Azay Quliyev
| Azay Quliyev | |
| Quliyev Azay Əjdər oğlu | |
 |
|
| İlk adı: | Azay |
|---|---|
| Doğum tarixi: | 23 iyun 1971-ci il |
| Doğum yeri: |  SSRİ,  Ermənistan SSR, Sisiyan, Urud |
| Atası: | Əjdər |
Quliyev Azay Əjdər oğlu - ATƏT-in Parlament Assambleyasında Azərbaycan nümayəndə heyətinin üzvü.
Mündəricat |
[redaktə] Həyatı
Quliyev Azay Əjdər oğlu 1971-ci il iyunun 23-də Qərbi Azərbaycanın Zəngəzur mahalında (indiki Ermənistanın Sisiyan rayonunun Vaqudi kəndində) anadan olmuşdur. 1989-1991-ci illərdə həqiqi hərbi xidmətdə olub. 1992-ci ildə Bakı Dövlət Universitetinin tarix fakültəsinə daxil olub və 1998-ci ildə həmin universiteti fərqlənmə diplomu ilə başa vurubdur. 1995-1996-cı ildə isə Ankarada Türkiyə və Orta Şərq Dövlət İdarəçilik İnstitutunun "İnternational Advanced Public Administration Executive Programme"-nı bitiribdir.
Azərbaycan Respublikasının Prezidenti yanında Əfv məsələləri komissiyasının, Azərbaycan Respublikasının Prezidenti yanında Sahibkarlar Şurasının, Azərbaycan Respublikasının Nazirlər Kabineti yanında Məcburi Köçkünlərin Sosial İnkişaf Fondunun Müşahidə Şurasının, Azərbaycan Respublikasının əsir və itkin düşmüş, girov götürülmüş vətəndaşlarla əlaqədar dövlət komissiyasının üzvüdür.
1991-ci ildən 1996-cı ilədək Baş Arxiv İdarəsində birinci dərəcəli arxivçi işləmişdir. 1993-1998-ci illərdə “Elitar” Gənclər Klubunun və Azərbaycan Gənclərinin Sülh və Təhlükəsizlik İttifaqi ictimai birliyinin sədri olub.
1997-ci ildən 1999-cu ilədək Bakı Sosial İdarəetmə və Politologiya İnstitutu rektorunun köməkçisi, 2001-ci ildən 2003-cü ilədək Almaniya Texniki Əməkdaşlıq Agentliyinin (YAIIDP) vətəndaş cəmiyyəti üzrə eksperti vəzifəsində çalışıbdır.
1998-ci ildən 1999-cu ilədək Azərbaycan Respublikası Gənclər Təşkilatlarının Milli Şurasına 1999-cu ilin iyun ayından 2008-ci ilin iyuluna kimi Azərbaycan Milli Qeyri-Hökumət Təşkilatları Forumuna rəhbərlik edibdir.
2008-ci ilin aprelindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədridir.
Bitərəfdir. Rus və ingilis dillərini bilir. Evlidir, 3 övladı var.
[redaktə] Siyasi fəaliyyəti
2005-ci il noyabrın 6-da 46 saylı Şirvan (keçmiş Əli Bayramlı) seçki dairəsindən deputat seçilmişdir. Milli Məclisin Hüquq siyasəti və dövlət quruculuğu məsələləri daimi komissiyasının üzvüdür. Azərbaycan-Rumıniya parlamentlərarası əlaqələr üzrə işçi qrupunun rəhbəri, Azərbaycan-Fransa, Azərbayvan-İsveçrə, Azərbaycan-Gürcüstan, Azərbaycan-Sloveniya parlamentlərarası əlaqələr üzrə işçi qruplarının üzvüdür.
ATƏT-in Parlament Assambleyasında Azərbaycan nümayəndə heyətinin üzvüdür.
