Azərbaycan Milli Paralimpiya Komitəsi

Paralimpiya oyunlarının emblemi

Paralimpiyaçı

Azərbaycan Milli Paralimpiya Komitəsi — Azərbaycanda əlil idmançıların olimpiya idman təşkilatı, Beynəlxalq Paralimpiya Komitəsinin üzvü.

Tarixi

Azərbaycan Respublikası Milli Paralimpiya Komitəsi 1996-cı ilin fevralında yaranmışdır. İlk dəfə azərbaycanlı paralimpiyaçılar X Yay Paralimpiya Oyunlarında iştirak etmişlər. 2000-ci ildə Azərbaycan Prezidenti Heydər Əliyev dünya standartlarına uyğun təlim-məşq bazasının tikilməsinə sərəncam vermişdir. 2000-ci və 2004-cü il XI və XII Yay Paralimpiya oyunları Azərbaycan idmançıları üçün uğurla başa çatmışdır. Ən böyük uğur isə 2008-ci ildə, XIII Yay Paralimpiya Oyunlarında qazanılmışdır. Azərbaycan idmançıları ölkəyə 10 medal ilə geri dönmüşlər. XIII Yay Paralimpiya Oyunlarında fərqlənmiş paralimpiyaçılar və onların məşqçiləri müxtəlif mükafatlar və qiymətli həddiyələrlə mükafatlandırılmışlar.

Azərbaycan Respublikası Milli Paralimpiya Komitəsi yarandığı gündən Gənclər və İdman Nazirliyinin, Əmək və Əhalinin Sosial Müdafiyəsi Nazirliyinin, müxtəlif federasiya və idman cəmiyətləri ilə bərabər Azərbaycanda əlil idmanının inkişafında birgə fəaliyyət göstərir.Hal-hazırda komitə 2012-ci il Londonda keçiriləcək XIV Yay Paralimpiya Oyunlarına ciddi hazırlıq işi aparır.

Strukturu

• Rəhimov İlqar Elxan oğlu — Azərbaycan Milli Paralimpiya Komitəsinin Prezidenti.
• Süleymanov Afiq Məmməd oğlu — Azərbaycan Milli Paralimpiya Komitəsinin Baş Katibi.
• Kərimov Ziyadxan Əhmədxan oğlu — Azərbaycan Milli Paralimpiya Komitəsinin vitse-prezidenti.

Oloxan Musayev

Azərbaycanın iştirak etdiyi idman növləri

• Cüdo
• Atletika
• Güllə atıcılığı
• Pauerlifting
• Kamandan ox atma
• Üzgüçülük
• Voleybol
• Qolbol

2010 cu ilin yarışların yekunu barədə

Paralimpiyaçı idmançılarımız əvvəlki illərdən fərqli olaraq 8 idman növü üzrə müxtəlif səviyyəli beynəlxalq yarışlarda iştirak etmişlər: Cüdo, Atletika, Pauerliftinq, oturacaq Voleybol, Qolbol, Üzgüçülük, Güllə atıcılığı və Kamandan oxatma. 1 il ərzində yüksək səviyyədə idman nailiyyətləri göstərən paralimpiyaçılar 36 medal qazanmışlar. Bunlardan 16 qızıl, 9 gümüş, 11 bürünc medaldir. Yuxarida göstərilən medallardan 2 qızıl, 3 gümüş və 2 bürünc medal yalnız dünya çempionatlarında, qalanlar isə avropa çempionatlarında və "A" kateqoriyalı beynəlxalq turnirlərdə qazanılmışdır.

Əlamətdar hal kimi qeyd etmək vacibdir ki, ötən ildə idmançılarımızın şəxsi göstəriciləri xeyli yüksəlmişdir, belə ki gənc atlet Elçin Muradov 100 metr məsafəyə qaçmaqda dünya rekorduna imza atmişdir(10.66s)

Dünya reytinqində idmançılarımızdan güllə atıcılığı idmanının 10 metrik məsafəyə pnevmatik tapançadan atəş açmağda birinci yerin sahibi 3 Paralimpiya Oyunlarının iştirakçısı, Sidney Paralimpiya Oyunlarının gümüş, Afina Paralimpiya Oyunlarının bürünc mükafatçısı Yelena Taranovadır.

