Azərbaycanda ilin futbolçusu

Vikipediya, açıq ensiklopediya
Keçid et: naviqasiya, axtar
Rəşad Sadıqov dörd dəfə "Azərbaycanda ilin futbolçusu" seçilib.

Azərbaycanda ilin futbolçusu, Azərbaycan futbolunda ən yaxşı azərbaycanlı futbolçuya verilən mükafat.

Sorğunun tarixçəsi[redaktə]

"Azərbaycanda ilin ən yaxşı futbolçusu" sorğusunun keçirilməsiylə bağlı ənənənin əsası 1991-ci ildə qoyulub. "Futbol+"ə qədər üç dəfə "İdman", iki dəfə "Futbol dünyası", bir dəfə "Futbol-Ekspress", daha bir dəfə də "AFFA-Nyus" nəşri bu missiyanı üzərinə götürmüşdü. Ancaq göründüyü kimi, bu sahədə yeknəsəqliyin olması, sorğunun hər dəfə bir qəzet tərəfindən keçirilməsi, üstəlik, 1995-ci ildə heç kimin futbol ictimaiyyətinin fikrini öyrənməyə ehtiyac duymaması üzücü fakt kimi vurğulanmalıdı. 1999-cu ildən sorğunun ənənəvi hal alması üçün əlindən gələni edən "Futbol+" hətta futbolsuz qaldığımız illərdə belə "ən yaxşı"nı müəyyənləşdirməkdən bezməyib. Onu da əlavə edək ki, Samir Ələkbərov 19911992-ci illərdə "Futbol dünası"nın, 1993-də isə "Futbol-Ekspress"in sorğusuna əsasən birinci olub. Yunis Hüseynovu isə 19941998-ci illərdə "İdman" "yaxşıların yaxşısı" kimi təqdim edib. Bundan başqa, 1996-cı ildə "AFFA-Nyus"un, növbəti il isə "İdman"ın keçirdiyi sorğuların qalibləri müvafiq olaraq Vidadi Rzayevlə Faiq Cabbarov olub.

"Futbol+"in təşkil etdiyi sorğular[redaktə]

İndi isə "Futbol+"in son 10 ildə keçirdiyi sorğulara nəzər salaq. Bütün sorğularda ən yaxşı 10 futbolçunun nəticələri təqdim olunur:

1999[redaktə]

"Futbol+"in ilk qalibi Tərlan Əhmədov bu ada jurnalistlərin rəyi əsasında sahib çıxdı. Tərlan 30 jurnalistin böyük əksəriyyətinin - 83 faizdən çoxunun səsini qazanaraq laureat olmuşdu. 1999-cu ildə rəyi öyrənilən 30 jurnalist ümumilikdə 14 nəfərin adını bəyəndiyi "üçlük"də çəkmişdi ki, o zaman bu sayı yetərli saymamış, bununla futbolçulara "göydən enin" mesajını vermişdik. Az əvvəl qeyd etdiyimiz kimi, Tərlan rəqiblərini böyük üstünlüklə qabaqlamaqla yanaşı, ən yaxın izləyicisindən - Zaur Tağızadədən 31 xal çox toplamışdı.

1 2 3 4 5

  1. Tərlan Əhmədov 17 6 2 65
  2. Zaur Tağızadə 4 7 8 34
  3. Qurban Qurbanov 4 6 3 27
  4. Dmitri Kramarenko - 5 4 14
  5. Emin Ağayev 2 2 2 12
  6. Bəxtiyar Musayev 2 - 3 9
  7. Vadim Vasilyev 1 1 2 7
  8. Mahmud Qurbanov - 1 2 4
  9. Hüseyn Məhəmmədov - 1 - 2
  10. Vidadi Rzayev - 1 - 2

2000[redaktə]

Bir il əvvəl olduğu kimi, 2000-də də "ilin futbolçusu" adını müdafiəçi qazanıb. Əvvəlki il Tərlanın ən yaxın izləyicisi kimi hücumameylli futbolçu rəqabət aparırdısa, bu dəfə sabiq laureat məhz həmin il Rusiya çempionatının yüksək divizionuna vəsiqə qazanan Emin Ağayevə - həmampluasına uduzdu. Ancaq birinci və ikinci yerlərin sahibləri arasındakı cüzi fərq nə də olmasa, rəqabətdən xəbər verirdi. "Futbol+"un sorğuya qatdığı rəng isə ilk dəfə olaraq, baş məşqçilərin və mütəxəssislərin də rəyinin öyrənilməsiydi. Belədə respondentlərin ümumi sayı 34 nəfərə çatmışdı. Bu qədər sorğu iştirakçısı 22 futbolçunu namizəd kimi təqdim etmişdi ki, biz ilk "10-luğ"u diqqətinizə çatdırırıq.

