Babək Göyüş

Babək Göyüş
İlk adı:	Babək Məhərrəm oğlu Göyüşlü
Doğum tarixi:	29 iyun 1957-ci il (1957-06-29)
Doğum yeri:	Əmirxeyir, Çəmbərək, Qərbi Azərbaycan

Göyüşlü Babək Məhərrəm oğlu (Babək Göyüş) — nasir, 2004-cü ildən Azərbaycan Yazıçılar Birliyinin üzvü.

Həyatı

Babək Göyüş 1957-ci il iyunun 29-da Qərbi Azərbaycanda, Çəmbərək (Krasnoselo) rayonunun Əmirxeyir kəndində dünyaya gəlib. Gölkənd orta məktəbini bitirdikdən sonra Bakı Dövlət Universitetinin mexanika-riyaziyyat fakültəsinə qəbul olub. Həmin fakültəni qurtardıqdan sonra üç il Lənkəran rayonunun Marso qəsəbəsində müəllimlik fəaliyyətinə başlayıb. Sonra bir neçə il Türkmənistanın Nebit-Dağ şəhərində neft şirkətində sistem-proqramçı vəzifəsində çalışıb. Yenidən Bakıya köçdükdən sonda Azərbaycanın müxtəlif qəzetlərində müxbir, məsul katib və redaktor vəzifələrində işləyib. 1998-ci ildən 2009-cu ilin may ayınadək Azərbaycan Televiziya və Radio Verilişləri Qapalı Səhmdar Cəmiyyətinin Gənclik redaksiyasında redaktor kimi yaradıcılıq fəaliyyətini davam etdirib. İlk hekayəsi 1988-ci ildə "Ədəbiyyat qəzeti"ndə çap olunub. Daha sonra onun hekayələri "Azərbaycan", "Ulduz" və "Azərbaycan təbiəti" jurnallarında, "Yol" qəzetində və digər mətbu orqanlarda işıq üzü görüb. O, 1-ci Qarabağ savaşında Müdafiə Nazirliyinin "Azərbaycan Ordusu" qəzetində hərbi müxbir vəzifəsində çalışdığına görə "Müharibə veteranı" adına, AzTV-də hazırladığı diaspor verilişlərinə görə isə Diasporla İş üzrə Dövlət Komitəsinin və "Diaspor" jurnalının "Qobustan" Beynəlxalq mükafatına layiq görülüb. Babək Göyüş həm də "Azərbaycanlıyam" jurnalının baş redaktorudur. Dünyanın hər yerinə səpələnmiş 50 milyonluq azərbaycanlılar həmin jurnalın ilk sayı ilə 2008-ci ilin fevral ayında tanış olublar. Yazıçının "Ağ geyimli qadın" hekayələr kitabı 2008-ci ilin noyabrında çap olunub.

Əsərləri

• Ağ geyimli qadın (hekayələr kitabı), Bakı, 2008, 116 səh.

• Yazıçı Babək Göyüşün bu kitabındakı hekayələr 1989-cu ilədək qələmə alınıb.

Xarici keçidlər

• "Azərbaycanlıyam" jurnalı
• "Ağ geyimli qadın" hekayələr kitabı haqda
• "Ağ geyimli qadın" hekayəsi "Adyazar.az" Ədəbiyyat Portalında
• "Mədəniyyət" qəzeti – "Ağ rəngin sirri" Babək Göyüşlə müsahibə
• Azərbaycan Milli Kitabxanası
• Qanun Nəşrlər Evi
• "Mediaforum.az" – Az
• "Mediaforum.az" – Az
• "Mediaforum.az" – Az
• "Mediaforum.az" – Az
• "Mediaforum.az" – Az
• "Mediaforum.az" – Rus
• "Azadliq.org" – Az
• "Azadliq.org" – Az
• "Doqquziklim.net" – Az
• "Yazarklub.org" – Az
• "Hafta-ichi.com" – Az
• "Salamnews.org" – Az
• "Dayaq.org" – Az
• "Dayaq.org" – Az
• "Kultaz.com" – Az
• "Kultaz.com" – Az
• "Gunaz.tv" – Az