Antiinhisar Siyasəti və İstehlakçıların Hüquqlarının Müdafiəsi Dövlət Xidməti

Vikipediya, açıq ensiklopediya
Keçid et: naviqasiya, axtar
Antiinhisar Siyasəti və İstehlakçıların Hüquqlarının
Müdafiəsi Dövlət Xidməti
Azərbaycan Respublikasının
İqtisadi İnkişaf Nazirliyi yanında
Antiinhisar Siyasəti və İstehlakçıların Hüquqlarının
Müdafiəsi Dövlət Xidməti
Emblem of Azerbaijan.svg
Ölkə: Flag of Azerbaijan.svg Azərbaycan
Yaradılıb: 25 dekabr 2009
Tabeçilik: Azərbaycan Respublikası İqtisadi İnkişaf Nazirliyi
Ünvan: İndeks: AZ1011 Bakı şəhəri, Yasamal rayonu, Həsən bəy Zərdabi prospekti, 88 A
Rəhbərlik
Rəhbər: Zahid İsa oğlu İsayev (rəis)
Müavin: İlqar Hacıbala oğlu Sadıqov
(rəis müavini)
Vidadi Mahiyəddin oğlu Quliyev
(rəis müavini)
Araz Ənvər oğlu Əliyev
(rəis müavini)
Sayt
[http://www.consumer.gov.az

Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti

1.1. Azərbaycan Respublikasının İqtisadi İnkişaf Nazirliyi yanında Antiinhisar Dövlət Xidməti ' (bundan sonra — Dövlət Xidməti) ' kommersiya və qeyri-kommersiya təşkilatları, mərkəzi, yerli icra hakimiyyəti və digər dövlət orqanları, habelə yerli özünüidarəetmə orqanları tərəfindən antiinhisar, o cümlədən rəqabət, təbii inhisarlar və reklam haqqında qanunvericiliyə riayət edilməsi üzərində dövlət nəzarətini, inhisarçılıq fəaliyyətinin və haqsız rəqabətin qarşısının alınması, məhdudlaşdırılması və aradan qaldırılması, əmtəə və xidmət (o cümlədən, maliyyə xidmətləri) bazarlarında rəqabətin qorunması, bu sahələrdə qanun pozuntularının aradan qaldırılması üçün qanunvericiliklə müəyyən edilmiş tədbirlərin həyata keçirilməsini təmin edən icra hakimiyyəti orqanıdır. [1]

Fərmanı[redaktə]

Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin fəaliyyətinin təmin edilməsi haqqında Azərbaycan Respublikası Prezidentinin Fərmanı

Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin fəaliyyətini təmin etmək məqsədi ilə qərara alıram:

  • 1. «Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti haqqında Əsasnamə» təsdiq edilsin (əlavə olunur).
  • 2. Azərbaycan Respublikasının Nazirlər Kabinetinə tapşırılsın ki:
  1. 2.1. iki ay müddətində qüvvədə olan qanunvericilik aktlarının bu Fərmana uyğunlaşdırılması barədə təkliflərini hazırlayıb Azərbaycan Respublikasının Prezidentinə təqdim etsin;
  • 2.2. iki ay müddətində Azərbaycan Respublikası Nazirlər Kabinetinin və müvafiq mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını təmin etsin və bu barədə Azərbaycan Respublikasının Prezidentinə məlumat versin;
  • 2.3. üç ay müddətində Azərbaycan Respublikasının İqtisadi İnkişaf Nazirliyi ilə birlikdə istehlakçıların hüquqlarının müdafiəsini və ticarət, ictimai iaşə, məişət və digər növ xidmət qaydalarını tənzimləyən qanunvericiliyin təkmilləşdirilməsi haqqında təkliflərini hazırlayıb Azərbaycan Respublikasının Prezidentinə təqdim etsin.
  • 3. Mərkəzi və yerli icra hakimiyyəti orqanlarına tapşırılsın ki, istehlakçıların hüquqlarının müdafiəsi sahəsində səlahiyyətləri daxilində gördükləri işlər, həyata keçirdikləri yoxlama, monitorinq və digər nəzarət tədbirləri haqqında məlumatları ildə bir dəfə — hesabat dövrü başa çatdıqdan sonra növbəti ilin yanvar ayının 31-dək Azərbaycan Respublikasının İqtisadi İnkişaf Nazirliyinə təqdim etsinlər.
  • 4. Azərbaycan Respublikasının İqtisadi İnkişaf Nazirliyi bu Fərmanın 3-cü bəndinə uyğun olaraq mərkəzi və yerli icra hakimiyyəti orqanları tərəfindən təqdim olunan məlumatları ümumiləşdirib ölkədə istehlakçıların hüquqlarının müdafiəsi vəziyyəti haqqında hesabatı ildə bir dəfə — hesabat dövrü başa çatdıqdan sonra növbəti ilin mart ayının 31-dək Azərbaycan Respublikasının Prezidentinə təqdim etsin.
  • 5. Azərbaycan Respublikasının Nazirlər Kabineti və Azərbaycan Respublikasının İqtisadi İnkişaf Nazirliyi bu Fərmandan irəli gələn digər məsələləri həll etsinlər.
  • 6. “Azərbaycan Respublikası İqtisadi İnkişaf Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2006-cı il 28 dekabr tarixli, 504 nömrəli Fərmanının (Azərbaycan Respublikasının Qanunvericilik Toplusu, 2006-cı il, № 12, maddə 1051; 2008-ci il, № 4, maddə 255, № 11, maddə 970, № 12, maddə 1065) 1-ci, 5-ci və 6-cı bəndləri qüvvədən düşmüş hesab edilsin.

Azərbaycan Respublikasının Prezidenti İlham ƏLİYEV Bakı şəhəri, 25 dekabr 2009-cu il № 203 “Azərbaycan” qəzetində dərc edilmişdir (27 dekabr 2009-cu il, № 289) [2]

Həmçinin bax[redaktə]

İstinadlar[redaktə]

  1. [ http://www.ier.az/upload/file/qanunvericilik/fermanlar/1.doc
    Azərbaycan Respublikasının İqtisadi İnkişaf Nazirliyi Yanında Antiinhisar Dövlət Xidməti haqqında Əsasnamə I Ümumi müddəalar 1.1]
  2. Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin fəaliyyətinin təmin edilməsi haqqında Azərbaycan Respublikası Prezidentinin Fərmanı