Bakı Qızlar Universiteti

Vikipediya, açıq ensiklopediya
Keçid et: naviqasiya, axtar

Bakı Qızlar Universiteti (BQU)

Kj.jpg
Yaranma tarixi 1992
Rektor Ağarəhim Rəhimov
Şəhər Bakı
Ölkə Azərbaycan
Ünvan Az 1078, Bakı, Nəsimi, Möhsün Sənani, 14
Vebsayt [1]
Facebook
Twitter
G+

Bakı Qızlar Universiteti - Azərbaycanda fəaliyyət göstərən özəl təhsil müəssisəsidir.

Seminariya fransız sözü olub təlim-tərbiyə müəssisəsi deməkdir. İlk dəfə 1684-cü ildə Fransanın Reyms, daha sonra 1695-ci ildə Almaniyanın Halle şəhərində yaradılmışdır. Tarixə nəzər salsaq, seminariya Qərbi Avropada və Rusiyada xüsusi orta ixtisas məktəblərindən biri olub və əsasən dini təhsil verib. Sonralar ibtidai sinif müəllimi hazırlamaq üçün seminariyalar yaradılıb. Rusiyada ilk müəllimlər seminariyası XVIII əsrin axırlarında – 1779-cu ildə Moskvada açılmışdır. 1876-cı ildə yaradılmış Qori Seminariyası Zaqafqaziyada, o cümlədən Azərbaycanda təhsilin, elm və mədəniyyətin inkişafına güclü təsir göstərmişdir. XX əsrin 80-cı illərində ölkənin təhsil sistemi güclü böhranla qarşılaşdı. Bakı Ali Pedaqoji Qızlar Seminariyası belə bir dövrdə yarandı. Bu, elə bir dövr idi ki, mövcud təhsil sistemi zamanın tələblərinə cavab vermirdi. Yeni, alternativ, daha mütərəqqi və uğurlu sistemə ciddi ehtiyac var idi. Qızlar Seminariyası da belə bir sisteminin qaranquşlarından biri oldu.Seminariyanın rəhbərliyi ali pedaqoji təhsilin təkmilləşdirilməsi istiqamətlərini müəyyənləşdirdi, yeni model yaratdı. Bu model sovet təhsil sisteminin “Təbiət-cəmiyyət” modelindən kəskin fərqlənirdi. Köhnə təhsil modelinə “şəxsiyyət” və “ tanrı” komponentləri əlavə edilərək, seminariyada təhsilin məzmunu “təbiət-cəmiyyət-şəxsiyyət-tanrı” modeli əsasında quruldu. Seminariyanın əsasnaməsi 1992-ci ildə təsdiq edildi. Beləliklə, Seminariyanın təşkili üçün hüquqi əsas yarandı. Professor Ağarəhim Nüsrət oğlu Rəhimovun sədrliyi ilə tələbə qəbulu komissiyası yaradıldı. İyulun 27-də Azərbaycan Televiziyasında Bakı Ali Pedaqoji Qızlar Seminariyasına “Pedaqogika və psixologiya”, “Pedaqogika və ibtidai təhsilin pedaqogikası” ixtisasları üzrə tələbə qəbuluna dair elan verildi. Nazim Abbasova tədris işlərinə rəhbərlik etmək həvalə edildi.Azərbaycan Respublikası Ədliyyə Nazirliyinin 08 iyul 2005-ci il tarixli Dövlət Qeydiyyatı haqqında 19 saylı şəhadətnaməsi ilə Bakı Ali Pedaqoji Qızlar Seminariyası Bakı Qızlar Universiteti adlandırıldı. Bakı Qızlar Universitetində tədris özünəməxsus sistem üzrə təşkil olunub. Burada Elmi Şura, Tədris, elmi və tərbiyə işləri üzrə prorektorluq, “Sosial-pedaqoji” və “Filologiya-tarix” fakültələtinin dekanlıqları, 6 kafedra, Tələbə Şurası, Tələbə Elmi Cəmiyyəti, bədii yaradıcılıq studiyası, Kompüter mərkəzi, Tələbə Gənclər Təşkilatı, Ekoloji mərkəz, kitabxana fəaliyyət göstərir. Ümid edirik ki, Bakı Qızlar Universiteti Azərbaycan təhsilinə öz töhfələrini bundan sonra da uzun illər bəxş etməkdə davam edəcəkdir. Bakı Qızlar Universitetində aşağıda göstərilən ixtisaslar üzrə tələbələr (bakalavr və magistr) hazırlayır. Buraya aiddir: :

Bakalavr təhsili üzrə:

  • Xarici dil (ingilis) müəllimliyi;
  • Azərbaycan dili və ədəbiyyat müəllimliyi;
  • Tarix müəllimliyi;
  • Təhsildə sosial-psixoloji xidmət;
  • Psixologiya;
  • Coğrafiya müəllimliyi;
  • İbtidai sinif müəllimliyi;
  • Məktəbəqədər təlim və tərbiyə;
  • Riyaziyyat və İnformatika müəllimliyi

Magistratura təhsili üzrə:

  • İbtidai sinif müəllimliyi – İbtidai sinifdə tədrisin metodika və metodologiyası;
  • Pedaqogika – Pedaqogika nəzəriyyəsi və tarixi;
  • Filologiya – Azərbaycan ədəbiyyatı; Azərbaycan dili;
  • Tarix – Azərbaycanın yeni və ən yeni tarixi

Bakı Qızlar Universiteti yaradıldığı dövrdən Azərbaycan təhsilinin inkişafına öz töhfələrini vermiş və indi də verməkdədir.

Universitetin əyani şöbəsində təhsil müddəti 4 il, qiyabi şöbəsində 4 il 6 aydır. Seminariyada «Dillər», «Ədəbiyyat», «Tarix», «Təbiət fənləri», «Psixologiya», «Pedaqogika», «İctimai elmlər» kafedraları fəaliyyət göstərir. Tələbələrin təlim-tərbiyəsi ilə 7 kafedrada çalışan 100-dən artıq müəllim məşğul olur. Onlaradan 37 nəfəri elmlər doktoru, professor, qalanları isə elmlər namizədi, dosentdir.

Universitetin əsaslı təmir edilmiş binası, tədris üçün zəruri texniki vasitələrlə təchiz olunmuş 50-75 nəfərlik auditoriyaları vardır. Universitetdə zəngin kitabxana, ixtisas laboratoriyaları, iclas zalı, yeməkxana, nəşriyyat, şən və hazırcavablar klubu, bədii özfəaliyyət dərnəyi, xor kollektivi və s. fəaliyyət göstərir.

Universitetin məzunları Respublika Təhsil Nazirliyi tərəfindən verilmiş dövlət nümunəli diplomlar əsasında ümumtəhsil məktəblərində, ali təhsil ocaqları və məktəbəqər tərbiyə müəssisələrində çalışırlar. Bakı Qızlar Universitetinin rektoru pedaqoji elmlər doktoru, professor Ağarəhim Nüsrət oğlu Rəhimovdur.

Mənbə[redaktə]

Bakı Qızlar Universiteti

Rəsmi internet saytı[redaktə]

Xarici keçidlər[redaktə]