Azercell Telekom
| «Azercell Telekom» BM | |
|---|---|
 |
|
| Tipi: | Mobil rabitə operatoru |
| Təsis edilib: | yanvar 1996 |
| Yerləşməsi: |  Azərbaycan, Bakı |
| Hakim simaları: | Ali Ağan (Prezident) |
| Sahəsi: | Mobil rabitə |
| Dövriyyəsi: | $557,2 million (2007) |
| Veb-saytı: | http://www.azercell.com |
Azercell Telekom — Azərbaycanda ən böyük GSM standartlı mobil rabitə operatoru.
Mündəricat |
Şirkət haqqında [redaktə]
"Azercell Telekom" Birgə Müəssisəsi 1996-cı ilin 19 yanvar tarixində təsis edilib. Şirkətin ilk təsisçiləri Türkiyənin "Türkcell İletişim Hizmetleri A.Ş." şirkəti və Azərbaycan Respublikasının Rabitə Nazirliyi olub. "Azercell Telekom" BM öz fəaliyyətinə 1996-cı ilin 15 dekabr tarixindən etibarən başlamış və abonentlərin istifadəsinə sonradan ödəmə sistemi (abunəlik) əsasında qurulmuş mobil rabitə xidməti təqdim etmişdir.
1998-ci ildən etibarən SimSim — öncədən ödəmə sistemi tətbiq edilmişdir.
Azercell 2000-ci ildə özünün keyfiyyət idarəetmə sistemini qurub və 7 dekabr 2000-ci il tarixində bu sistemin Beynəlxalq ISO 9001 Standartına uyğunluğu barədə sertifikat alıb. [2003]-cü ildə şirkət eyni standartın 2000-ci il versiyasına əsasən öz keyfiyyət sistemini yeniləyib və 15 yanvar 2004-cü il tarixində ISO 9001:2000 Standartına uyğunluq sertifikatı əldə edib.
Azercell Telekom BM 2006-cı ildə IIP (the Investors In People) – İnsanlara Sərmayədar (İS) Standartı üzrə sertifikat ilə təltif edilmişdir.
Azercell Telekom BM IIP Standartı çərçivəsində bütün 12 meyara cavab vermiş və dünyada 36000-dən çox IIP Standartı ilə işləyən şirkətlərin siyahısına daxil edilmişdır.
Əhatə dairəsi və rouminq [redaktə]
Fəaliyyəti ərzində Azercell-in əhatə dairəsinə əhalinin 99.7%, respublika ərazisinin isə 80% (işğal olunmuş əraziləri çıxmaq şərtilə) daxil edilmişdir. Azərbaycanın ərazisində Azercell 16 mobil kommutasiya mərkəzi (MSC), 13 əsas stansiyaların kontrolleri (BSC), 2 ehtiyat abonent bazaları (HLR) və 1700 əsas qəbul-ötürmə stansiyasına (BTS) malikdir.
2000-ci ildən başlayaraq, Bakı Metropoliteninin bütün stansiyaları Azercell şəbəkəsinin xidmət dairəsinə daxildir. Bura həmçinin, stansiyalar arasında mənzillər də daxildir.
Regional nümayəndəliklər Gəncədə, Naxçıvanda, Qubada, Şəkidə, Masallıda, Sabirabadda və Sumqayıtda fəaliyyət göstərirlər.
Dünyanın 152 ölkəsinin 406 mobil rabitə operatorları ilə rouminq müqavilələri bağlanıb.
Statistika [redaktə]
Abonentlərin sayı [redaktə]
| İl | Faktura xətti | SimSim | Cəmi |
|---|---|---|---|
| 1997 | 20 371 | 0 | 20 371 |
| 1998 | 54 013 | 1818 | 55 831 |
| 1999 | 51 079 | 128 561 | 179 640 |
| 2000 | 39 363 | 341 494 | 380 857 |
| 2001 | 40 954 | 478 392 | 519 346 |
| 2002 | 45 548 | 623 050 | 668 598 |
| 2003 | 53 873 | 858 264 | 912 137 |
| 2004 | 69 917 | 1 238 723 | 1 308 640 |
| 2005 | 84 035 | 1 622 123 | 1 706 158 |
| 2006 | 91 362 | 2 242 025 | 2 333 387 |
| 2007 | 94 334 | 2 377 426 | 2 471 760 |
Bazar payı [redaktə]
«Azercell Telekom» BM-nin Azərbaycanın mobil telekommunikasiya bazarındakı payı hal-hazırda 55% təşkil edirdi.
Vergilər [redaktə]
Vergilər Nazirliyinin məlumatına görə, "Azercell Telekom" MMC neft sektorundan sonra respubulikada ikinci ən iri vergi ödəyicisidir. Fəaliyyəti ərzində şirkət dövlət büdcəsinə və büdcədənkənar fondlara 780 mln artıq ABŞ dolları məbləğində vergi ödəmişdir.
Penetrasiya [redaktə]
Həmçinin, penetrasiya indeksinə görə (43%) «Azercell Telekom» MDB ölkələrinin mobil operatorların arasında aparıcı yerlərindən birini tutur.
