Bakı qalası

Bakı qalası
Tikili haqqında məlumat
Orijinal adı	Bakı qalası
Ölkə	Azərbaycan
Yeri	Bakı
Tarixi	XIII əsr
Tikili	Qala
Tipi	İstehkam qala
Vəziyyəti	Muzey kimi fəaliyyət göstərir
Xəritədə yeri
	; Bakı; qalası

Bu məqalə Bakı qalası haqqındadır. Digər mənalar üçün Bakı qalası (dəqiqləşdirmə) səhifəsinə baxın.

Bakı qalası - Abşeron qalalarının ən böyüyü və mükəmməli. Qala ikiqatlı divardan ibarət olub. Birinci divar Şirvanşah III Mənuçöhr, ikinci divar isə Şirvanşah I Axsitanın zamanında tikilmişdir.

Lakin ikinci qala divarları Azərbaycanda rus çarizminin hakimiyyəti dövründə uçurularaq məhv edilib. Birinci qala divarı isə hələ də qalmaqdadır. Bakı qalasının iki qapısı olub. Onlardan biri Xəzər dənizinə, digəri isə quruya açılırmış.

Bakı qalasının mifik müdafiəçisi də olub. Xalq arasında yayılan əfsanəyə görə Bakı qalasını əfsanəvi nəhəng buğanın müsbət aurası qoruyurmuş. Bu buğanı isə iki böyük şir müdafiə edirmiş. Bakı qalası bir çox tarixi hadisələrə şahid olmuş, uzun müddət Şirvanşahlar dövlətinin və Bakı xanlığının paytaxtını müdafiə etmişdir.

Qala kitabəsi

Kitabədə kufi xətti ilə ərəb dilində yazılmışdır:

"Şəhər qalasının bina edilməsinə əmr etdi: əzəmətli məlik, alim, adil, müzəffər, mənsur, mücahid, dinin və dövlətin fəxri, islam və müsəlmanların istinadgahı, ən böyük Xaqan, böyük Şirvanşah Əbülhica Mənuçöhr bin ..."