Böyükağa Talıblı
| BÖYÜKAĞA TALIBLI | |
| Böyükağa Mirqasım oğlu Talıblı | |
 |
|
| Doğum tarixi: | 1897-ci il |
|---|---|
| Doğum yeri: | Salyan şəhəri |
| Vəfatı: | 1938-ci il |
| Vəfat yeri: | Bakı şəhəri |
Böyükağa Talıblı– (1897-1938) şair, publisist, 1934-cü ildən AYB-nin üzvü. “Kommunist” qəzetinin ikinci rəsmi redaktoru olmuşdur (1921-ci il martın 30-dan 1921-ci il aprelin 15-dək).
[redaktə] Həyatı
Böyükağa Mirqasım oğlu 1897-ci il martın 21-də Azərbaycanın Salyan şəhərində anadan olmuşdur. Bakı real məktəbində təhsil almışdır (1909-1915). Petroqrad vilayət komissarlığında müsəlman işləri üzrə təbliğat və təşviqat şöbəsinin müdiri, bir il sonra orada azərbaycanca buraxılan «Hürriyyət» qəzeti redaksiyasının əməkdaşı olmuş, xalq komissarlığında milli işlər üzrə müsəlman şöbəsinə müdir təyin edilmişdir.
Krım cəbhəsində əks-inqilabi qüvvələrə qarşı vuruşmuş, eyni zamanda «Melitopolskiye izvestiya» qəzeti redaksiyasında əməkdaşlıq etmişdir (1915-1920).
1920-ci ilin mayında Azərbaycana fəhlə-kəndli müfəttişliyi komissarının müavini vəzifəsinə göndərilmiş, sonra burada xalq təsərrüfatı şurasının sədri olmuşdur. Azərbaycan Xalq Ədliyyə komissarı, Mərkəzi Statistika İdarəsinin rəisi, Sovet quruluşu və hüquq İnstitutunun direktoru, respublika prokuroru, Bakı Plan İdarəsinin sədr müavini vəzifələrində işləmişdir (1923-1932).
«Keyf içində (1929), «Tövbə» (1930), «Dirək» (1971), «Seçilmiş əsərləri» (1938) kitablarının müəllifi olmuşdur.
1938-ci ildə cəza tədbirləri dövründə həlak olmuşdur.
