Bəhmən Vətənoğlu
| BƏHMƏN VƏTƏNOĞLU | |
| Bəhmən Kalış oğlu Abbasov | |
 |
|
| Doğum tarixi: | 31 dekabr 1932-ci il |
|---|---|
| Doğum yeri: | Seyidlər, Kəlbəcər |
| Vəfatı: | 30 sentyabr 2004-cü il (71 yaşında) |
| Vəfat yeri: | Gəncə |
Abbasov Bəhmən Kalış oğlu — şair, Azərbaycan Yazıçılar Birliyinin (1999) üzvü.
Mündəricat |
[redaktə] Həyatı
Bəhmən Vətənoğlu 1932-ci il dekabrın 31-də Kəlbəcər rayonunun Seyidlər kəndində dünyaya gəlmişdir. Burada kənd orta məktəbini bitirdikdən sonra kolxozda çalışmış (1951-1955), kənd kitabxanasında müdir olmuşdur (1955-1960).
Azərbaycan Dövlət Universitetinin tarix fakültəsində təhsilini davam etdirmişdir (1960-1965). Təyinatla Kəlbəcər rayonunun Lev kənd orta məktəbinə müəllim göndərilmişdir (1965-1967). Seyidlər kənd orta məktəbində direktor olmuşdur (1967-1993).
Qarabağ münaqişəsi dövründə ailəlikcə Gəncəyə köçüb orada məskunlaşmışlar. Bir müddət Kəlbəcər təhsil şöbəsinin metodisti işləmişdir (1993-?).
Bədii yaradıcılığa orta məktəbdə oxuyarkən başlamışdır. İlk mətbu şeri "Dəyişməmişəm" 1958-ci ildə Kəlbəcər rayon qəzetində ("Yeni həyat uğrunda") dərc olunmuşdur. Respublika mətbuatında vaxtaşırı çıxış etmişdir. "Haqqa qardaş yaranmışam" (1985), "Allahsız dünya" (1992) "Vətən bizi bağışlamaz" (1995), "Qaldı ürəyimdə dağı dağların" (1997) şeir topluları nəşr olunmuşdur.
[redaktə] Əsərləri
- "Haqqa qardaş yaranmışam" (1985),
- "Allahsız dünya" (1992)
- "Vətən bizi bağışlamaz" (1995),
- "Qaldı ürəyimdə dağı dağların" (1997)
- "Nə yaman aldatdın Bəhməni, dünya"
[redaktə] Şəkillər
-
Bəhmən Vətənoğlu və Zəlimxan Yaqub.
[redaktə] Mənbə
- Əli Uluxanlı. "Murovun başında qəbrim olaydı" (məqalə), Dünya qəzeti. 28 yanvar 2011-cu il. № 32-33, səh.15.