Habelə atletikanın nüvə itələmə növündə Pekin Paralimpiya Oyunlarının qalibi və rekordçusu Oloxan Musayev , 100 metrlik məsafəyə qaçmaqda "A" kateqoriyalı beynəlxalq turnirin qalibi Elçin Muradov dünya reytinqində birinci, uzununa tullanma idmanı ilə Afina Paralimpiya Oyunların qalibi, Pekin Paralimpiya Oyunlarının bürünc medalçısı Oleq Panyutin və Pekin Paralimpiya Oyunlarının bürünc mükafatçısı Rza Osmanov ikinci, gənc atlet Hüseyin Həsənov dördüncü yerləri bölüşdürürlər. Fəal inkişaf mərhələsi keçən ümidverici idman növü kimi Qolbol və oturacaq voleybol idmanların xüsusi qeyd etmək lazımdir.

2010-cu ilin idman nəticələri idmançılarımızın 2011-ci ildə daha da yüksək nəticələrə nail olmalarından xəbər verir. Həmin il, həm də 2012-ci il London Paralimpiya Oyunlarına hazırlığ baxımından həlledici il olduğu üçün Komitənin rəhbərliyi, məşqçi müəllim heyyəti, xüsusən də idmançılar daha ciddi masələlərin həllini qarşılarında məqsəd qoymuşdular. Eyni zamanda, 2011-ci ilin əvvəlindən etibarən iki yeni , Atçılıq və badminton idman növlərinin inkişaf etdirilməsinə start verilmişdir. Artiq bu idman növləri üzrə həm məşqçi müəllimlər, həm də idmançilar təyin olunmuşlar.

2011 cu ilin yarışların yekunu barədə

2011 ci il Azərbaycan Respublikası Milli Paralimpiya komitəsi idmançıları üçün uğurlu olmuşdur. Belə ki, Paralimpiyaçılar 2011 il ərzində 8 idman növü üzrə dünya, avropa çempionatlarında, dünya oyunları, dünya kuboku və "A" kateqoriyalı rəsmi yarışlarda mübarizəyə qoşulmuş və yüksək idman nailiyyətləri göstərmişlər. İdmançılar 52 medal qazanmış və ötən ilə nisbətdə 16 medal artıq əldə edərək bu ili başa vurmuşlar.

(2010 cu il 36 medal, 2011 ci il 52 medal). 52 medaldan 6-sı dünya çempionatlarında, 4-ü avropa çempionatlarında, 42-si isə XIV London Yay Paralimpiya Oyunlarına lisenziya xalı verən Dünya Oyunları, Dünya Kuboku və "A" kateqoriyalı rəsmi yarışlarda qazanılmışdır.

2011 ci ilin nəticələri əsasında 2012 ci il XIV London Yay Paralimpiya Oyunlarına qazanılan lisenziyaların sayı 20- dir. Lakin bu say son deyil. Belə ki, idmançılarımız 2012 ci ilin 4 ayı ərzində bir neçə lisenziya xalı verən rəsmi yarışda iştirak edərək lisenziyalar qazana bilərlər.

2011 ci il həmdə onunla əlamətdardır ki, yeni 5- ci idman növündə - "kamandan oxatma" da Zinyət Vəliyeva London Paralimpiya Oyunlarına lisenziya qazanmışdır. Bu il titullu idmançılarla bərabər qənc idmançılar cüdoçu Bayram Mustafayev 66 kg çəki dərəcəsində, Hüseyn Həsənov atletikanın uzununa tullanma növündə və Samir Nəbiyev atletikanın disk atma növündə lisenziya normativini doldurmuşlar

Hazırda milli komanda üzvləri yarışlara hazırlıqla əlaqədar məşqlərin davam etdirirlər. Komitənin məsul işçiləri yeni 2012 ci ilə təqvim plannarının tərtibatı üzərində işləyir, idmançıların XIV London Yay Paralimpiya oyunlarına hazırlığı ilə əlaqədar münasib yarışlar və təlim məşq toplantılarının keçirilmə yerlərini müəyyən edirlər. 2012 ci ildə nəzərdə tutulan yarışlar, milli komandaların üzvləri üçün idman hazırlıqlarının qorunub saxlanılmasına və yeni lisenziyaların alınması üçün vacibdir. AMPK- nın rəhbərliyi Paralimpiyaçı idmançıların 2012 ci il XIV London Yay Paralimpiya Oyunlarında daha yaxşı hazırlaşmaları üçün həm mənəvi həm də maddi köməkliklərini əsirgəmir. Ənənəyə uyğun olaraq 1996 cı ildən dinamik inkişaf yolu keçən Paralimpiya idmanı geridə qalan Paralimpiya Oyunlarında qazanılan uğurlu nəticələri yaxşılaşdıracaq, medalların sayını həm əyyarına, həm də sayına görə artırılmasına nail olacaqlar.