Aydın Əlizadə

Vikipediya, açıq ensiklopediya
Keçid et: naviqasiya, axtar
Aydın Əlizadə
Aydın Əliyev
(1989-cu ilə qədər)
Aydin Alizadeh.jpg
Doğum tarixi: 21 oktyabr 1963 (1963-10-21) (51 yaş)
Doğum yeri: Flag of the Soviet Union.svg SSRİ
Flag of Azerbaijan SSR.svg Azərbaycan SSR, Bakı şəhəri
Vətəndaşlıq: Flag of the Soviet Union.svg SSRİFlag of Azerbaijan.svg Azərbaycan
Elm sahəsi: Dinşünaslıq, kulturologiya, fəlsəfə tarixi
İş yeri: AMEA Fəlsəfə və Hüquq İnstitutu
Elmi dərəcəsi: Fəlsəfə üzrə elmlər doktoru
Elmi vəzifəsi: Baş elmi işçi, dosent
Alma mater: Azərbaycan İnşaat Mühəndisləri İnstitutu
Təhsili: Ali
Elmi rəhbəri: Ağayar Şükürov
Tanınır: Dinşünas, fəlsəfə tarixçisi, ədəbi-fəlsəfi esselərin müəllifi
Sayt: Rəsmi saytı

Aydın Arif oğlu Əlizadə — Azərbaycan dinşünası, fəlsəfə tarixçisi, ədəbi-fəlsəfi esselər müəllifi.

Həyatı və elmi fəaliyyəti[redaktə]

21 oktyabr 1963-cü ildə Bakı şəhərində ziyalı ailəsində anadan olmuşdur.

1980-ci ildə Bakıda 189 №-li orta məktəbi bitirmiş, 1988-ci ildə isə Azərbaycan İnşaat Mühəndisləri İnstitutunun məzunu olmuşdur. Sonra istehsalatda işləmiş, 1981 - 1983-cü illərdə hərbi qulluqda olmuşdur.

Fəlsəfə elmləri üzrə fəaliyyəti 1997-2000-ci illərdən başlamışdır. O zaman Azərbaycan Milli Elmlər Akademiyasının Fəlsəfə və Hüquq İnstitutunun dissertantı olmuş, 2001-ci ildə fəlsəfə tarixi üzrə dissertasiyasını müdafiə edərək fəlsəfə elmləri namizədi, 2008-ci ildə isə fəlsəfə elmləri doktoru adını qazanmışdır.

2003-cü ildən Azərbaycan Milli Elmlər Akademiyasının Fəlsəfə və Hüquq İnstitutunda çalışır. Orada kiçik elmi işçidən baş elmi işçi vəzifələrinə qədər yüksəlmişdir. Hazırda bu institutun "Dinşünaslıq və mədəniyyətin fəlsəfəsi problemləri" şöbəsinin müdirinin müavinidir. Dinlərin fəlsəfəsi və tarixi sahələrində tədqiqatlar aparır. Fəlsəfə və Hüquq İnstitutunun nəzdində fəaliyyət göstərən dissertasiya şurasının üzvüdür.

Bir çox beynalxalq elmi konfranslarda məruzələrlə çıxış etmişdir [1]. Keçmiş SSRİ məkanında müəyyən qədər tanınmışdır. Onun kitabməqalələri AzərbaycandaRusiyada dərc edilmiş, onlara başqa müəlliflər tərəfindən çoxlu sayda elmi istinadlar edilmişdir[2]. Dinşünaslıq elminə aid olan kitab və məqalələrinin bir çoxu polemik üslubda yazılmışdır.

Ailəsi[redaktə]

İskəndər Əliyevin, Pəri ƏliyevanınAbutalıb Abdullayevin nəvəsidir.