  1. Emin Ağayev 10 4 3 41
  2. Tərlan Əhmədov 8 7 1 39
  3. Emin Quliyev 3 5 4 23
  4. Dmitri Kramarenko 3 3 2 17
  5. Kamal Quliyev 3 3 1 16
  6. Bəxtiyar Musayev 2 3 2 14
  7. Badri Kvaratsxeliya 1 3 1 10
  8. Paşa Əliyev 2 - 2 8
  9. Mahmud Qurbanov 1 1 1 6
  10. Fərrux İsmayılov - 1 3 5

2001[redaktə]

2001-də respondentlərin sayında azalma, adı birinciliyə namizəd göstərilənlərdə isə artım müşahidə olunub. Rəyi öyrənilən 31 nəfər ümumilikdə 23 futbolçunu birincilər sırasında görmək istəmişdi ki, bu siyahının başında Zaur Tağızadə yer alıb. Həm də o, mütləq əksəriyyətin səs çoxluğunu qazanmışdı. Zaur ən yaxın izləyicisini 33 səs, iki dəfədən çox qabaqlamışdı ki, bu baxımdan Kamran toyagetməlidi. Ən pisi odu ki, Zaurun ən yaxın izləyicisi rolunda qapıçı Cahangir Həsənzadə çıxış edirdi. Diqqətçəkən məqam kimi bir il əvvəl "ilin futbolçusu" seçilən Emin Ağayevin adının bir dəfə də çəkilməməsini göstərmək olar.

  1. Zaur Tağızadə 16 7 1 63
  2. Cahangir Həsənzadə 4 8 2 30
  3. Mahmud Qurbanov 2 6 3 21
  4. Vidadi Rzayev 4 1 3 17
  5. Emin Quliyev 1 2 1 8
  6. Qurban Qurbanov 1 1 3 8
  7. Tərlan Əhmədov 1 1 - 5
  8. Rəşad Sadıqov - 1 3 5
  9. Alay Bəhramov - 1 2 4
  10. Bəxtiyar Musayev 1 - - 3

2002[redaktə]

Ölkə çempionatının yoxluğu fonunda ən yaxşı müəyyənləşdirilərkən yığmanın və legionerlərin çıxışı əsas götürülüb. Elə Samir Əliyevin Kamal Quliyevi böyük üstünlüklə qabaqlaması da bundan xəbər verir. Hücumçu Ukraynadakı uğurlu çıxışıyla yanaşı, yığmada sərgilədiyi gözəl oyun sayəsində "ilin futbolçusu" nominasiyasında heç kimə şans vermədi. Samirin komanda yoldaşı, sorğuda onun ən yaxın izləyicisi olan Kamal Quliyev də legioner adının üstünlüyündən yararlanıb. Bu dövrdə legionerlə ölkədə qalan futbolçular arasındakı üç dəfəyə yaxın fərqin olması hardasa başadüşüləndi. Onu da əlavə edək ki, sorğuda əvvəlki illərlə müqayisədə rekord sayda - 66 nəfər iştirak edib.

  1. Samir Əliyev 26 5 1 89
  2. Kamal Quliyev - 13 4 30
  3. Tərlan Əhmədov 4 3 2 20
  4. Emin Quliyev 3 1 6 17
  5. Rəşad Sadıqov 1 2 6 13
  6. Qurban Qurbanov 1 3 1 10
  7. Mahmud Qurbanov 1 2 2 9
  8. Fərrux İsmayılov 1 1 3 8
  9. Aslan Kərimov - 3 1 7
  10. Cahangir Həsənzadə - 2 3 7

2003[redaktə]

Yığmadakı çıxışı, ən əsası Serbiya və Çernoqoriyanın qapısına üç qol vurması sayəsində respondentlərin səslərinin çoxuna sahib çıxan Qurban Qurbanov ən yaxşı seçilməklə ilk iki ildə bu adı qazanan müdafiəçiləri ümumi hesabda üstələməyə şərait yaratdı. Orta sahə oyunçularının və hücumçuların ön plana çıxması futbol adına xoş sözlərə layiqdi. Budəfəki sorğuda 59 nəfərin iştirak etdiyini də qeyd edək.

