Azərbaycanca Vikipediya
Azərbaycanca Vikipediya (azərb. آزربایجانجا ویکیپئدییا) — Vikipediyanın Azərbaycan dilində olan bölməsidir. 29 may 2012 — Azərbaycan dilində olan Wikipediyada 86.632 məqalə var.
Mündəricat |
[redaktə] Azərbaycanca Vikipediya
2004-cü ilin yanvarından az.wikipedia.org ünvanında Azərbaycan dilində Vikipediya fəaliyyətə başlamışdır. Buna Azərbaycanın açıq on-line ensiklopediyası kimi də baxmaq olar. Azərbaycan Vikipediyasındakı məqalələrin sayı dayanmadan artmaqdadır. Bununla belə qeyd etmək lazımdır ki, hazırda saytda çoxlu qrammatik və sintaktik səhvlərə, qaralama halında olan məqalələrə rast gəlmək mümkündür. Bu problemi də biz yalnız birlikdə həll edə bilərik.
Bu yaxınlarda Azərbaycan Vikipediyasında "Son dəyişikliklər" bölümündə "İrəvan" və "Ermənistan" sözlərinin yaradıldığı diqqətimi cəlb etdi. Bu dəyişikliklər qeydiyyatdan keçmiş üzv tərəfindən deyil, naməlum şəxs tərəfindən edilmişdi. Məqalələr neytral görünməyə çalışsa da erməni mənşəli olduğu aşkardır. Müəllifin İP addresinin (195.250.64.76) ermənistana mənsub olduğu məndə qalan şübhələri də yox etdi. Bəli, ermənilər bizim ensiklopediyamıza azərbaycan və onun tarixi haqda saxta məlumat daxil edərək növbəti dəfə dezinformasiya yaradırlar. Görünür Azərbaycanda yaxşı təhsil aldıqlarından ermənilər bu məqalələri səlis və düzgün Azərbaycan dilində yazırlar. Hər bir səhifə üzərində edilən bütün dəyişikliklər "Səhifə keçmişi" bölümündə qeyd edilir. Bu imkandan istifadə edib yuxarıdakı faktın təsdiqini tapa bilərsiniz.
[redaktə] Mən necə yardım edə bilərəm?
Zəngin Azərbaycanımızın şəhər və rayonları, şair və yazıçıları, mətbəxi, geyimləri və s. haqda dürüst məlumatlarınız varsa, maksimum neytrallığı və obyektivliyi qoruyaraq onları Azərbaycan Vikipediyasına əlavə edin! Bunun üçün sadəcə qeydiyyatdan keçmək kifayətdir.
Lakin bununla kifayətlənməmək lazımdır. Vikipediya bugün dünyada güvənilən və çox populyar informasiya mənbəyi kimi tanınır. Artıq 2005-ci ildə araşdırmalar göstərdi ki, bu açıq ensiklopediya təxminən Britannika Ensiklopediyası qədər dəqiqdir.[1] Tələbələr, jurnalistlər və digər araşdırmaçılar internetdə məlumat axtarışında məhz bu resursa üstünlük verirlər. Bunun üçün bizim Azərbaycan dilindəki Vikipediyanı qurmaqla yanaşı, inglis, fransız, rus, alman, ispan və digər dillərdə olan Vikipediyalara da əlavələr etməmiz, Azərbaycan və onun ayrılmaz hissəsi olan Qarabağ haqda həqiqətlərin dünyaya çatdırılması yolunda vacib addımlardandır.
[redaktə] Vikipediyaçıların görüşü
[redaktə] İlk görüş
2009-cu il dekabrın 6-sı, saat 16 00-da Bakı şəhərində Azərbaycan Vikipediyası istifadəçilərinin ilk görüşü keçirilmişdir. Görüş Qafqaz Media Tədqiqatları Mərkəzinin İçəri şəhərdə yerləşən ofisində, Kiçik Qala 128/5 ünvanında (Qoşa Qala qapılarının düz arxasında) baş tutmuşdur. Görüşdə Vikipediyamızın 4 fəal istifadəçisi və bir proqram mütəxəssisi iştirak etmişdir. Əsasən vikipediyaçılarımız arasında dostluq və tanışlıq münasibətləri yaradılması məqsədilə təşkil edilən tədbirdə bir sıra digər məsələlər - o cümlədən AzVikinin texniki problemlərinin həlli, gələcək inkişaf perspektivləri müzakirə edilmişdir. Nəticədə yaxın zamanlarda mövcud bot probleminin, məqalələrin vikifikasiyasının həlli ilə bağlı əməli addımların atılması qərara alınmışdır. Bundan başqa 2010-cu ilin mart-aprel aylarında Bakı şəhərində AzViki istifadəçilərinin daha geniş tərkibdə və mətbuatın iştirakı ilə tədbirinin keçirilməsi də planlaşdırılmışdır. Görüşdə eləcə də fəal vikiçilərin klubunun yaradılması təklifi səsləndirilmiş və bəyənilmişdir. 2010-cu ilin yazına qədər bu klubun təşkili ilə bağlı Vikipediyada müzakirələrin aparılması və qərar qəbul edilməsi nəzərdə tutulmuşdur[2].
[redaktə] Fövqəladə toplantı
Son vaxtlar xüsusilə istifadəçilər arasında yaranmış problemləri həll etmək məqsədi ilə bürokrat Sortilegusun təklifi və təşkilatçılığı ilə 23 oktyabr 2010-cu ildə saat 18 00-da Elmlər Akademiyası metrosunun çıxışı ilə üzbəüz səkidə vikipediyaçıların fövqəladə toplantısı keçirilmişdir. Toplantı daha sonra yaxınlıqdakı qapalı məkanların birində davam etmişdir. Üç saat ərzində problemlər həllini tapmış və Vikipediyanın Azərbaycan dilində olan bölməsinin inkişafı məqsədi ilə mühüm qərarlar qəbul edilmişdir. Tədbirdə 5-i idarəçi olmaqla, ümumilikdə 9 istifadəçi iştirak etmişdir.
[redaktə] Loqo
-
rəsmi loqo
-
Vikipediyanın 10 illiyi
-
50 000 məqalə
-
Ərəb əlifbasında 10 000 məqalə (qeyri-rəsmi)
[redaktə] İstinadlar
- ↑ Wikipedia as accurate as Britannica By Daniel Terdiman Staff Writer, CNET News
- ↑ Vikipedi kullanıcıları Bakü'de toplandı
[redaktə] Xarici keçidlər
[redaktə] Həmçinin bax
|
|
|
|---|---|
| 150 000+ | Türkcə (Türkçe) |
| 50 000+ | Azərbaycanca (Azərbaycanca) • Qazaxca (Қазақша) |
| 10 000+ | Çuvaşca (Чӑваш) • Tatarca (Татарча) |
| 5 000+ | Özbəkcə (O'zbek) • Yakutca (Саха) |
| 1 000+ | Türkməncə (Türkmençe) • Uyğurca (ئۇغۇرچه) • Qaraçay-balkar (Къарачай-Малкъар) • Qırğızca (Кыргызча) • Krımtatarca (Qırımtatarca) • Başqırdca (Башҡорт) |
| 500+ | Qaqauz (Gagauzca) • Qaraqalpaqca (Qaraqalpaq) |
