Azərbaycan muğamı kosmosda
ABŞ Milli Kosmik Agentliyi (NASA) Azərbaycanın milli sərvəti olan muğam musiqi nümunəsini 1977-ci ildə peyklə kosmosa göndərib.
"Voyager" adlanan peykin kosmosa yollanması simvolik xarakter daşıyıb. 1970-ci illərin ortalarında NASA Günəş sistemindən kənarda intellektin olmasını ehtimal edərək, oraya Dünyanın sakinləri, mədəniyyəti haqqında məlumat göndərmək qərarına gəlir. Dünyadan kənar canlılara yollanacaq məlumatın məzmununu müəyyən etmək hüququ tanımış astronom Karl Saqana (Carl Sagan) həvalə olunur. İngilis, rus, türk və digər 52 xalqın dilində yazılmış "Salam" ifadəsi ilə yanaşı, professor 27 ölkənin musiqi əsərini seçir.
Karl Saqan dünya şöhrətli Bax və Motsartın əsərlərini, habelə balabanda ifadə olunan Azərbaycan muğam parçasını da peykin məlumat bazasına əlavə edir. Ən son məlumata görə, "Voyager" peykinin daşıdığı muğam incisi 2008-ci ildə Günəş sistemini tərk edib.