  1. Qurban Qurbanov 22 1 2 70
  2. Fərrux İsmayılov 3 16 6 47
  3. Kamal Quliyev 5 6 7 34
  4. Samir Əliyev 6 6 3 33
  5. Vadim Vasilyev 3 5 4 23
  6. Zaur Tağızadə 2 4 5 19
  7. Rəşad Sadıqov 3 2 3 16
  8. Aslan Kərimov 2 3 1 13
  9. Tərlan Əhmədov - 3 7 13
  10. Dmitri Kramarenko 1 2 3 10

2004[redaktə]

Rəşad Sadıqovun 2004-cü ildə ən yaxşı seçiləcəyini proqnozlaşdırmaq mümkün idi. Bu dəfə sorğuya qatılanların sayı baxımından yeni rekord müəyyənləşdi - 80 nəfər. Elə Rəşadı birinci görənlərin sayı baxımından da çox güman hələ uzun müddət qırılmayacaq rekord qeydə alındı. 80 respondentdən 58-i Sadıqovun adını birinci çəkmişdi. 190 xal toplayan Rəşad digər 27 rəqibini qabaqlamaqla yanaşı, ən yaxın izləyicisi Zaur Ramazanovu nə az, nə çox - 111 xal üstələmişdi. Başqa sözlə, yenə Kamrana şükür!

  1. Rəşad Sadıqov 58 8 - 190
  2. Zaur Ramazanov 12 14 15 79
  3. Emin Quliyev - 20 12 52
  4. Vidadi Rzayev 4 7 4 30
  5. Samir Əliyev 1 7 7 24
  6. Anatoli Ponomaryov - 5 8 18
  7. Qurban Qurbanov 1 4 1 12
  8. Mahmud Qurbanov 1 2 2 9
  9. Aslan Kərimov - - 9 9
  10. Kənan Kərimov - 3 2 8

2005[redaktə]

Samir Ələkbərovdan sonra ən yaxşı adını qorumağı bacaran ilk futbolçu olan Rəşad həm də arxa xətt oyunçularının daha çox sevildiyini nümayiş etdirdi. Ancaq bu dəfə o, rəqiblərini elə də böyük fərqlə geridə qoya bilmədi. Onunla axıradək Tağızadə rəqabət apardı. Yekunda fərq 17 xalla ifadə olundu.

  1. Rəşad Sadıqov 32 11 10 128
  2. Zaur Tağızadə 15 30 6 111
  3. Anatoli Ponomaryov 5 4 5 28
  4. Aslan Kərimov 2 2 3 13
  5. Tərlan Əhmədov 2 2 2 12
  6. İsmayıl Məmmədov 2 1 2 10
  7. Samir Əliyev 1 1 5 10
  8. Georgi Adamiya - 4 2 10
  9. Vidadi Rzayev 2 - 2 8
  10. Elmar Baxşiyev 1 2 1 8

2006[redaktə]

Növbəti iki il pleymeykerlərin ili oldu. "Futbol+"in ardıcıl 8-ci dəfə keçirdiyi sorğudan "Bakı"nı çempionluğa daşıyan Ceyhun Sultanov qalib çıxdı. Yığma və klub məşqçilərinin, habelə mütəxəssislərin və ədalət təmsilçilərinin fikirlərini öyrəndikdən sonra ilk iki yerin sahibinin dəyişməyəcəyi bəlliydi. Onu da qeyd edək ki, ilk dəfə olaraq "ilin ən yaxşısı" konkret "Futbol+"in namizədləri əsasında müəyyənləşdirildi. Etiraf edək ki, birinci və ikinci yerin sahibləri namizədlər siyahısına çarəsizlikdən salınmışdı. Bir çox aparıcı nəşrlərin sorğularında olduğu kimi həmin il təkcə jurnalistlərin rəyi öyrənilsəydi, birinci yerə millinin yeganə qolunun müəllifi Andre Ladaqa çıxmalıydı. Ancaq mütəxəssislərimizin ayrıseçkiliyi, fərqinə varmadan "özümüzünkülər"i irəli çəkməsi sorğuda əksini tapdı. Hər halda, 6-sı əcnəbi olmaqla 10 namizədin sıralamasında yığmamızın legionerlərinin son yerləri tutması bundan xəbər verir. Ümumiyyətlə, 2006-cı ildəki sorğuda 72 respondentin rəyinin öyrənildiyini vurğulayaq.

  1. Ceyhun Sultanov 23 12 8 101
  2. Fərhad Vəliyev 13 11 10 71
  3. Andre Ladaqa 6 17 8 60
  4. Aslan Kərimov 11 7 8 55
  5. Emin İmaməliyev 1 10 7 30
  6. Aleksandr Çertoqanov 3 1 7 18
  7. Leandro Qomeş 2 2 4 14
  8. Yuri Muzika - 3 6 12
  9. Ernani Pereyra - 1 7 9
  10. Sergey Sokolov - 1 4 6

2007[redaktə]

2007-nin sorğusunun özəlliyi ondaydı ki, bu dəfə daha geniş audutoriyanın - futbol ictimaiyyətinin və 200 oxucunun fikrini öyrənməyə ehtiyac duyduq. Ancaq səsvermədə yenə həlledici rolu futbol adamları oynadı. Halbuki əvvəlcə media nümayəndələrinin rəyini öyrənmişdik və Branimir Subaşiç aşkar liderliyə yiyələnmişdi. Ancaq yenə "ögey-doğmalıq" prinsiplərini əsas götürən futbol adamları Mahmud Qurbanovu birinci etdi.