Xristian-müsəlman disputunda iştirakı[redaktə]

2006-cı ildə Moskvanın Turgenyev adına kitabxanasında keçirilən 2-ci xristian-müsəlman disputuna dəvət edilmişdir. Müsəlman tərəfindən əsas məruzəçi İslamı qəbul etmiş keçmiş keşiş Vyaçeslav Polosin idi, xristian tərəfini isə keşiş Daniil Sısoyev təmsil edirdi. Aydın Əlizadə bu disputda V. Polosinin yardımçısı və məsləhətçisi idi. O zaman bu disput Rusiya mətbuatında geniş işıqlanmışdır [3], onun nəticələri haqqında elmi məqalələr yazılmışdır [4].

Samarada məhkəmə işi[redaktə]

20082009-cu illərdə Aydın Əlizadəyə qarşı Rusiyanın Samara şəhərində məhkəmə işi aparılmışdır. Bu işin səbəbi də 16 mart 2007-ci ildə Samara məscidində onun “Novruz bayramı və İslam qanunları” adlı məqaləsinin yayılması olmuşdur.

Məqalənin yalnız məlumat xarakterli olmasına baxmayaraq, Samara vilayətinin təhlükəsizlik orqanlarının (FSB-nin) nümayəndələri orada milli və dini ayrıseçkiliyin əlamətlərinin olduğunu iddia etmiş və işi məhkəməyə yollamışdırlar.

Məhkəmədə bu işə uzun müddət baxılmış və məsələlərə aydınlıq gətirmək üçün 3 dinşünaslıq ekspertizaları təyin olunmuşdur. Ancaq sonda Aydın Əlizadə bəraət qazanmışdı. Hakimin fikrincə prokuror öz ittihamını əsaslandıra bilməmişdir [5].

Bu məhkəmə işi o zaman Rusiya mətbuatı tərəfindən izlənilirdi [6][7], bu barədə analitik məqalələr yazılmış [8], müsahibələr alınmışdır [9].

Aydın Əlizadənin məhkəmə işindən sonra Rusiyada bir neçə il ərzində bir çox müsəlman yayım evlərinə və internet-saytlarına qarşı məhkəmə işləri açılmış, onların bir çoxu ekstremist elan olunmuş, fəaliyyətləri dayandırılmışdır. Bu məhkəmələr silsiləsində Aydın Əlizadənin işi birinci idi[10].

Ədəbi fəaliyyəti[redaktə]

2010-cu ildən sonra ədəbi fəaliyyətlə məşğul olmuş, bir çox fəlsəfi və ədəbi esselər, eləcə də felyetonlar və kiçik məqalələr yazmışdır. Bəzi əsərləri ironik, sarkastik, epataj, üslublarında yazılmışdır. Epatajdan istifadə edən ilk Azərbaycan yazarlarından biridir.

Müəllimlik fəaliyyəti[redaktə]

20052014-cü illərdə Bakı Musiqi Akademiyasında, Bakı Dövlət Universitetində və Azərbaycan Dövlət Pedaqoji Universitetində, Fərabi adına Qazaxstan Milli Universitetində[11] Fəlsəfə, Dinşünaslıq, Kulturologiya, Din fəlsəfəsi, Dinlərin tarixi, Ekologiya, Sosial antropologiya, Əməyin sosiologiyası fənləri üzrə mühazirələr oxumuşdur. 2008-ci ildə dosent adını almışdır.

Kitabları[redaktə]

Məqalələri[redaktə]

Polemikaları[redaktə]

Tərcümələr[redaktə]

Elmi əsərlərinə başqa müəlliflərin istinadları[redaktə]

Tənqid[redaktə]

Ədəbi-fəlsəfi əsərləri[redaktə]

Azərbaycan dilində

Rus dilində

Müsahibələr, brifinqlər, dəyirmi masalar[redaktə]

Videofayllar[redaktə]

İstinadlar[redaktə]

Xarici keçidlər[redaktə]

VikiAnbarda Aydın Əlizadə ilə əlaqəli mediafayllar var.