Azərbaycan Kooperasiya Universiteti

Vikipediya, açıq ensiklopediya
Keçid et: naviqasiya, axtar

Azərbaycan Kooperasiya Universiteti

Azərbaycan Kooperasiya Universiteti (loqo).jpg
Yaranma tarixi 9 yanvar, 1992
Şəhər Bakı
Ölkə Azərbaycan
Ünvan Azərbaycan, Bakı
Vebsayt aku.edu.az

Azərbaycan Kooperasiya UniversitetiAzərbaycanın ali təhsil mərkəzlərindən biri.

Azərbaycan Kooperasiya İnstitutu müstəqil dövlət ali təhsil müəssisəsi kimi Azərbaycan Respublikası Nazirlər Kabinetinin 9 yanvar 1992-ci il tarixli 8 saylı qərarı ilə Moskva Kooperativ İnstitutu Bakı filialının bazası əsasında yaradılmışdı. Azərbaycan Kooperasiya İnstitutu respublikada yeganə dövlət ali təhsil müəssisəsi idi ki, dövlət büdcəsindən deyil, təsisçisi olan Azərbaycan Mərkəzi Kooperativlər İttifaqı-Azərittifaq tərəfindən maliyyələşdirilirdi.[Mənbə göstərin]

2000-ci ildə ali məktəbin adı Azərbaycan Kooperasiya Universiteti adlandırıldı.

Əgər ali məktəb əvvələr əsasən kooperasiya sistemi üçün kadrlar hazırlayırdısa, hazırda respublika iqtisadiyyatının bir çox digər sahələri üçün də genişprofilli, yüksəkixtisaslı mütəxəssislər yetişdirir.

Universitetdə mütəxəssis hazırlığı ilə 400 nəfərdən ibarət professor-müəllim hey’əti məşğul olur. Onlardan 6 nəfəri professor, 160 nəfəri elmlər namizədi, dosent və 32 nəfəri baş müəllim və assistentdir.

Fakültələr[redaktə]

İqtisadiyyat fakültəsi

Maliyyə fakültəsi

Dünya İqtisadiyyatı və Kommersiya fakültəsi

İdarəetmə fakültəsi

Ekspertiza və Texnologiya fakültəsi

Marketinq və Menecment fakültəsi

Mühasibat uçotu və Sənayenin təşkili fakültəsi

Pedeqoji fakültə

İxtisaslar[redaktə]

Beynəlxalq iqtisadi münasibətlər
Mühasibat uçotu və audit
Maliyyə və kredit
Dövlət və bələdiyyə idarəetməsi
Marketinq
Ticarət və istehlak kooperasiyasının iqtisadiyyatı və idarə edilməsi
Gömrük işinin təşkili
Qida sənayesi və iaşə sistemində bədii layihələndirmə və tərtibat
Toxuculuq və yüngül sənaye mallarının bədii layihələndirilməsi
İstehlak mallarının keyfiyyət ekspertizası
Ərzaq məhsullarının əmtəəşünaslığı
Kommersiya
Beynəlxalq ticarət

Müasir texniki və əyani vəsaitlərlə təchiz edilmiş 20-dən çox tədris laboratoriya və kabinəsi, 25 min kitab fonduna malik kitabxana və oxu zalı, tibb məntəqəsi, 2 ixtisaslaşdırılmış tədris komputer texnologiyası laboratoriyası, yeməkxana və s. tələbələrə xidmət edir.

Universitet Türkiyənin Yeddi Eylül, İnönü, Qaziəntəp, Ege, Elazik universitetləri, ABŞ-ın Hyuston Universiteti, Rusiya Dövlət Məişət və Xidmət Sferası Akademiyası, MDB ölkələrinin kooperasiya ali məktəbləri, habelə İstehlak Kooperasiyasının Beynəlxalq Şurası ilə (mərkəzləri İsveçrə və Rusiyadadır) elmi-pedaqoji sahədə əməkdaşlıq edir.

Məzunlara azad təyinat verilir. Hazırda ali məktəbdə əyani və qiyabi təhsil üzrə Azərbaycan və rus bölmələrində 1200-dən çox tələbə təhsil alır və bütün ixtisasları üzrə magistratura fəaliyyət göstərir. Təhsil dövlət hesabına və ödənişlidir.

Kooperasiya Universiteti dövlət ali məktəbləri içərisində təhsil xərci ən az olan ali məktəblərdəndir. Universitet bazar iqtisadiyyatının tələblərinə cavab verən, sahibkarların daha çox maraq göstərdiyi ixtisaslar üzrə kadrlar - iqtisadçı-marketoloqlar, menecerlər, mühasiblər, idarəetmə kadrları, ekspert-texnoloqlar, gömrük, maliyyə, bank və beynəlxalq ticarət üzrə mütəxəssislər hazırlayır.

1998-ci ildə keyfiyyət və xidmət sahəsində qazandığı xidmətlərə görə ali məktəb ABŞ-nın Beynəlxalq Marketinq İnstitutunun “Qran-pri” mükafatına layiq görülmüşdü.


