Sinq Sedəki sirrli polisin adı, Qomindanın kəşfiyyatın başı adamın adından alınıb Day Li.

Xarici keçidlər

• Avatar Vikiyada