Bəbir

Vikipediya, açıq ensiklopediya - ویکیپدیا ، آچیق انسایکلوپدیا

Bəbir
Bəbir
Adı	Bəbir
Tip	Xordalılar (Chordata)
Sinif	Məməlilər (Mammalia)
Dəstə	Yırtıcılar (Carnivora)
Fəsilə	Pişikkimilər(Felidae)
Cins	Panthera
Növ	Panthera pardus

Bəbir (qaplan, Panthera pardus) pişikkimilər fəsiləsindən heyvan. Bədəninin uz. 160 sm-ədək, quyruğu 95 sm-ə qədər, erkəklərin çəkisi 75 kq-adək, dişilərinki bir qədər az olur. Bədəni əzələli, ayaqları nisbətən qısa, xəzi sıx, yumşaq, sarı, yaxud kürən rəngli və qara xallıdır. Bəzən qara bəbir (pantera) də olur (Hindistanda). Afrikada (Böyük Səhradan başqa), Ön və Cənubi Asiyada, Azərbaycanda nadir hallarda (Talış dağlarında və Naxçıvanda), Cənub-Qərbi və Cənubi Türkmənistan dağlarında, Tacikistanın cənub hissəsində və Ussuri ölkəsində sıx meşələrdə və dağlarda yaşayır. Dişisi iki, bəzən üç bala doğur. Əsasən, dırnaqlı heyvanları, quşları və gəmiriciləri ovlayır. 20 əsrin 50-60-cı illərində bəbir dərisindən paltoların dəbdə olması Afrikada bəbirin sayını xeyli azaltmışdır.