Universisitet Haqqında - Azərbaycan Kooperasiya Universiteti ali təhsilin bütün səviyyələri üzrə geniş profilli mütəxəssislər hazırlığını, əlavə təhsil proqramlarını həyata keçirən, fundamental və tətbiqi elmi tədqiqatları aparan çoxprofilli aparıcı ali təhsil müəssisəsidir. Azərbaycan Kooperasiya Universitetinin əsası 1964-cü ildə qoyulmuşdur. Azərbaycan hökümətinin müraciətinə əsasən keçmiş SSRİ Mərkəzi İstehlak Cəmiyyətləri İttifaqı (Sentrosoyuz) İdarə Heyətinin 8 yanvar 1964-cü il tarixli qərarı ilə Moskva Kooperativ İnstitunun (MKİ) Bakı Tədris-Məsləhət Məntəqəsi yaradılaraq "Ticarətin iqtisadiyyatı və "Əmtəəşünaslıq" ixtisasları üzrə tələbə qəbulu aparılmışdır. Bakı Tədris-Məsləhət Məntəqəsi Sentrosoyuzun İdarə Heyətinin müvafiq qərarları ilə 1969-cu ildə MKİ-nun Bakı Qiyabi İqtisad fakültəsinə, 1974-cü ildə MKİ-nun Bakı filialına çevrilmişdir. 1975-ci ildə Sentrosoyuzun qərarı ilə filial MKİ-nun tərkibindən çıxarılaraq Ukraynanın Poltava Kooperativ İnstitunun tərkibinə verilmiş, 1990-cı ildə yenidən MKİ-nun tabeliyinə keçiirlmişdir. Bu illərdə filialda 5 ixtisas üzrə, o cümlədən respublikada ilk dəfə "Kənd təsərrüfatı məhsulları tədarükünün iqtisadiyyatı və təşkili" ixtisası üzrə ali təhsilli mütəxəssis hazırlığı aparılmışdır. Respublikamız müstəqillik əldə etdikdən sonra Azərbaycan Respublikası Nazirlər Kabinetinin 9 yanvar 1992-ci il tarixli 8 saylı qərarı ilə Moskva Kooperativ İnstitunun (MKİ) Bakı filialı Azərittifaqın mülkiyyətinə verilmiş, Azərittifaq İdarə Heyətinin 19 mart 1993-cü il tarixli 31 saylı qərarı ilə həmin filialın bazasında müstəqil Azərbaycan Kooperasiya İnstitutu yaradılmış və Nizamnaməsi təsdiq edilmişdir. İnstitut yaradılarkən onun tərkibində 2 fakültə, 6 kafedra fəaliyyət göstərirdi. Azərbaycan Respublikası Təhsil Nazirliyinin müvafiq əmri ilə 1997-ci ildən başlayaraq magistr hazırlığı həyata keçirilir. Azərbaycan Respublikasının Preizdenti, xalqımızın Ümummilli lideri Heydər Əliyevın 30 avqust 2000-ci il tarixli 391 saylı fərmanı ilə verilmiş tapşırığa müvafiq olaraq Azərittifaqın və Respublika Təhsil Nazirliyinin təklifinə əsasən Azərbaycan Respublikası Nazirlər Kabinetinin razılığı ilə institutun profili genişləndirilərək 3 may 2011-ci ildə onun bazasında Azərbaycan Kooperasiya Universiteti yaradılmış, onun Nizamnaməsi 8 may 2002-ci ildə Ədliyyə Nazirliyi tərəfindən qeydiyyata alınaraq Dövlət qeydiyyatı haqqında Şəhadətnamə verilmişdi. Universitetin 7 fakültəsində tələbələr 19 ixtisas üzrə azərbaycan və rus dillərində əyani və qiyabi formada təhsil alırlar. Universitetdə 25 kafedra, 50-dən artıq laboratoriya və fənn kabinetləri, 4 komputer laboratoriyası, 23min nüsxədən artıq kitab fonduna malik olan kitabxana və oxu zalı, mətbəə, tibb məntəqəsi, idman zalı, iaşə müəssisəsi, kooperasiya muzeyi fəaliyyət göstərir.Təhsil alan tələbələrin yüksək ixtisaslı mütəxəssis kimi hazırlanmasında 12 nəfər professor, 99 nəfər dosent və elmlər namizədi (fəlsəfə doktoru), 104 nəfər, baş müəllim və assistent çalışır. Tədrisin və dərsdənkənar hazırlığın təşkili 86 nəfərdən ibarət köməkçi heyət tərəfindən həyata keçirilir. Azərbaycan Kooperasiay Universiteti MDB üzvü olan ölkələrin kooperativ ali təhsil müəssisələri, eləcə də ABŞ, AFR, Türkiyə, Baltikyanı ölkələrin ali məktəbləri ilə sıx əməkdaşlıq edir. Təhsil sahəsində əldə etdiyi nailiyyətlərə görə bu təhsil müəssisəsi 1998-ci ildə ABŞ-nın Beynalxalq Marketinq İnstitutunun "Qran-pri" mükafatına layiq görülmüşdür. 2009-cu ildə "Təhsil haqqında" Azərbaycan Respublikasının Qanunu qəbul olunduqdan sonra 21 yanvar 2011-ci il tarixdə Respublikası Nazirlər Kabineti tərəfindən "Ali təhsil müəssisəsinin Nümunəvi Nizamnaməsi"nin təsdiq olunması ilə əlaqədar olaraq Azərbaycan Kooperasiya Universitetinin yeni Nizamnaməsi qəbul edilərərk 7 dekabr 2011-ci il tarixdə Azərbaycan Respublikasının Ədliyyə Nazirliyində Dövlət qeydiyyatına alınmışdır.