ANS TV

ANS (Azerbaijan News Service)
Məlumat
Yayıma başlama tarixi	26 noyabr, 1991
Kanalın bağlanma tarixi	24 noyabr, 2006 – 10 dekabr, 2006 (müvəqqəti)
Bağlı olduğu şirkət	"ANS" Şirkətlər Qrupu
Kanalın sahibi	Vahid Mustafayev
Rəhbərlik	Vahid Mustafayev, Mirşahin Ağayev
Kanalın şüarı	Döyüş alnınıza yazılıb Dəqiq, qərəzsiz, vicdanlı
Yayımlandığı ölkə	Azərbaycan
Yayım tezliyi
Yayımın dili	Azərbaycan dili (84,1%), əcnəbi dil (15,9%)
Kanalın yayımlandığı ərazi	Azərbaycan Respublikası
Kanalın internet ünvanı	http://anstv.ws

ANS (Azerbaijan News Service) – Azərbaycanda ilk özəl televiziya kanalıdır. Sonralar fəaliyyət dairəsini çap və kommersiya məhsullarına genişləndirmiş şirkətdir. ANS Şirkətlər Qrupuna "ANS televiziya", "ANS-PRESS Nəşriyyat Evi", "ANS Kommers" və "ANS ÇM" daxildir. Qrupun prezidenti Vahid Mustavayevdir.

Azərbaycanın müstəqillik əldə etdiyi ilk zamanlarda əhaliyə ölkədə baş verən ictimai-siyasi hadisələr haqqında məlumat verən ilk müstəqil televiziya şirkəti kimi ANS 90-cı illərin əvvəllərində əhali arasında geniş nüfuza malik olmuşdur. Azərbaycanın vətənpərvər gənclərinin Qarabağ döyüşlərindəki qəhrəmanlıqlarını və Xocalı soyqırımını lentə alıb tarixin yaddaşına salan jurnalsitlər də məhz bu şirkətdə çalışmışdırlar.

Tarixi

1990-cu ildə 3 nəfər gənc Azərbaycanlı jurnalist, Vahid və Seyfulla Mustafayev qardaşları və Mirşahin Ağayev tərəfindən Azərbaycanda fəaliyyət göstərən ilk müstəqil televiziya şirkəti kimi yaradılmışdır. Azərbaycan Dövlət Televiziyasının binasında götürdükləri kiçik bir otağı studiyaya çevirərək 1992-ci il martın 2-dən etibarən öz proqram ideyalarını həyata keçirməyə başladılar. Televiziya kimi onların ilk reportajları cəbhə xəttində baş verənlər idi. ANS-in müxbirləri Çeçenistandan, Gürcüstandan, Osetiyadan, Qarabağdan, Abxaziyadan, Əfqanıstandan, İnquşetiyadan və s. münaqişə zonalarından reportajlar hazırlayır və BBC, CNN, CBS, NBC, NHK, ZDF, RAI kimi kanallara satırdı.

ANS-ə ən çox məşhurluq gətirən isə Qarabağ müharibəsi zamanı cəbhə xəttindən apardıqları çəkilişlər və Cingiz Mustafayevin Xocalı faciəsi zamanı çəkdiyi tarixi kadrlar olmuşdur.

1994-cü ildə, artıq iki illik qanuni fəaliyyətdən sonra kompaniyanın işçi heyəti 30 nəfərə çatmışdı. 1994-cü ildə ANS televiziyası ilə AZTV arasında qalmaqal baş verdi. ANS-in işçiləri dövlət televiziyasının ərazisindən çıxarıldı, ANS televiziyasının və radiosunun yayımı dayandırıldı. Yalnız 18 saatdan sonra Azərbaycan Respublikasının Prezidenti Heydər Əliyevin və onun oğlu İlham Əliyevin işə qarışmasından sonra ANS-in efiri bərpa edildi. ANS-DX (Data Xchange) – İnternet xidmətinin əməkdaşları 1996 -cı ildə internet səhifəsini hazırladılar. 2000-ci ilin sentyabrın 12-də, saat 23:45-dən etibarən Azərbaycan televiziyası tarixində, ilk dəfə, dünyanın nüfuzlu futbol turnirlərindən hesab olunan Çempionlar Liqasının oyunları ANS kanalını izləyə bilən tamaşaçılara yayımlandı. Yayım, UEFA-nın razılığılə, Avropada futbol oyunlarının Yayımlanması Şirkətilə ANS kanalı arasında bağlanan müqaviləyə əsasən həyata keçirilir.

2006-cı il noyabrın 24-də Azərbaycan Respublikası Milli Televiziya və Radio Şurası ANS Müstəqil Yayım və Media Şirkətinin həmçinin ANS ÇM Yayım və Media Şirkətinin yayımının dayandırılması barədə qərar çıxardı. ANS televiziyası və radiosu 17 gün yayımda olmadı. Dekabrın 10-da Milli Televiziya və Radio Şurası bəyan etdi ki, Azərbaycan Respublikasının Prezidenti İlham Əliyevə ünvanlanmış müraciətləri, həmçinin ANS Telekanalının çoxsaylı kollektivinin müraciətini nəzərə alaraq ANS-in yenidən efirə qayıtması barədə qərar çıxarıb.