  1. Mahmud Qurbanov 25 17 13 122
  2. Zaur Ramazanov 19 16 10 99
  3. Branimir Subaşiç 19 14 10 95
  4. Rəşad Sadıqov 5 16 7 54
  5. Samir Əliyev 7 10 6 47
  6. Aslan Kərimov 4 3 3 21
  7. Emin İmaməliyev 1 1 15 20
  8. Ceyhun Sultanov 2 1 6 14
  9. Saşa Yunisoğlu 1 2 6 13
  10. Usim Nduka 1 2 5 12
  11. İlqar Qurbanov - 1 2 4

2008[redaktə]

Ümumiyyətlə, indiyə qədər milliləşən legionerlərimizdən heç birinin laureat olmaması vurğulanmalıdı. Belə çıxır ki, bütün dövrlərdə özümüzkülər legionerlərdən üstün olub. Halbuki son bir ildə bunun əksini müşahidə etdik. Legioner limiti yerli-əcnəbi müqayisəsini yerbəyer etdi. Belədə mövsümün yarısını boşa vermiş qapıçı "ən yaxşı" seçildi. Həm də böyük fərqlə. Bu dəfə daha geniş audutoriyanın sorğuda iştirakını təmin etmişdik. Sayı 106-ya çatan respondentin 63 faizdən çoxu "ən yaxşılar"ın siyahısına ilk dəfə qapıçının adını əlavə etməkdən çəkinmədi.

  1. Kamran Ağayev 33 22 9 152
  2. Rəşad Sadıqov 15 11 9 76
  3. Zaur Ramazanov 7 12 14 59
  4. Tərlan Əhmədov 6 14 11 57
  5. Branimir Subaşiç 8 9 8 50
  6. Elvin Məmmədov 6 8 16 50
  7. Mahmud Qurbanov 7 3 8 35
  8. Fabio Luis Ramim 5 4 10 33
  9. Samir Abbasov 4 5 7 29
  10. Rail Məlikov 3 5 4 23
  11. Elvin Əliyev 2 4 5 19

2009[redaktə]

Qeyd: 1 - futbolçu, 2 - 1-ci yer (x3), 3 - 2-ci yer (x2), 4 - 3-cü yer (x1), 5 - cəmi.

Bütün qaliblər[redaktə]

İl Qalib İkinci yer Üçüncü yer Təşkilatçı
1991 Samir Ələkbərov "Futbol dünyası"
1992 Samir Ələkbərov "Futbol dünyası"
1993 Samir Ələkbərov "Futbol-Ekspress"
1994 Yunis Hüseynov "İdman"
1995 Seçilməyib
1996 Vidadi Rzayev "AFFA-Nyus"
1997 Faiq Cabbarov "İdman"
1998 Yunis Hüseynov "İdman"
1999 Tərlan Əhmədov Zaur Tağızadə Qurban Qurbanov "Futbol+"
2000 Emin Ağayev Tərlan Əhmədov Emin Quliyev "Futbol+"
2001 Zaur Tağızadə Cahangir Həsənzadə Mahmud Qurbanov "Futbol+"
2002 Samir Əliyev Kamal Quliyev Tərlan Əhmədov "Futbol+"
2003 Qurban Qurbanov Fərrux İsmayılov Kamal Quliyev "Futbol+"
2004 Rəşad Sadıqov Zaur Ramazanov Emin Quliyev "Futbol+"
2005 Rəşad Sadıqov Zaur Tağızadə Anatoli Ponomaryov "Futbol+"
2006 Ceyhun Sultanov Fərhad Vəliyev Andre Ladaqa "Futbol+"
2007 Mahmud Qurbanov Zaur Ramazanov Branimir Subaşiç "Futbol+"
2008 Kamran Ağayev Rəşad Sadıqov Zaur Ramazanov "Futbol+"
2009 Vaqif Cavadov Kamran Ağayev Rəşad Sadıqov "Futbol+"
2010 Rəşad Sadıqov Kamran Ağayev Ruslan Abışov "Futbol+"
2011 Rauf Əliyev Əfran İsmayılov Ruslan Abışov "Futbol+"
2012 Ruslan Abışov Cavid İmamverdiyev Vüqar Nadirov "Futbol+"
2013 Rəşad Sadıqov Rauf Əliyev Kamran Ağayev, Ruslan Abışov, Mahir Şükürov "Futbol+"

Mənbə[redaktə]