Bəziləri isti sevir (film, 1959)

Vikipediya, açıq ensiklopediya
(Bəziləri bu istini sevir (film, 1959) səhifəsindən istiqamətləndirilmişdir)
Keçid et: naviqasiya, axtar

Bəziləri isti sevir (ing. Some Like It Hot; sovet prokatında "Cazda yalnız qızlardır", rus. В джазе только девушки) — rejissor və prodüser Billi Uaylderin musiqili komediya filmi. Film, rejissorun əsas işlərindən biri və ssenarist İzi Daymondla birlikdə işlədiyi ikinci filmdir. Baş rollarda Toni Körtis, Cek LemmonMerilin Monro çəkilmişlər. Filmin ssenarisi fransız filmi olan "Sevgi fanfaraları" filminin motivləri əsasında yaxılmışdır. 1951-ci ildə Almaniyada həmin filmin remeyki çəkilmişdir.

Film 29 mart 1959-cu ildə geniş ekranlara çıxmış, 1966-cı ildə isə SSRİ-də prokata çıxarılmışdır. Filmin orijinal adının və süjetinin o dövrün mənəviyyat normalarına uyğun olmaması səbəbindən sovet senzurası filmin bəzi epizodlarını çıxarmış, adını isə daha "təsirsiz" adla əvəz etmişdi. Bunun nəticəsi olaraq keçmiş sovet respublikalarında film "Cazda yalnız qızlardır" adı ilə daha çox tanınır.

Film 1 Oskar və 3 Qızıl Qlobus mükafatına layiq görülmüşdür.

Filmin mövzusu[redaktə]

Çikaqolu musiqiçilər Co və Cerri təsadüfən quldur atışmasının şahidi olurlar. Onlar cinayətkarların əlindən qaçmaq üçün qadın libası geyinib qatarla Floridaya gedirlər. İndi onlar Co və Cerri deyil, Jozefina və Dafna adı ilə qadın caz ansamblında musiqi alətlərində çalırlar. Bu maska ilə bir müddət gizlənə bilirlər. Amma "Jozefina" qrupun müğənnisinə aşiq olur, qoca bir kişinin isə "Dafna"ya gözü düşür. Bu arada mafiyanın başçısı sirrin üstünü açır və şahidləri aradan götürməyi tapşırır.

Merilin Monro bu filmə görə Qızıl Qlobus mükafatına layiq görülmüşdür, həmçinin, film ən yaxşı komediya olaraq adını tarixə yazıb.

Mənbə[redaktə]