Texniki imkanlar

2000-ci ilin yanvar ayında Səlyanda ANS TV-nin ilk regional ötürücü mərkəzi quruldu, ANS Tv-nin auditoriyası Mərkəzi Aran rayonlarına qədər genişləndi. Növbəti bu qəbildən olan mərkəz Sentyabrda Cəlilabadda yaradıldı. Noyabrda Respublikanın üç məntəqəsində Mərəzədə, Şamaxıda və Xızıda ötürücü mərkəz quruldu. Dekabr ayı İvanovkada belə bir mərkəzin qurulması ilə yadda qalan oldu. 2001-ci ilin yanvar ayında Xaçmazda ötürücü mərkəzin yaradılması ilə şimal rayonlarının sakinləri indi daha keyfiyyətli siqnal qəbul edir. Lənkəranda isə belə ötürücü mərkəz həmin ilin iyulunda yaradıldı. ANS Müstəqil Yayım və Mediya Şirkəti Sentyabrın 10-u 2002-ci ildən etibarən peyk vasitəsilə yayıma başlayıb. Artıq ANS Televizyiası və ANS ÇM radiostansiyası bütün ölkə ərazisində yayımlanmaqla yanaşı Eurasisat Turksat-2A-peyki üzərindən Orta Asiya, Yaxın Şərq, Şərqi Avropa, Rusiya Federasiyasının böyük bir hissəsi, Şimali Afrika ölkələrində yayımlanır. 2002-ci ilin sentyabr ayında Xanlar, Şəki və Quba rayonlarında ötürücü mərkəzlər qurularaq əhatə dairəsi daha da genişləndirildi.

Filmoqrafiya

1. 102 an (film, 2000)(sənədli film)(ANS tv)
2. 80 kilometr yerin altı ilə (film, 2002)(qısametrajlı sənədli film)(ANS tv)
3. Adam cinsi arasında cins adam (film)(qısametrajlı sənədli film)(ANS)
4. ADıNA günü (film, 2010)(qısametrajlı sənədli film)(ANS)
5. Amerika-Gürcüstan hərbi yolu (film, 2003)
6. Azərbaycan Amerikada (film)
7. Azərbaycan naminə! (film, 2004)
8. Azərbaycana namus və sevgiylə (film, 2006)
9. Bəd xəbər gətirən qəribə insanlar-2 (film, 2005)
10. Bəd xəbərlər gətirən qəribə adamlar (film, 1993)
11. Bol futbol (veriliş, 2007)
12. Cinayət İşi № (????)
13. Çətən (film, 1995)
14. Daha doğrusu (film, 2007)
15. Dahilərin divanı (film, 2007)
16. Dodaq Qaçdı (????)
17. Erməni soyqırımı. Türkün sözü (film, 2001)
18. Əliyevin əli (film, 2000)
19. Gecə yarı (veriliş, 2007)
20. Hesabat Mir Şahinlə (veriliş, 2007)
21. Xəbərçi (veriliş, 1991)
22. İç Xəbər (????)
23. İnsan (film, 2003)
24. Krossvord (veriliş, 2007)
25. Qızlar (film, 2007)(Bakıfilm Kinostudiyası)
26. Qoy oturmuşuq (veriliş, 2007)
27. Məhkəmə (veriliş, 2007)
28. Növbətçi (film, 2006)
29. O gün (film, 2005)
30. Palata (film, 2002)
31. Payızın 17 anı (film, 2007)
32. Seans (veriliş, 2007)
33. Şəhər. I film (film, 2003)
34. Şəhər. II film (film, 2003)
35. Şəhər. III film. Səsimizin yolu ilə (film, 2003)
36. Şəhər. IV film. Bir gün yerin altında (film, 2003)
37. Şəhər. V film. Bakının yol fəlsəfəsi (film, 2003)
38. Şəhər. VI film. Küçələrə su səpmişəm (film, 2003)
39. Şəhər. VII film. 103 eşidir... (film, 2003)
40. Şəhər. VIII film. 101 eşidir (film, 2003)
41. Şəhər. IX film. Mavi alov (film, 2003)
42. Şəhər. X film. Aydınlığa aparan yol (film, 2003)
43. Şəhər. XI film. Hərarət (film, 2003)
44. Şəhər. XII film. Bərəkət (film, 2003)
45. Şəhər. XIII film. Bazar olsun (film, 2003)
46. Terror (film, 2003)
47. Uzaq yaşıl ada (film, 2004)

Həmçinin bax

	Azərbaycan kino sənəti portalı

• Azərbaycan televiziya kanalları

Xarici keçidlər

• ANS internet saytı
• Azərbaycan Respublikası Milli Televiziya və Radio Şurası

Mənbə

Bu məqalənin azərbaycan dili əlifbasının ərəb qrafikası ilə qarşılığı vardır. Bax: آ ان اس